Danieli 9:14 - ÎVUKU RÎA ÛVORO MWARO

¹⁴ Kwoguo we Ngai-Mûnene, Ngai wetû, nîwevarîrie gûtûverithia na ûgîka guo, nîûndû vîndî cionthe wîkaga ûrîa kwagîrîrîte, nwatî tue tûkarega gûkwathîkîra.’

Danieli 9:14 ပူးပေါင်းရင်းမြစ်များ

2Maû 12:6

Atongoria a Isiraeli vamwe na mûthamaki nîmeenyivirie na magîtîkîra atî nîmevîtie na nî maaugire atîrî, “Ngai-Mûnene ekîte ûrîa kwagîrîrîte.”

Ezira 9:15

Ngai-Mûnene, Ngai wa Isiraeli, we ûrî mwîvokeku, nîûndû nîwîtîkîrîte tûtûûre mwoyo nginya ûmûnthî. Na rîu ava nîtûkumbûra mavîtia metû, nîûndû gûtirî mûndû mwagîrîru gatagatîrî getû wa kûrûngama mbere yaku.”

Nehemia 9:33

Ûtûverithîtie na njîra îrîa yagîrîrîte, we ûrî mwîvokeku na tue twîkîte maûndû ma waganu.

Thaburi 111:7

Maûndûrî monthe marîa ekaga nî ma ma na ma kîvooto; maathani make monthe nî ma kwîvokwa,

Thaburi 116:5

Ngai-Mûnene nî mûtugi na nî mûthingu; Ngai wetû arî ntha.

Thaburi 119:137

We Ngai-Mûnene, wî mûthingu, na matuîro maku ma ciira nî ma ma.

Thaburi 51:14

Mvonokia kuumana na wîvia wa ûragani, we Ngai mûvonokia wakwa, na nîngaakena na manîrîre ûthingu waku kûrî andû.

Ntha 9:27

Nake mûthamaki nîwatûmanîre Musa na Aroni na akîmera atîrî, “Kavinda gaka nie nînjîvîtie, Ngai-Mûnene ekîte ûrîa kwagîrîrîte. Nwatî nie na andû akwa tûrî avîtiu.

Jeremia 12:1

We Ngai-Mûnene wî mûthingu, wana ethîrwa nînîrakûretera mateta makwa, kûnarî ûguo nwa mende kwîyarîrîria mbere yaku. Nîndûî gîtûmaga andû arîa aganu mathatûkwa? Nîndûî gîtûmaga andû matarî evokeku mathiî na mbere?

Jeremia 31:28

Wata ûrîa nevarîrîtie kûmakûûra, kûmomora, kûmagwîthia, kûmacûkangia na kûmaverithia, nwaguo nîîvarîrîtie kûmavanda na kûmatuma.

Jeremia 4:17

Mathiûrûrûkîrîtie Jerusalemu ta arangîri a mûgûnda, nîûndû andû a kuo nîmareganîte nanie. Ûguo nîguo Ngai-Mûnene arauga.

Jeremia 44:27

Nîngûroria mone atî ngakûretagîra maûndû macûku na ndûkona maûndû maro. Andû onthe a Juda arîa marî Misiri nîmagacûkangua na yûra na mbaara mathire viû.

Maca 1:5

Nthû ciake nîivootanîte, arîa mamûmenete nîmathatûkagwa. Ngai-Mûnene nîatûmîte athînîke, nîûndû wa mevia make meengî. Ciana ciake nîndave, igatuîka mîgwate mbere ya nthû ciake.

Ezek 16:43

We ndûraririkana maûndû marîa naagwîkire vîndî îrîa warî mwîthî, nwatî nîûndakarîtie na maûndû monthe marîa wîkîte. Kwoguo nie nîngûkûrîvia maûndû mau wekire. Na kinthî ndwongerere maûndû ma waga nthoni îgûrû rîa marîa wekire marî mûgiro?” Ûguo nîguo Ngai-Mûnene arauga.

Danieli 4:34

Mîaka mûgwanja yathira, nie mûthamaki Nebukadinezarû nînaroririe îgûrû kûrî Ngai na ngîcokerwa nî ûgima wa meciria na ngîambîrîria kûgooca Ngai ûrîa wî îgûrû mûno; nînaamûkumirie na ngîmûva gîtîîo na riiri, ûcio ûtûûraga tene na tene nîûndû: Nîatûûra athanaga tene na tene naguo wathani wake ûgaakinyagîra njiarwa na njiarwa.

Danieli 9:7

We, Mwathani, wîthagîrwa ûrî mûthingu vîndî cionthe. Nwatî tue, tûtûûraga tûrî na gîconoko, wana andû onthe arîa matûûraga Judea na Jerusalemu, na andû onthe a Isiraeli arîa marî mavûrûrirî marîa marî vakuvî na marî kûraca, nîûndû matiarî evokeku kûrî we.