Danieli 9:26 - ÎVUKU RÎA ÛVORO MWARO

²⁶ Îvinda rîu rîathira mûtongoria ûrîa mwamûre nî Ngai nîakaaûragwa na njîra îtarî ya kîvooto. Îtûûra rîu na hekarû nîigaacûkangua nî athigari a mbaara a mûtongoria ûrî vinya mûno. Mûthiia wa îtûûra rîu ûgaakinya ta mwîcûro wa manjî. Ngai nîarutîte watho akauga, îtûûra rîu rîthirue viû.

Danieli 9:26 ပူးပေါင်းရင်းမြစ်များ

2Sam 21:5

Nao nîmaacokerie mûthamaki atîrî, “Saûlo eendaga gûtûthiria tuonthe nîguo gûtikethîrwe kûrî na mûndû wanarî ûmwe wetû ûngîatigarire vûrûrirî wonthe wa Isiraeli.

Thaburi 22:15

Mûmero wakwa ûnyarîte ta rûkûngû, na rûrîmî rwakwa rûnyitanîte na nthîa. Nî ûndiganîrîtie nthiî kwa arîa akuû.

Isaia 28:2

Taroria, Mwathani nîethuurîrîte njamba îrî vinya; ûrîa wîkariî ta mbura ya mbembe na rûkûngi rûnene, ta makûmbî manene ma manjî makiuna; nîakaamarivania nthî na vinya.

Isaia 28:22

Kwoguo, mue mûtikarie ciugo njûku, nîûndû mûngîka ûguo nîmûkoovwa na vinya. Nîûndû nîmbîguîte Ngai-Mûnene mwene vinya wonthe akiuga nîatuîte gûcûkangia vûrûri wonthe.

Isaia 53:8

Nîwavinyîrîrue na agîtuîrîrwa ciira gûtarî na kîvooto na akîvirwa kûûragwa, na gûtirî mûndû wamakagua nî maûndû marîa oonaga. Nîwathengutirue vûrûrirî wa arîa marî mwoyo, aaûragirwe nîûndû wa mevia ma andû akwa.

Isaia 8:7

Kwoguo nie Mwathani, nîngûmaretithîria mûthamaki wa Asîria na athigari ake a mbaara onthe arîa marî vinya mekariî ta mwîcûro mûnene wa manjî ma rûnjî rwa Farati rwîcûrîte rûkauna.

Jeremia 46:7

Nîûrîkû ûyû wîkariî ta rûnjî rwa Nilo, ta nyûnjî ciîcûrîte ikauna?

Jeremia 51:42

Îtûûra rîa Babuloni nîrîkunîkanie nî îria, nîrîkunîkanie nî makûmbî ma manjî maunjugûku.

Danieli 11:10

“Anake a mûthamaki wa Sîria nîmakevarîria mbaara na magomanie vamwe athigari eengî mûno a mbaara. Athigari acio nî makaathiî na matharîkîre kûrîa kîgitîre kwa nthû ciao.

Danieli 11:17

“Mûthamaki wa Sîria nî agaatua îtua rîa kûthiî na athigari ake onthe a mbaara kûrî mûthamaki wa Misiri, na nîmakaarûtha kîrîkanîro Kîam thayû nake. Nî akaamûva mwîrîtu wake nîguo megucane, ûrî mûvango wa gûcûkangia ûthamaki wake, nwatî mûvango ûcio ndûkaathiî na mbere.

Danieli 11:22

Athigari a mbaara arîa makaaregana nake, wana ethîrwa nî mûthînjîri-Ngai mûnene; nî makaaûragwa mathirue viû.

Danieli 11:36

“Mûthamaki wa Sîria nîageka kwenda gwake. Ke nîakenenevia gûkîra ngai cionthe na arume Ngai Ûrîa Mûnene gûkîra Ngai cionthe. Ageka ûguo nginya rîrîa Ngai akaamûverithia; nîûndû ûrîa Ngai avangîte gwîka nwanginya ûkaavinga.

Danieli 9:27

Mûtongoria ûcio nîakaarûtha kîrîkanîro kîrûmu na andû eengî îvinda rîa mîaka mûgwanja. Îvinda rîa mîaka îthatû na nuthu, nîakaarûngamia matega na magongoona. Vandû varîa vatheru Mûno hekarûrî, nîvakaarûngamua kîrîa kîrî mûgiro nginya rîrîa ûrîa wakigire vo agaacûkangua wata ûrîa Ngai aavangire.’ ”

Hosea 1:9

Nake Ngai-Mûnene nîwerire Hosea atuîre mwana ûcio rîîtwa “ ‘Tî andû akwa,’ nîûndû mue mûtirî akwa, na nie ndi wenyu.”

Amosi 8:8

Nîûndû wa gîtûmi gîkî, nthî nîkainaina, na mûndû wa wonthe ûtûûraga nthî acakae. Vûrûri wonthe nîûgecûra ta rûnjî rwa Nilo, ûgaaikanagia ta rûnjî rwa Nilo.”

Amosi 9:5

Ngai-Mûnene mwene vinya wonthe, ûrîa ûvutagia nthî îkararûka, na arîa onthe matûûraga kuo magacakaya, na vûrûri wonthe ûgecûra ta rûnjî rwa Nilo, na ûkavwa rîngî ta rûnjî rwa Nilo ya Misiri;

Nahumu 1:8

Rîrîa nthû ciathithûkîra vûrûri ta mwîcûro wa manjî, ke nîaicûkangagia, nîarûmagîrîria nthû ciake nginya ndumarî.

Mathaayo 22:2

“Ûthamaki wa îgûrû wîkariî ta mûthamaki ûrîa wavarîrîrie kîrugo Kîam ûviki wa mûvîcî.

Mathaayo 22:7

Nake mûthamaki nîwarakarire. Kwoguo nîwatûmire athigari ake makaûrage aûragani acio, na mavîvie îtûûra rîao.

Mathaayo 23:38

Kwoguo hekarû yaku nîgaatiganîrua na îkare îrî ntheri.

Mathaayo 24:2

Nake Jesû nîwamacokerie atîrî, “Nîmûrona mîako îno yonthe? Nîramwîra na ma atî gûtirî îthiga wana rîmwe rîrî ava rîgaatigwa rî îgûrû rîa rîrîa rîngî; mathiga monthe nîmakoomomorwa.”

Maariko 13:2

Nake Jesû nîwamwîrire atîrî, “Nîûrona mîako îno mînene û? Gûtirî îthiga wana rîmwe rî ava rîgaatigwa rî îgûrû rîa rîrîa rîngî; monthe nîmakaagwîthua nthî.”

Maariko 13:7

Na rîrîa mûkeegua mûrurumo wa mbaara vakuvî namue, kana ûvoro wa mbaara îrîa îgaaûka, mûtikavavûke. Maûndû ta mama nwa nginya mekîke, nwatî ûcio tîguo mûthiia wa nthî.

Maariko 9:12

Nake Jesû nîwamacokerie atîrî, “Nî ma, nwa nginya Elija ambe aûke mbere, nîguo avarîrie maûndû monthe. Nwatî nîndûî gîtûmaga mandîko Matheru mauge atî Mûrû wa Mûndû nîakaathînua mûno na aregwe nî andû?

Luka 21:24

Andû amwe nîmakaaûragwa na mviû na engî nîmagaatavwa na mavirwe mavûrûrirî monthe. Nao andû a ndûrîrî nîmakaaverithia andû a Jerusalemu nginya rîrîa kavinda ka andû a ndûrîrî ga kwathana gakaathira.

Luka 21:6

“Maûndû mama monthe mûrona vîndî nîgakinya îrîa ava vakethîrwa vatarî wana îthiga rîmwe rîrî îgûrû rîa rîrîa rîngî; mathiga monthe nîmakoomomorwa.”

Luka 24:26

Na kinthî gûtiagîrîrîte Mesaya athînue nîguo acoke kwoneka arî na riiri wake?”

Luka 24:46

na akîmeera: “Kwandîkîtwe atîrî, nwa nginya Mesaya athînue na mûthenya wa kathatû acoke ariûke.

Johana 14:30

Ndikwaria namue mûno rîngî îvinda îraca, nîûndû mûnene wa gûkû nthî nîaûkîte. Ke ndangîvota kûmbatha,

2Akor 5:21

Kristû ndaarî na mevia, nwatî nîûndû wetû Ngai nîwatûmire atuîke wa kûgaa mevia metû nîguo atî tûrî kîndû kîmwe nake tûkaavota kûgaa ûthingu wa Ngai.

Agal 3:13

Nwatî Kristû nîwatuîkire kîrumi nîûndû wetû nîguo atûkûûre kuuma kûrî kîrumi kîrîa kîretagwa nî watho. Nîûndû Mandîko matheru maugîte atîrî “Mûndû wa wonthe mwambe mûtharavarî nî mûrume nî Ngai.”

1Pet 2:21

Ûndû ûcio nîguo mwetîrwe. Kristû aathînirue nîûndû wenyu na akîmûtigîra kîonereria, nîguo wa namue mûrûmîrîre mîthiîre yake.

1Pet 2:24

Kristû ke mwene nîwakuuire mevia metû mûtharavarî na njîra ya mwîrî wake. Eekire ûguo nîguo maûndûrî ma wîvia twîkare ta tûrî akuû na tûtûûrage mwoyo maûndûrî ma ûthingu. Mue rîu nîmûvonetue na njîra ya ironda ciake.

1Pet 3:18

Kristû aakwire nîûndû wa mevia ma andû onthe rita rîmwe. Aarî mûthingu na nîwakwire îthenya rîa evia, nîguo atûvire kûrî Ngai. Nîwaûragirwe kîîmwîrî, nwatî kîîroho nîwagîre na mwoyo,