Danieli 9:25 - ÎVUKU RÎA ÛVORO MWARO

²⁵ Kwoguo, nwanginya ûmenye na ûtaûkîrwe nî ûndû ûyû, atî kuuma watho wa gûtuma Jerusalemu rîngî wavecanwa, nginya rîrîa ûrîa mûtheru wa Ngai akaathuurwa, mîaka mûgwanja maita mîrongo mûgwanja nîîkathira. Jerusalemu nîgaatumwa rîngî îrî na tûcîra twaro na nthingo cia vinya cia kûrîgitîra. Narîo rîgeekara îvinda rîa mîaka mîrongo îtandatû na îîrî maita mûgwanja, nwatî îkethîrwa rîrî îvinda rîa mathîna.

Danieli 9:25 ပူးပေါင်းရင်းမြစ်များ

2Sam 15:25

Mûthamaki nîwacokire akîîra Zadoku atîrî, “Cokia îthandûkû rîa kîrîkanîro Kîam Ngai-Mûnene îtûûrarî. Ethîrwa Ngai-Mûnene nîmûkenu nînie, vîndî îmwe nîakanjokia gûkû rîngî nîguo nîrîone na mone varîa rîkaraga.

Ezira 4:24

Wîra wa gûtuma hekarû nîwarûngamire. Naguo warûngamire nginya mwaka wa kaîrî wa Dario kuuma atuîka mûthamaki wa Perasia.

Ezira 7:1

Vuva wa ûguo, vîndî îrîa Aritakiserikise arî mûthamaki wa Perisia, kwarî na mûndû wetagwa Ezira. Mûndû ûcio aarî mûvîcî wa Seraia, Seraia aarî mûvîcî wa Azaria, Azaria mûvîcî wa Hilikia.

Ezira 7:8

Nao nîmaakinyire Jerusalemu mûthenya wa mbere wa mweri wa gatano.

Nehemia 3:1

Eliashibu Mûthînjîri-Ngai mûnene marî na athînjîri-Ngai arîa engî nîo maatumire kîvingo kîrîa gîetagwa Kîvingo Kîam Ng'ondu. Nîmaacokire magîkîamûrîra Ngai na magîgîkîra mîrango. Nîmaacokire makîamûra rûthingo kuuma Nyombarî ndaca na îgûrû ya Magana nginya Nyombarî ndaca na îgûrû ya Hananeli.

Nehemia 4:2

Nîwaririe arî mbere ya aa mûrwang'ina na mbere ya mbûtû ya athigari a Samaria akiuga atîrî, “Ayahudi aya matanarî na vinya mareka atîa? Marenda gûtuma rûthingo rîngî? Mareciria na njîra ya kûrutîra Ngai magongoona nwa mavote kûrîkia wîra ûcio na mûthenya ûmwe? Nwa mavote gûcokia mathiga ma gûtuma ûrîa meekariî kuuma ciûmbwarî ino maaûmbirwe mavîvua?”

Nehemia 4:8

Kwoguo nîmaavangire marî vamwe matharîkîre Jerusalemu nîguo kûgîe na kîvîngîcî wîrarî wa gûtuma.

Nehemia 6:15

Wîra wonthe wa gûtuma rîngî rûthingo nîwathirire mûthenya wa mîrongo îîrî na îtano wa mweri wa Eluli. Wîra ûcio warutirwe îvinda rîa mîthenya mîrongo îtano na îîrî.

Thaburi 71:10

Nîûndû nthû ciakwa ciaragia naaî îgûrû rîakwa; arîa mekaraga manyoveretie nîmararanîria,

Mûvunjia 3:3

Kavinda ga kûûraga na kavinda ga kûvonia, kavinda ga kwomomora na kavinda ga gûtuma.

Isaia 55:4

Nama, nînamûtuire mûira kûrî andû a ndûrîrî, mûtongoria na mûnene wa andû.

Isaia 9:6

Nîûndû nîtûciarîrîtwe kaana. Nîtûvetwe kaana ga kavîcî. Na nîkavetwe vinya wa kwathana. Gageetwa, “Mûtaarani wa Magegania, Ngai mwene vinya wonthe, Vava wa Tene na tene, Mûthamaki wa Thayû.”

Danieli 8:11

Karûvîa kau nîkendire gwîtua kanene gûkîra Mûnene wa ciûmbe icio cia îgûrû. Nîkaarûngamirie matega marîa mûnene wa ciûmbe cia îgûrû aarutagîrwa na gakîcûkangia hekarû yake.

Danieli 8:25

Nîakaavootanaga maûndûrî marîa ageekaga nîûndû wa wara wake. Nîakaatharîkîra andû engî wana atamamenyithîtie na aregane na mûthamaki ûrîa mûnene gûkîra onthe; nwatî nîagaacûkangua nî vinya ûtarî wa mûndû.

Danieli 9:23

Mavinda marîa wambîrîrie kûvoya, Ngai nîwacokirie mavoya, nanie naûka gûgûtaarîria macokio mau, nîûndû we wî mwende mûno. Kwoguo tathikîrîria waro nîguo ûtaûkîrwe nî kîoneki kîu.

Mika 5:1

Andû a Jerusalemu gomaniani athigari enyu vamwe, nîûndû nthû nîitûrigicîrîtie, iratharîkîra mûtongoria wa Isiraeli.

Mika 5:2

Ngai-Mûnene augîte atîrî, “We Bethilehemu Efiratha, nîwe îtûûra rîrîa rînini mûno Juda. Nwatî mûndû ûrîa ûkaathana Isiraeli vandûrî vakwa akaauma kûrî we, na nîwa njiarwa cia methe ma tene.”

Mathaayo 13:23

Nacio mbeû irîa ciagwîre mûtheturî ûrîa warî mûnoru, ivananîtue na andû arîa megucaga ndûmîrîri îo na magataûkîrwa nîyo. Kûrî andû amwe nîiciaraga maita îgana rîmwe, kûrî engî maita mîrongo îtandatû na kûrî engî maita mîrongo îthatû.”

Mathaayo 24:15

“Mue nîmûkoona ‘Kîndû kîrîa kîrî mûgiro’ kîrîa mûrathi Danieli aaririe ûvoro wakîo kîrûngamîte vandû varîa vatheru.” (Mûndû ûrîa ûrathoma nîataûkîrwe nî ûrîa kûrerwa!)

Maariko 13:14

“Rîrîa mûkoona kîndû kîrîa kîrî mûgiro kîrî varîa gîtagîrîrwe nîkwîthîrwa kîrî.” (Mûndû ûrîa ûrathoma nîataûkîrwe nî ûrîa kûreerwa) “Vîndî îo andû arîa makeethîrwa marî Judea, nîmakaaûra mathiîte irîmarî.

Johana 1:41

Ûndû wa mbere ûrîa Enderea eekire warî kûthiî kûrî mûrwang'ina Simoni na akîmwîra atîrî, “Tue nîtûronire Mesaya.” (Ûguo nîkuga Kristû)

Johana 4:25

Nake mûndûmûka ûcio nîwerire Jesû atîrî, “Nie nîmbîcî atî Mesaya nîagaaûka, na vîndî îrîa agaaûka agaatwîra maûndû monthe.”

Ciîko 3:15

Mue nîmwaûragire Mûvecani wa mwoyo, nwatî Ngai nîwamûriûkirie. Tue tûrî aira a ûvoro ûyû.

Ciîko 5:31

Ngai nîwamwigire mwena wake wa ûrîo arî Mûtongoria na Mûvonokia. Ngai eekire ûguo nîguo ave andû a Isiraeli kamweke ga kwîrira nîguo moverwa mevia mao.

Ciîko 8:30

Kwoguo vîndî îrîa Filipu aakinyîrîre mûndû ûcio, nîwamwîgwire akîthoma mandîko kuuma îvukuurî rîa mûrathi Isaia. Nake Filipu nîwamûririe atîrî, “We! Nîûrataûkîrwa nî ûrîa ûrathoma?”

Aefeso 5:16

Kanya wa konthe karîa mûrî nako kavûthagîreni waro, nîûndû mîthenya îno nî mîcûku.

Kûguû 1:5

wana kuuma kûrî Jesû Kristû, Mûira ûrîa mwîvokeku, ûrîa wa mbere kûriûka na nwake Mwathi wa athamaki a nthî. Ke nîatwendete, na nîwatûkûûrire kuuma meviarî na nthakame yake

Kûguû 19:16

Nguorî yake, Kîamûrî gîake nîvaandîkîtwe rîîtwa atîrî: “Mûthamaki wa athamaki, Mwathani wa aathani.”