Danieli 9:17 - ÎVUKU RÎA ÛVORO MWARO

¹⁷ Kwoguo we Ngai wetû, thikîrîria mavoya na mathaithana ma ndungata yaku. Na kwenda gwaku we Mwathani, cokanîrîria hekarû yaku îrîa yacûkangirue.

Danieli 9:17 ပူးပေါင်းရင်းမြစ်များ

1Atha 8:28

Ngai-Mûnene, Ngai wakwa, thikîrîria mavoya na mathaithana makwa marîa nie ndungata yaku nîrakûthaitha namo ûmûnthî.

Nehemia 1:6

Nthikîrîria na wîgue ngîkûvoya ûtukû na mûthenya nîûndû wa ndungata ciaku, andû a Isiraeli. Nîngumbûra atî tue andû a Isiraeli, nîtwîvîtie.

Thaburi 119:135

Tûma ûthiû waku warîre ndungata yaku, na ûnthomithie mawatho maku.

Thaburi 4:6

Andû eengî mavoyaga makiugaga atîrî, “Ngai-Mûnene, tûtethie nîguo maûndû metû mavue, na ûtwîguîre ntha!”

Thaburi 67:1

Ngai, twîguîre ntha na ûtûrathime; na ûtwîke maûndû maro,

Thaburi 67:2

nîguo andû a nthî yonthe mamenye wendi waku; na mavûrûri monthe mamenye ûvonokio waku.

Thaburi 74:3

Vîtûkîrîra kûrîa kwomomorirwe viû; nthû ciacûkangirie indo cionthe irîa ciarî hekarûrî.

Thaburi 80:1

We mûrîthi wa andû a Isiraeli tûthikîrîrie, we ûtongoragia njiarwa cia Josefu ta ndîthia ya ng'ondu. We wîkaragîra gîtî gîaku Kîam ûnene îgûrû rîa akerubi, onania ûnene waku.

Thaburi 80:19

Ngai-Mûnene, Ngai mwene vinya wonthe tûcokie ûrîa twekariî mbere, twîguîre ntha na nîtûkûvonoka.

Thaburi 80:3

Tûgarûre twîkare ûrîa twekariî mbere, twîguîre ntha na nîtûkûvonoka.

Thaburi 80:4

We Ngai-Mûnene, Ngai mwene vinya wonthe, nîûrakara nî mavoya ma andû aku nginya rî?

Thaburi 80:7

Ngai mwene vinya wonthe tûcokie twîkare ûrîa twekariî mbere, twîguîre ntha na nîtûkûvonoka.

Isaia 48:11

Nîreka ûguo nîûndû wakwa nie mwene, rîîtwa rîakwa rîrarega gûtîîwa nîkî? Ndingîvecana riiri wakwa kûrî mûndû wîngî wanarî ûrîkû.”

Maca 3:56

Rîrîa nagûkaîre ngîkwîraga atîrî, “Ndûkavinge matû ûrega kwîgua makaya makwa,” we nîwanthikîrîrie.

Maca 5:18

nîûndû kîrîma gîa Zayuni nîgîatiganîrue, rîu nî mbwe itûûraga kuo.

Danieli 9:19

We Ngai-Mûnene tûthikîrîrie! We Ngai-Mûnene twovere! We Ngai-Mûnene twîgue na wîke ûndû! We Ngai wakwa ndûgacererwe ûgîûka îtûûra rîîrî. Îtûûra rîîrî na andû aya nî aku.

Johana 16:24

Nginya rîu gûtirî ûndû mwanavoya na rîîtwa rîakwa. Voyani namue nîmûkûvewa na mûcoke mûgîe na gîkeno gîkî gîcûru.

2Akor 1:20

nîûndû nîke wîthagîrwa arî “Ii” kûrî ciîranîro cionthe cia Ngai. Ûndû ûyû nîguo ûtûmaga tuge na njîra ya Jesû Kristû “Ameni” rîrîa tûgûkumia Ngai na njîra ya Jesû Kristû.

Kûguû 21:23

Îtûûra rîu înene rîtiarî na vata wa riûa kana mweri wa kûrîmûrîkîra, nîûndû riiri wa Ngai na wa Gatûrûme nîguo warîmûrîkagîra na taa warî Gatûrûme.