Danieli 9:15 - ÎVUKU RÎA ÛVORO MWARO

¹⁵ “Rîu we Mwathani, Ngai wetû, we nîwonanirie vinya waku na njîra ya kûruta andû aku Misiri, na ûgîtûma rîîtwa rîaku rîtûûre rîririkanagwa nginya ûmûnthî. Tue nî twîvîtie na nî twîkîte maûndû macûku.

Danieli 9:15 ပူးပေါင်းရင်းမြစ်များ

1Atha 8:51

Acio nî andû aku, na nî îgai rîaku, arîa warutire Misiri, kûrîa kwaviûvîte ta mwaki wa kûrarûra cuuma.

2Atha 21:15

Ngaameka maûndû mau monthe nîûndû nîmamvîtîrîtie na nîmaandakaririe kuuma rîrîa methe mao maaumire Misiri nginya ûmûnthî.”

2Maû 6:37

mangîkeerira na makûvoe makiumbûraga ûrîa mevîtie na makarûtha maûndû macûku marî kûu maavirirwe marî mîgwate,

Nehemia 1:10

“Ngai-Mûnene, andû aya nî aku na nî ndungata ciaku. Wamakûûrire na vinya na ûvoti waku mûnene.

Nehemia 1:6

Nthikîrîria na wîgue ngîkûvoya ûtukû na mûthenya nîûndû wa ndungata ciaku, andû a Isiraeli. Nîngumbûra atî tue andû a Isiraeli, nîtwîvîtie.

Nehemia 9:10

Nîwaringire ciama cia magegania cia kûregana na ûthamaki wa Misiri, atongoria ake onthe na andû onthe a vûrûri wake, nîûndû nîwamenyete ûrîa maavinyîrîrie methe metû ma tene. Nîwagîre na îgweta wata ûrîa kûrî ûmûnthî.

Thaburi 106:8

Kûnarî ûguo nîwamavonokirie wata ûrîa eeranîrîte, nîguo onanie vinya wake mûnene.

Ntha 13:14

Ethîrwa kavinda nîgagaakinya anake enyu mamûrie ûndû ûyû mûreka wa gûkûngûîra ugîte atîa, nîmûkaamera atî, ‘Ngai-Mûnene nîwatûmîre vinya wake mûnene agîtûruta Misiri kûrîa twatûûraga tûrî ngombo.

Ntha 13:16

Ûndû ûyû ûkethagîrwa wîkariî ta kîndû kîovereretwe njara kana rûûri rwîkîrîtwe mothiûrî metû wa gûtûririkania atî Ngai-Mûnene aatûrutire vûrûri wa Misiri na njîra ya vinya wake mûnene.’ ”

Ntha 13:3

Nake Musa nîwerire andû a Isiraeli atîrî, “Ririkanagani mûthenya ûyû. Ûyû nî mûthenya ûrîa Ngai-Mûnene aamûrutire Misiri na njîra ya vinya wake kûrîa mwatûûraga mûrî ngombo. Mûthenya ûyû mûtikaarîe mîgate îkîrîtwe ndawa ya kwimbia.

Ntha 13:9

Ûndû ûyû nûkeethagîrwa ûrî kîririkania ta kîndû kîovereretwe njararî cienyu kana mothiûrî menyu atî vîndî cionthe mûthomage watho wa Ngai-Mûnene. Nîûndû Ngai-Mûnene aamûrutire Misiri na vinya wake mûnene.

Ntha 14:18

Na vîndî îrîa ngaamavoota, andû a Misiri nîmakaamenya atî nie nînie Ngai-Mûnene.”

Ntha 32:11

Nwatî Musa nîwathaithire Ngai-Mûnene, Ngai wake na akiuga atîrî, “Ngai-Mûnene, ûrarakara ûguo nîkî nî andû aku arîa warutire vûrûri wa Misiri na vinya na ûvoti mwîngî?

Ntha 6:1

Nwatî Ngai-Mûnene nîwerire Musa atîrî, “Rîu nîûkwona ûrîa ngwîka mûthamaki wa Misiri. Nîûndû wa ûvoti wakwa nîakûrekereria andû akwa mathiî. Nîngûtûma amarutûrûre vûrûrirî wake na vinya.”

Ntha 6:6

Kwoguo îra andû a Isiraeli nie nîramera atî, ‘Nie nî Nie Ngai-Mûnene. Nie nîngûmûvonokia na nîmûrekererie muume ûkomborî wa andû a Misiri. Nîngeka ûndû mûnene na vinya wakwa nîguo ndetere andû a Misiri îvera, na nîngaamûvonokia.

Ntha 9:16

Nwatî nie nîndûmîte ûtûûre nîguo wone ûvoti wakwa nayo ngumo yakwa îtambe nthî yonthe.

Isaia 55:13

Îthenya rîa kûmere mîgua gûkaamera mîvondo; îthenya rîa kûmere nthaugû gûkaamera mîandathi. Rûu nîruo rûkethîrwa rûrî rûûri rwa kûririkanagia andû maûndû marîa nie Ngai-Mûnene mbîkîte, na rûgaatûûra tene na tene.”

Isaia 64:4

Kuuma tene gûtirî mûndû wanegua kana akona Ngai îngî tiga we, ûrîa wîkaga andû arîa mamwîvokete maûndû ta mau.

Jeremia 14:20

Nîtwîtîkîrîte waganu wetû we Ngai-Mûnene, wana mevia ma methe metû, nîûndû we nîwe twîvîtie.

Jeremia 32:10

Nînekîrire kîrore maarûarî ya mûgûnda na ngîmîvinga mbere ya aira a ûndû ûcio na ngîrîva mûgûnda makîonaga.

Maca 3:42

“Nîtwîvîtie na twarega gûkwathîkîra, nawe Ngai-Mûnene nî ûregete gûtûrekera.

Ezek 5:6

Jerusalemu nîyareganire na mawatho makwa na îgîka maûndû macûku gûkîra mavûrûri marîa mengî, îgîtuîka îtûûra îremi gûkîra mavûrûri marîa marîthiûrûrûkîrîtie; nîyareganire na kîrîra gîakwa na matuîro makwa ma ciira.

Danieli 9:5

Tue nî twîvîtie, nîtwîkîte maûndû macûku, na tûgeka naaî. Nîtûreganîte nawe na tûkaregana na maathani maku na irîra ciaku.

Luka 15:21

Nake mwanake ûcio nîwerire îthe atîrî, ‘Vava, nie nîmvîtîrîtie Ngai na ngakûvîtîria. Nie ndirî mwagîrîru wa gwîtwa mûvîcîguo.’

Luka 18:13

“Nwatî mwîtia wa mbeca cia gooti nîwarûngamire vandû varaca na ndangîetîkîrire gûtiira metho make na îgûrû, nwatî ke nwakwa eeriraga akiugaga atîrî, ‘Ûûi Ngai, mbîguîra ntha, nie nîrî mwîvia!’

2Akor 1:10

Ngai nîwatûvonokirie kuuma mogwatirî mau manene ma gîkuû, na ke nîakûthiî na mbere gûtûvonokia. Twigîte kîîrîgîrîro gîetû kûrî ke na nîagaatûvonokia rîngî.

Gûco 5:15

Ririkana atî vîndî îmwe warî Ngombo vûrûrirî wa Misiri, na Ngai-Mûnene, Ngai waku nîwakûrutire kuo na vinya na wathani na nî kîo Ngai-Mûnene, Ngai waku arakwatha ûkûngûagîre mûthenya wa thavatû.