Danieli 7:27 - ÎVUKU RÎA ÛVORO MWARO

²⁷ Naguo ûthamaki na wathani, na ûnene wa mothamaki monthe ma nthî ûkavewa andû a Ngai Ûrîa mûnene, na ûthamaki wao ndûkaathira, na athamaki onthe a nthî nîmakaamathîkîra na mamatungatagîre.’

Danieli 7:27 ပူးပေါင်းရင်းမြစ်များ

Thaburi 145:13

Ûthamaki waku ûtûûraga tene na tene, na wathani waku ûtûûraga kûrî njiarwa cionthe. Ngai-Mûnene nî mwîvokeku maûndûrî monthe marîa aragia, na nî mûtugi maûndûrî monthe marîa ekaga.

Thaburi 22:27

Mavûrûri monthe nî makaaririkana Ngai-Mûnene na mamûcokerere, andû a mîvîrîga yonthe nî makaamûgooca.

Thaburi 72:11

Athamaki onthe nî makenamîrîria mothiû mbere yake; mavûrûri monthe nî makaamûtungatîra.

Thaburi 86:9

Ndûrîrî cionthe irîa waûmbire nîigaaûka ikûgooce, we Mwathani; na nîikaanîrîra ûnene wa rîîtwa rîaku.

Isaia 14:2

Andû a mavûrûri nîmagaatethereria andû a Isiraeli gûcoka vûrûrirî ûrîa maaverwe nî Ngai-Mûnene. Nao andû acio a mavûrûri nîmagaatungatagîra Aisiraeli marî ngombo. Arîa maatavîte Aisiraeli nîmagaatavwa nî Aisiraeli, na andû a Isiraeli nîmakaatha arîa maamavinyagîrîria.

Isaia 54:3

Nîûndû nîûgaatamba mîena yonthe, nacio njiarwa ciaku nîikegwatîra ndûrîrî ituîke ciao, namo matûûra marîa matiganîrie rîu nîmagecûra andû.

Isaia 9:7

Wathani wake nîûkaathiî na mbere ûkînenevaga; vîndî cionthe ûkethagîrwa ûrî na thayû, na nîagaatuîka mûthamaki vuva wa Daudi. Nîakaaûrûngamia na aûmenyerere, akaathanaga na kîvooto na ûthingu, kuuma rîu nginya tene na tene. Ngai-Mûnene mwene vinya wonthe nîke ûkaavingia maûndû mama.

Danieli 2:44

Îvinda rîu rîa athamaki acio, Ngai ûrîa wî îgûrû nîakaarûngamia ûthamaki ûtakaathira. Ûthamaki ûcio ndûkaavotwa, na nîûgaacûkangia mothamaki mau mengî monthe mathire viû, ûcoke ûtûûre wathanaga tene na tene.

Danieli 4:34

Mîaka mûgwanja yathira, nie mûthamaki Nebukadinezarû nînaroririe îgûrû kûrî Ngai na ngîcokerwa nî ûgima wa meciria na ngîambîrîria kûgooca Ngai ûrîa wî îgûrû mûno; nînaamûkumirie na ngîmûva gîtîîo na riiri, ûcio ûtûûraga tene na tene nîûndû: Nîatûûra athanaga tene na tene naguo wathani wake ûgaakinyagîra njiarwa na njiarwa.

Danieli 6:26

Nînathana nauga atî kûrîa kuonthe ûthamaki wakwa ûkinyîte, nwanginya andû onthe metigagîre na matîage Ngai wa Danieli. Nîûndû ke nî Ngai wî mwoyo na ûtûûraga tene na tene. Ûthamaki wake ndûkaathira rî kana rî na nîatûûra athanaga tene na tene.

Danieli 7:14

Nake nîwaverwe wathani, riiri, wana ûthamaki, nîguo andû a iruka cionthe, mavûrûri monthe, na nthiomi cionthe mamûtungatagîre. Wathani ndûkaathira rî kana rî, na ndûgaacûkangua.

Danieli 7:18

Nwatî andû a Ngai Ûrîa Ûrî Îgûrû mûno nîmakaavewa ûthamaki, na ûtûûre ûrî wao tene na tene.’

Danieli 7:22

Nake ûrîa ûtûûrîte tene na tene, nîwatuîrîre andû a Ûrîa Ûrî Îgûrû Mûno, na kavinda nîgaakinyire rîrîa andû a Ngai maamûkîre Ûthamaki.

Obadia 1:21

Andû arîa magaatigara marî mwoyo nîmakaathiî kîrîmarî gîa Zayuni, nao nîmakaathaga kîrîma gîa Esaû, Nake Ngai-Mûnene nîke ûgaatuîka mûthamaki.”

Zakaria 14:9

Ngai-Mûnene akethîrwa arî mûthamaki wa nthî yonthe, na nîke ûkethîrwa arî Ngai-Mûnene wenga na rîîtwa rîake rîkethîrwa rîrî rîo rîîtwa rîonga.

Luka 1:33

Nake nîagaatuîka mûthamaki wa andû a Isiraeli tene na tene. Naguo ûthamaki wake ndûkaathira!”

Johana 12:34

Nakîo kîrîndî nîgîacokirie atîrî, “Watho wetû ûtwîraga atî Mesaya agaatûûra tene na tene. Kûngîvoteka atîa ûtwîre atî Mûrû wa Mûndû nwa nginya ambatue? Mûrû wa Mûndû ûcio nû?”

1Akor 15:24

Na vuva wa ûguo vingo ya mûthiia nîgaakinya. Na rîrîa îgaakinya, Kristû nîagaacûkangia moonene monthe, maavinya monthe na athani onthe na acoke anenganîre ûthamaki kûrî Ngai Îthe.

Kûguû 11:1

Nie nînacokire ngîvewa mûtî wa kûthima wekariî ta mûragi na ngîrwa atîrî, “Thiî ûthime hekarû ya Ngai na metha ya kûrutîra kîgongoona na ûtare andû arîa magoocagîra kuo.

Kûguû 11:15

Nake Mûraika wa mûgwanja nîwavuvire karumbeta gake. Nakuo îgûrû nîkwagîre na mîgambo mînene yaugaga atîrî, “Ûthamaki wa nthî nîûtuîkîte wa Mwathani wetû na wa Mesaya wake. Nake nîakaathana tene na tene!”

Kûguû 17:14

Athamaki acio na nyamû nîmakaarûa na Gatûrûme. Nake Gatûrûme arî vamwe na arîa Ngai etîte, akamathuura na nî arûmîrîri evokeku, nî akaamavoota, nîûndû ke nî Mwathani wa aathani na Mûthamaki wa athamaki.”

Kûguû 19:16

Nguorî yake, Kîamûrî gîake nîvaandîkîtwe rîîtwa atîrî: “Mûthamaki wa athamaki, Mwathani wa aathani.”

Kûguû 20:4

Ngîcoka ngîona itî cia ûthamaki kûu îgûrû. Nao arîa maaciîkarîrîte nîmaaveetwe ûvoti wa gûtucanîra. Wana nînoonire mîoyo ya andû arîa maaûragirwe nîûndû nîmaanîrîre ûvoro wa Ngai na ûma ûrîa waguûrirue nî Jesû. Acio matianagooca nyamû kana mûvuanano wayo, na matianekîrwa rûûri rwa nyamû ûthiû kana njararî ciao. Andû acio nîmaagîre na mwoyo rîngî na makîathana marî athamaki vamwe na Kristû kavinda ka mîaka ngiri îmwe.

Kûguû 22:5

Gûtigacoka kûgîa na ûtukû, na matikethîrwa makîvatara taa kana ûtheri wa riûa, nîûndû Mwathani Ngai nîke ûkethagîrwa arî ûtheri wao. Na nîmakaathana marî athamaki tene na tene.