Danieli 8:15 - ÎVUKU RÎA ÛVORO MWARO

¹⁵ “Rîrîa nie Danieli, noonire kîoneki, na rîrîa naageragia gûgîtaûra, wa rîmwe kîûmbe gîekariî ta mûndûmûrûme nîkîaumîrire na gîkîrûngama mbere yakwa.

Danieli 8:15 ပူးပေါင်းရင်းမြစ်များ

Isaia 9:6

Nîûndû nîtûciarîrîtwe kaana. Nîtûvetwe kaana ga kavîcî. Na nîkavetwe vinya wa kwathana. Gageetwa, “Mûtaarani wa Magegania, Ngai mwene vinya wonthe, Vava wa Tene na tene, Mûthamaki wa Thayû.”

Danieli 10:16

Vîndî wa îo, mûraika ûrîa wekariî ta mûndû nîwavutirie mîromo yakwa na njara yake. Nanie nînamwîrire atîrî, “Mwathi wakwa, kîoneki gîkî nî kîmbîkagîra guoya na ngathirwa nî vinya.

Danieli 10:18

Warîngî ûcio wekariî ta mûndû nîwamvutirie na njara yake na ngîgîa na vinya.

Danieli 10:5

nînaroririe îgûrû na ngîona mûndû wekîrîte nguo mbaro, na weyovete mûcivi wa thaavu ntheri.

Danieli 12:8

“Nînegwire ûrîa augire, nwatî ndiataûkîrwa. Kwoguo nînaûririe atîrî, ‘Ngai-Mûnene gûkethîrwa gwîkariî atîa?’

Danieli 7:13

“Ûtukû vîndî îrîa naarî na kîoneki kîu, nînoonire mûndû wekariî ta mûriû wa mûndû aûkîte arî matuurî îgûrû, na akîthiî kûrî ûrîa wîthîrîtwe atûûrîte tene na tene, na akîviravirwa vakuvî nake.

Danieli 7:28

“Ûcio nîguo mûthiia wa maûndû marîa nonire. Nie Danieli, nînathînîkire mûno ngororî na ngîtukia kîthithi, nwatî nînaigire maûndû mau monthe ngororî yakwa.”

Danieli 8:1

“Mwaka wa kathatû Belishazaru arî mûthamaki, nie Danieli nînoonire kîoneki kîngî, gîekariî wata kîrîa Kîam mbere.

Danieli 8:19

Nîwambîrire atîrî, ‘Taroria, nîngûkûmenyaithia maûndû marîa magekîka kuumana na marakara ma Ngai. Kîoneki kîu kîgiî mavinda ma mûthiia.

Zakaria 1:9

Nanie nînaamûririe atîrî, “Mwathi wakwa, mbarathi ino ironania atîa?” Mûraika ûrîa wambarîrîrie nîwanjokerie atîrî, “Nîngûkwonia ûrîa irenda kwonania.

Mathaayo 13:36

Jesû nîwacokire agîtiga kîrîndî na agîtonya nyomba. Nao arutwa ake nîmaathiîre gwîke na makîmwîra atîrî, “Tûtaarîrie ûvoro wîgiî ngerekano ya ria rîrî mûgûndarî.”

Mathaayo 24:15

“Mue nîmûkoona ‘Kîndû kîrîa kîrî mûgiro’ kîrîa mûrathi Danieli aaririe ûvoro wakîo kîrûngamîte vandû varîa vatheru.” (Mûndû ûrîa ûrathoma nîataûkîrwe nî ûrîa kûrerwa!)

Mathaayo 24:30

Nakîo kîmenyithia gîa gûka kwa Mûrû wa Mûndû nîgîkeyumîria matuurî. Nao andû onthe a nthî nîmakaarîra moona Mûrû wa Mûndû agîûka arî ndaarî ya matu ma îgûrû, arî na vinya na riiri mwîngî.

Maariko 13:14

“Rîrîa mûkoona kîndû kîrîa kîrî mûgiro kîrî varîa gîtagîrîrwe nîkwîthîrwa kîrî.” (Mûndû ûrîa ûrathoma nîataûkîrwe nî ûrîa kûreerwa) “Vîndî îo andû arîa makeethîrwa marî Judea, nîmakaaûra mathiîte irîmarî.

Maariko 4:12

‘Kûroria maroragie, na matione; kwîgua megucage, na matitaûkîrwe. Nîûndû mangîtaûkîrwa, nwa macokerere Ngai, nake akamovera mevia mao.’ ”

Josh 5:14

Mûndû ûcio nîwamûcokerie atîrî, “Naarî, nie nîrî mûnene wa athigari a mbaara a Ngai-Mûnene.” Joshua nîwegwîthirie agîturumithia ûthiû nthî amûgooce na akîmwîra atîrî, “Mwathi wakwa, nie nîrî ndungata yaku mbîra ûrîa ûkwenda mbîke.”

Kûguû 1:13

Gatagatîrî ka yo kwarî kîndû kîoonekaga kîvuana ta mûndû, ekîrîte nguo ndaca yakinyîte nyarîrî. Na kîthûrirî gîake aarî na mûcivi warî na rangi ya thaavu.

Kûguû 13:18

Ava varenda ûûgî. Ûrîa ûrî na ûtaûku atuîrie ûrîa namba ya nyamû îo yugîte, nîûndû namba îo nî rîîtwa rîa mûndû. Nayo namba îo nî magana matandatû na mîrongo îtandatû na ithathatû (666).