Danieli 8:27 - ÎVUKU RÎA ÛVORO MWARO

²⁷ “Nie Danieli nînathirirwe nî vinya ngoro na ngîrwara mîthenya mîngî. Nînaacokire ngîvora na ngîcoka wîrarî ûrîa naveetwe nî Mûthamaki. Nînamakire mûno nîûndû wa kîoneki kîu na ndiavota gûtaûkîrwa nî kîo.

Danieli 8:27 ပူးပေါင်းရင်းမြစ်များ

Danieli 10:16

Vîndî wa îo, mûraika ûrîa wekariî ta mûndû nîwavutirie mîromo yakwa na njara yake. Nanie nînamwîrire atîrî, “Mwathi wakwa, kîoneki gîkî nî kîmbîkagîra guoya na ngathirwa nî vinya.

Danieli 10:8

Kwoguo natigirwe nienga, ngîonaga kîoneki kîu Kîam magegania. Ndîarî wanarî kavinya gatigaru, naguo ûthiû wakwa nîwagarûrûkire mûno ûndû gûtarî mûndû ûngîamenyire.

Danieli 4:19

Rîrîa Danieli ûrîa wîtagwa Beliteshazaru eeguire ûguo, nîwamakire na agîtangîka mûno meciriarî make. Kwoguo mûthamaki nîwamwîrire atîrî, “Danieli, ndûkathînîke nîûndû wa kîroto, kana nîûndû wa ûrîa kiugîte.” Nwatî Beliteshazaru nîwamûcokerie atîrî, “Mwathi wakwa, kîroto gîkî na ûrîa kiugîte kîroethîrwa kîgiî arîa makûmenete na nthû ciaku.

Danieli 5:14

Nîmbîguîte atî roho wa ngai irîa ntheru arî ndaarî yaku, na atî ûrî na wara, ûmenyo na ûûgî.

Danieli 7:28

“Ûcio nîguo mûthiia wa maûndû marîa nonire. Nie Danieli, nînathînîkire mûno ngororî na ngîtukia kîthithi, nwatî nînaigire maûndû mau monthe ngororî yakwa.”

Danieli 8:17

Gaburieli nîwaûkire na akîrûngama varîa naarî. Nînavavûkire mûno nginya ngîgwa nthî. Nwatî Gaburieli nîwambîrire atîrî, ‘We mûndû ûyû, menya atî maûndû mau wonire megiî mavinda ma mûthiia.’

Danieli 8:2

Na njîra ya kîoneki kîu nîneyonire nîrî Susa, îtûûra rînene rîa vûrûri wa Elamu. Noonire nûngamîte rûtere rwa Rûnjî rwa Ulai.

Danieli 8:7

Nînoonire nthenge îo îkîtharîkîra ndûrûme îo. Nayo yarî ndakaru mûno, kwoguo nîyaringire ndûrûme îo na îkîmiuna mvîa ciayo cioîrî. Ndûrûme îo ndîarî na vinya wa gûtiirîria nthenge îo. Nthenge nîyarivanirie ndûrûme îo nthî na îkîmîkinyangîra vo; gûtirî mûndû ûngîatethûrire ndûrûme îo.

Habakuku 3:16

Mbîgucaga ûguo ngamakania, mîromo yakwa îkainaina nî guoya, mavîndî makwa makagondoka, magûrû makwa makainaina. Nîmbetererete ngirîrîrîtie mûthenya ûcio wa mûthiro, ûrîa ûgaûka kûrî andû arîa matûtharîkagîra.

1Sam 3:15

Samueli nîwathiîre na mbere kûmama nginya kîraûko; agîcoka akîramûka na akîvingûra mîrango ya nyomba ya Ngai-Mûnene. Nake nîwetigagîra kûmenyithia Eli ûvoro wîgiî kîoneki kîu.