Danieli 9:27 - ÎVUKU RÎA ÛVORO MWARO

²⁷ Mûtongoria ûcio nîakaarûtha kîrîkanîro kîrûmu na andû eengî îvinda rîa mîaka mûgwanja. Îvinda rîa mîaka îthatû na nuthu, nîakaarûngamia matega na magongoona. Vandû varîa vatheru Mûno hekarûrî, nîvakaarûngamua kîrîa kîrî mûgiro nginya rîrîa ûrîa wakigire vo agaacûkangua wata ûrîa Ngai aavangire.’ ”

Danieli 9:27 ပူးပေါင်းရင်းမြစ်များ

Isaia 28:15

Nîûndû mugîte atîrî, “Tue tûrî arûthu kîrîkanîro na gîkuû, na tûrîetîkanîriu na kwa arîa akuû! Rîrîa mûthiro ûkaavîtûkîrîra gûkû ndûgaatûvutia, nîûndû tûtuîte maveeni kûndû gwa kûrîra, na tûkethitha maûndûrî ma maveeni.”

Isaia 28:22

Kwoguo, mue mûtikarie ciugo njûku, nîûndû mûngîka ûguo nîmûkoovwa na vinya. Nîûndû nîmbîguîte Ngai-Mûnene mwene vinya wonthe akiuga nîatuîte gûcûkangia vûrûri wonthe.

Isaia 42:6

Nînie Ngai-Mûnene ngwîtîte wîke maûndû na kîvooto, nîngûnyitîte njara na ngakûgitîra. Na njîra yaku nîndûthîte kîrîkanîro na andû onthe, we ûgaatuîka ûtheri wa mavûrûri.

Isaia 53:11

Vuva wa kwona umithio wa mathîna ma ndungata yake, nîagaacoka akene; ndungata îo yake nthingu îrî na ûmenyo, nîgaatûma andû eengî matuwe athingu; na nîgaakuuwa mevia mao.

Isaia 55:3

“Tegani matû menyu, na mûke kûrî nie; nthikîrîriani na nî mûgûtûûra mwoyo! Nîngûrûtha namue kîrîkanîro gîa gûtûûra tene na tene, na nîngaamûva wendo wakwa ûtathiraga ûrîa nerîîre Daudi.

Jeremia 7:30

“Andû a Juda nîmekîte maûndû macûku mbere yakwa, nîmekîrîte mîvuanano hekarûrî yakwa na magatûma îgwatwa nî mûgiro.

Danieli 11:31

Athigari amwe ake nî mageekîra hekarû na rûthingo rwayo mûgiro. Nî magaatigithia andû kûruta matega ma wa mûthenya, na macoke matûme hekarû îgîe mûgiro.

Danieli 11:36

“Mûthamaki wa Sîria nîageka kwenda gwake. Ke nîakenenevia gûkîra ngai cionthe na arume Ngai Ûrîa Mûnene gûkîra Ngai cionthe. Ageka ûguo nginya rîrîa Ngai akaamûverithia; nîûndû ûrîa Ngai avangîte gwîka nwanginya ûkaavinga.

Danieli 12:11

“ ‘Kuuma vîndî îrîa matega ma kûvîvua ma wa mûthenya maarûngamirue, na ûndû ûrîa ûrî mûgiro ûgîkîka, mîthenya ngiri îmwe na magana maîrî ma mîrongo kenda (1,290) îkethîrwa îrî mîvîtûku.

Danieli 7:25

Ke nîakaaria maûndû macûku megiî Ngai Ûrîa Mûnene na avinyîrîrie andû a Ngai. Nîakaagarûra mawatho mao na irugo ciao, na andû acio nîmakaathwa nîke îvinda rîa mîaka îthatû na nuthu.

Danieli 8:13

Nînacokire ngîgua ûrîa mûtheru akîaria, nake wîngî mûtheru akîmûcokeria atîrî, ‘Maûndû mau monekete na njîra ya kîoneki gîkî mageekîka kavinda kegana atîa? Maûndû marîa macûku nîmatûûra mekagwa kavinda kegana atîa vandûrî va magongoona ma wa mûthenya? Mbûtû ya îgûrû na hekarû nîitûûra ikinyangagwa nginya rî?’

Hosea 3:4

Ûguo nwa ta guo andû a Isiraeli magatûûra îvinda îraca matarî na athamaki kana atongoria; matakûruta magongoona, itugî cia mathiga cia kûvoera, na matarî na efodi kana terafimu.

Ndari 7:62

Thaani îmwe ya thaavu ya ûrito wa ngiramu îgana rîa îkûmi (110 g) îcûrîte ûbani,

Mathaayo 24:15

“Mue nîmûkoona ‘Kîndû kîrîa kîrî mûgiro’ kîrîa mûrathi Danieli aaririe ûvoro wakîo kîrûngamîte vandû varîa vatheru.” (Mûndû ûrîa ûrathoma nîataûkîrwe nî ûrîa kûrerwa!)

Mathaayo 26:28

Îno nî nthakame yakwa ya Kîrîkanîro, îrîa îgeetûrûrwa nîûndû wa andû eengî nîûndû wa kwoverwa mevia.

Mathaayo 27:51

Nakîo gîtambaa gîa hekarû nîgîatûkanire maita maîrî, kuuma îgûrû nginya nthî. Nayo nthî nîyainainire namo mathiga magîatûkanga.

Maariko 13:14

“Rîrîa mûkoona kîndû kîrîa kîrî mûgiro kîrî varîa gîtagîrîrwe nîkwîthîrwa kîrî.” (Mûndû ûrîa ûrathoma nîataûkîrwe nî ûrîa kûreerwa) “Vîndî îo andû arîa makeethîrwa marî Judea, nîmakaaûra mathiîte irîmarî.

Luka 21:20

“Vîndî îrîa mûkoona îtûûra rîa Jerusalemu rîthiûrûrûkîrîtue nî athigari, nîmûkaamenya atî îvinda rîarîo rîa kwomomorwa rîrî vakuvî.

Luka 21:24

Andû amwe nîmakaaûragwa na mviû na engî nîmagaatavwa na mavirwe mavûrûrirî monthe. Nao andû a ndûrîrî nîmakaaverithia andû a Jerusalemu nginya rîrîa kavinda ka andû a ndûrîrî ga kwathana gakaathira.

Aroma 11:26

Ûguo nîguo Aisiraeli onthe makaavonokua. Wata ûrîa mandîko matheru maugîte atîrî, “Mûvonokia nîagaaûka kuuma Zayuni, na nîakaathengutia waganu wonthe kuuma rûciarorî rwa Jakovu.

Aroma 5:15

Nwatî Adamu na mûndû ûcio methagîrwa marî na ngûrani, nîûndû kîveo Kîam Ngai tî ûndû ûmwe na mevia ma Adamu. Andû eengî nîmaakwire nîûndû wa mevia ma mûndû ûcio ûmwe. Nwatî wega wa Ngai nî mwîngî makîria, kwoguo andû eengî nîmaamûkîre kîveo kuuma kûrî Ngai na njîra ya wega wa mûndû ûmwe na nîke Jesû Kristû.

Aroma 5:19

Wata ûrîa andû eengî maatwirwe evia nîûndû wa ûremi wa mûndû ûmwe, na njîra wata îo andû eengî nîmagaatuwa athingu nîûndû wa kwathîka kwa mûndû ûmwe.

Ahib 9:28

Na njîra wata îo Kristû nîwerutire rita rîmwe arî kîgongoona, nîguo athengutie mevia ma andû eengî. Ke nîagaaûka rita rîa kaîrî na vîndî îo ndagaaûka gûtûma andû moverwe mevia, nwatî agaaûka kûvonokia andû arîa matûûraga mamwetererete.