Danieli 8:13 - ÎVUKU RÎA ÛVORO MWARO

¹³ Nînacokire ngîgua ûrîa mûtheru akîaria, nake wîngî mûtheru akîmûcokeria atîrî, ‘Maûndû mau monekete na njîra ya kîoneki gîkî mageekîka kavinda kegana atîa? Maûndû marîa macûku nîmatûûra mekagwa kavinda kegana atîa vandûrî va magongoona ma wa mûthenya? Mbûtû ya îgûrû na hekarû nîitûûra ikinyangagwa nginya rî?’

Danieli 8:13 ပူးပေါင်းရင်းမြစ်များ

Thaburi 74:10

We Ngai, nthû ciaku nîitûthekerera nginya rî? Nîmatûûra marumaga rîîtwa rîaku tene na tene?

Thaburi 74:9

Marûûri metû monthe marîa matheru nî mathiru; gûtirî mûrathi wanarî ûmwe mûtigaru, na gûtirî mûndû wanarî ûmwe gatagatîrî getû wicî nîgwîkara ûguo nginya rî.

Thaburi 79:5

We Ngai-Mûnene, nîûrakara nî tue nginya rî? Marakara maku nî mathiî na mbere gwakana ta mwaki nginya rî?

Isaia 28:18

Vîndî îo kîrîkanîro kîenyu na gîkuû nîgîkaathirua, na ngwatanîro yenyu na kwa arîa akuû îgaatuîka ya mana. Rîrîa mûthiro ûkaavîtûkîrîra kûu nîûkamûthiria.

Isaia 6:11

Nînacokire ngîûria atîrî, “Mwathani, nîkwîthîrwa gwîkariî ûguo nginya rî?” Nake nîwanjokerie atîrî, “Nginya rîrîa matûûra magaacûkangua gûtigwe gûtarî wanarî mûndû; nginya rîrîa nyomba igaatigwa itarî na andû a gûtûûra kuo, na vûrûri ûrî mûcûkangu viû.

Isaia 63:18

Tue andû aku atheru, nîtwegwatîre hekarû yaku gwa kavinda, nwatî nîtwengatirwe nî nthû cietû: nîciomomorire hekarû yaku.

Isaia 9:6

Nîûndû nîtûciarîrîtwe kaana. Nîtûvetwe kaana ga kavîcî. Na nîkavetwe vinya wa kwathana. Gageetwa, “Mûtaarani wa Magegania, Ngai mwene vinya wonthe, Vava wa Tene na tene, Mûthamaki wa Thayû.”

Jeremia 12:10

Arîthi eengî nîmacûkangîtie mûgûnda yakwa ya mîthavibu, nîmakinyangîte mîgûnda yakwa, nîmatûmîte vûrûri wakwa ûrîa mwaro ûtuîke werû.

Danieli 11:31

Athigari amwe ake nî mageekîra hekarû na rûthingo rwayo mûgiro. Nî magaatigithia andû kûruta matega ma wa mûthenya, na macoke matûme hekarû îgîe mûgiro.

Danieli 12:11

“ ‘Kuuma vîndî îrîa matega ma kûvîvua ma wa mûthenya maarûngamirue, na ûndû ûrîa ûrî mûgiro ûgîkîka, mîthenya ngiri îmwe na magana maîrî ma mîrongo kenda (1,290) îkethîrwa îrî mîvîtûku.

Danieli 12:8

“Nînegwire ûrîa augire, nwatî ndiataûkîrwa. Kwoguo nînaûririe atîrî, ‘Ngai-Mûnene gûkethîrwa gwîkariî atîa?’

Danieli 4:10

Rîrîa naarî toro, nînoonire mbica ya mûtî mûnene ûrî gatagatî ka nthî.

Danieli 4:13

“Na wa mamîte ûrîrî, nînonire mbica ya mûrangîri, mûndû mûtheru anyûrûrûkîte kuuma îgûrû.

Danieli 4:23

Navo varîa we Mûthamaki wonire mûrangîri ûrîa mûtheru anyûrûrûkîte kuuma îgûrû na akiuga atîrî, ‘Tema mûtî na ûûcûkangie viû, nwatî tiga kîthukî na mîri yakîo îtigwe na kûu nthî ciovetwe na mûcivi wa cuuma na gîcango. Tiga arivagwe nî îme; na atûûrage kîthakarî akîrîcaga nyaki ta nyamû cia kîthaka îvinda rîa mîaka mûgwanja.’

Danieli 7:16

Nînathiîre kûrî ûmwe wa arîa maarûngamîta vau na ngîmûthaitha anyumbûrîre ûma wîgiî maûndû mau monthe. Kwoguo nîwandaûrîre maûndû mau na akîmbîra atîrî,

Danieli 7:23

“Nînaumbûrîrwe ngîrwa atîrî, ‘Nyamû ya kana nî ûthamaki wa kana ûrîa ûkaaumîra gûkû nthî. Ûthamaki ûcio ûkethîrwa ûrî na ngûrani na mothamaki mau mengî monthe. Ûthamaki ûyû nîûgaatambururanga nthî yonthe na ûmîkinyange na ûmîcûkangie yonthe.

Danieli 9:27

Mûtongoria ûcio nîakaarûtha kîrîkanîro kîrûmu na andû eengî îvinda rîa mîaka mûgwanja. Îvinda rîa mîaka îthatû na nuthu, nîakaarûngamia matega na magongoona. Vandû varîa vatheru Mûno hekarûrî, nîvakaarûngamua kîrîa kîrî mûgiro nginya rîrîa ûrîa wakigire vo agaacûkangua wata ûrîa Ngai aavangire.’ ”

Zakaria 1:19

Nînaûririe mûraika ûrîa twaragia nake atîrî, “Mvîa ino irenda kwonania atîa?” Nake nîwanjokerie atîrî, “Ino nîcio mvîa irîa inyaganîtie Juda, Isiraeli na Jerusalemu.”

Zakaria 14:5

Nîmûkaaûra mûvîtûkîrîrîte Kîamndarî kîu kîgaanîtie kîrîma kîu kîrî gatagatî ka irîma igîrî cia Ngai-Mûnene. Mûkaûra wata ûrîa methe menyu ma tene maûrire rîrîa kwagîîre kîthingithia vîndî ya mûthamaki Uzia. Ngai-Mûnene Ngai wakwa nîagûka na araika onthe.

Mathaayo 11:27

“Vava nîamvete indo cionthe; gûtirî mûndû wîcî mûriû tiga Vava. Na gûtirî mûndû wîcî Vava tiga Mûriû na arîa Mûriû endaga kûmaguûrîria.

Mathaayo 24:15

“Mue nîmûkoona ‘Kîndû kîrîa kîrî mûgiro’ kîrîa mûrathi Danieli aaririe ûvoro wakîo kîrûngamîte vandû varîa vatheru.” (Mûndû ûrîa ûrathoma nîataûkîrwe nî ûrîa kûrerwa!)

Maariko 13:14

“Rîrîa mûkoona kîndû kîrîa kîrî mûgiro kîrî varîa gîtagîrîrwe nîkwîthîrwa kîrî.” (Mûndû ûrîa ûrathoma nîataûkîrwe nî ûrîa kûreerwa) “Vîndî îo andû arîa makeethîrwa marî Judea, nîmakaaûra mathiîte irîmarî.

Luka 10:22

“Vava nîmûnengeru maûndû monthe. Gûtirî mûndû wana ûmwe wîcî Mûriû tiga Îthe, na gûtirî mûndû wana ûmwe wîcî Vava tiga Mûriû na andû arîa Mûriû endaga kûmenyithia ke nû.”

Luka 21:20

“Vîndî îrîa mûkoona îtûûra rîa Jerusalemu rîthiûrûrûkîrîtue nî athigari, nîmûkaamenya atî îvinda rîarîo rîa kwomomorwa rîrî vakuvî.

Luka 21:24

Andû amwe nîmakaaûragwa na mviû na engî nîmagaatavwa na mavirwe mavûrûrirî monthe. Nao andû a ndûrîrî nîmakaaverithia andû a Jerusalemu nginya rîrîa kavinda ka andû a ndûrîrî ga kwathana gakaathira.

Johana 1:18

Gûtirî mûndû wanona Ngai. Nwatî Mûriû wake wa mûmwe ûrîa wî vakuvî mûno na îthe, nîke ûtûmîte amenyekane.

Gûco 33:2

Augire atî: Ngai-Mûnene aaumire kîrîmarî gîa Sinai; aatumîrîre ta riûa kuuma kîrîmarî Kîam Edomu, na akîarîra andû ake arî kîrîmarî gîa Parani. Aaûkire arî na araika ngiri makûmi meengî, aanyitîte rûrîrîmbî rwa mwaki na njara.

1Ath 3:13

Na njîra îo Mwathani akamûva vinya namue nîmûkethîrwa mûrî atheru na mûtarî na ûcuke mbere ya Ngai îthe wetû rîrîa Mwathani wetû Jesû agaaûka na andû ake onthe.

Ahib 10:29

Mûndû ûrîa ûrumaga Mûriû wa Ngai na akanyarara nthakame ya kîrîkanîro îrîa yamûtheririe kuuma meviarî, agacoka akaruma Roho ûrîa ûvecanaga wega wa Ngai, mûreciria îvera rîake rîgana atîa?

1Pet 1:12

Ngai nîwaguûrîrie arathi aya atî maûndû marîa maarathaga matiarî ma kûmaguna o ene, nwatî maarî ma kûmûguna mue. Maatuirwe ndungata cia kwanîrîra maûndû marîa rîu mûrîkîtie kwîgua kûvîtûkîra kûrî anjaama arîa maamûvunjîrie Ûvoro Mwaro. Meekire ûguo matethereretue nî Roho Mûtheru ûrîa watûmîtwe kuuma îgûrû. Maûndû mama nîmo nginya araika mendaga kûmenya.

Juda 1:14

Enoku ûrîa warî wa rûciaro rwa mûgwanja kuuma kûrî Adamu nîwarathire ûvoro ûmegiî akiuga atîrî: “Mwathani nîagaaûka arî na ngiri nyîngî cia araika ake atheru,

Kûguû 11:2

Nwatî ndûkathime kîvaro kîrîa kîrî nja ya hekarû. Ndûgakîthime nîûndû nîkîvecanîtwe kûrî andû a ndûrîrî. Andû acio nîmakaathiga Îtûûra rîrîa rîtheru vandû va mîeri mîrongo îna na îîrî.

Kûguû 6:10

Nayo mîoyo îo nîyaugîrîrie na mûgambo mûnene atîrî; “Mwathani mwene vinya wonthe, Mûtheru na wa ma! Nîwîkara nginya rî ûtarî mûtuîru na ûkaverithia andû a nthî nîûndû wa gûtûûraga?”

Atir 13:18

Nake mûraika wa Ngai-Mûnene nîwaûririe Manoa atîrî, “Ûrenda kûmenya rîîtwa rîakwa nîkî? Rîîtwa rîakwa nî rîa kûgegania.”