Danieli 8:24 - ÎVUKU RÎA ÛVORO MWARO

²⁴ Ke nîakaagîa na vinya mûno. Nwatî tî ûvoti wake ke mwene. Nîagaacûkangia maûndû meengî na manene, na avootanage maûndûrî marîa ageekaga. Nîagaacûkangia andû arîa marî îgweta vamwe na andû a Ngai.

Danieli 8:24 ပူးပေါင်းရင်းမြစ်များ

Thaburi 37:35

Vîndî îmwe nînoonire mûndû mwaganu na ûtarî ntha; etûgîrîtie gûkîra andû onthe ta mûtarakwe wa Lebanoni.

Danieli 11:23

Ke nîakaaveenia mavûrûri marîa mengî na njîra ya kûrûtha kîrîkanîro nao na nîakaagîa na vinya mûno, wana ethîrwa akaathaga andû anini.

Danieli 12:7

Mûndû ûcio wekarîte mwena wa îgûrû wa rûnjî ekîrîte nguo mbaro, nîwaûkîrîrie njara ciake cioîrî na îgûrû. Nînaacokire ngîgua akîîvîta na rîîtwa rîa ûrîa ûtûûraga tene na tene akiuga atî, ‘Nî kavinda ka mîaka îthatû na nuthu. Vîndî îo andû arîa atheru a Ngai nîmagaatiga kûnyamarua na nîrîo maûndû monthe makethîrwa makîvinga.’

Danieli 7:25

Ke nîakaaria maûndû macûku megiî Ngai Ûrîa Mûnene na avinyîrîrie andû a Ngai. Nîakaagarûra mawatho mao na irugo ciao, na andû acio nîmakaathwa nîke îvinda rîa mîaka îthatû na nuthu.

Danieli 8:10

Karûvîa kau nîkaagîre na vinya mûno na gakîneneva îgûrû rîa ciûmbe cia îgûrû, nîkagwîthirie imwe cia njata icio na gagîikinyanga.

Danieli 8:11

Karûvîa kau nîkendire gwîtua kanene gûkîra Mûnene wa ciûmbe icio cia îgûrû. Nîkaarûngamirie matega marîa mûnene wa ciûmbe cia îgûrû aarutagîrwa na gakîcûkangia hekarû yake.

Danieli 8:12

Ciûmbe cia îgûrû nîcianenganîrwe rungu rwa wathani wa karûvîa kau. Îthenyarî rîa magongoona marîa maarutagwa wa mûthenya, andû nîmambîrîrie gwîka maûndû macûku. Karûvîa kau nîgaacûkangirie ndini ya Ngai, na gagîtoorania maûndûrî monthe marîa geekaga.

Danieli 8:23

“ ‘Rîrîa mavinda ma mûthiia ma mothamaki mau magaakuvîvîria na makethîrwa mevîtie magatûra gacere, nî gûkaagîa na mûthamaki mûmîrîru, mwaganu na mûthaani.

Kûguû 16:6

Nîûndû andû acûku nîmetûrûrire nthakame ya andû a Ngai na ya arathi. Kwoguo nîwamava nthakame manyue, nîûndû ûguo nîguo magîrîrwe!”

Kûguû 17:17

Ngai nîatûmîte magîe na wendi wa kûvingia mworoto wake marî na ngoro îmwe. Na nîûndû wa ûguo nîmakaanenganîra vinya wao wa kwathana kûrî nyamû nginya rîrîa ciugo cia Ngai ikaavingua.

Kûguû 17:6

Nanie nînoonire atî mûndûmûka ûcio aarî mûrîu nîûndû wa kûnyua nthakame ya andû arîa atheru a Ngai. Andû acio maaûragirwe nîûndû maarî evokeku kûrî Jesû. Rîrîa namwonire nînamakire mûno.

Kûguû 19:2

Nîûndû atucanagîra ciira na ûma na kîvooto! Ke nîatuîrîrîte ciira mûmaraa ûrîa watûmire andû a nthî meka maûndû macûku ma ûtharia. Ngai nîamûverithîtie nîûndû ke nîwaûragire ndungata ciake.”