Danieli 7:25 - ÎVUKU RÎA ÛVORO MWARO

²⁵ Ke nîakaaria maûndû macûku megiî Ngai Ûrîa Mûnene na avinyîrîrie andû a Ngai. Nîakaagarûra mawatho mao na irugo ciao, na andû acio nîmakaathwa nîke îvinda rîa mîaka îthatû na nuthu.

Danieli 7:25 ပူးပေါင်းရင်းမြစ်များ

Isaia 37:23

Nîûrîkû ûthekererete na ûkaruma? Nîûrîkû ûcio ugîrîrîtie na ûgakûûrîra metho? Nînie Ûrîa Mûtheru wa Isiraeli!

Danieli 11:28

Mûthamaki wa Sîria nîagaacoka vûrûri wake na indo cionthe irîa aatavîte arî mbaararî. Nwatî meciriarî make, akethîrwa akîthugunda ûrîa agûcûkangia ndini ya andû a Ngai. Ke nîageka ûrîa akenda, akînacoka vûrûrirî wake.

Danieli 12:7

Mûndû ûcio wekarîte mwena wa îgûrû wa rûnjî ekîrîte nguo mbaro, nîwaûkîrîrie njara ciake cioîrî na îgûrû. Nînaacokire ngîgua akîîvîta na rîîtwa rîa ûrîa ûtûûraga tene na tene akiuga atî, ‘Nî kavinda ka mîaka îthatû na nuthu. Vîndî îo andû arîa atheru a Ngai nîmagaatiga kûnyamarua na nîrîo maûndû monthe makethîrwa makîvinga.’

Danieli 2:21

Nîke ûcenjagia mathaa na mavinda. Nîke ûthuuraga na akagwîthia athamaki. Nîke ûvecanaga ûûgî kûrî arîa aûgî na ûtaûku kûrî arîa marî na ûmenyo.

Danieli 3:26

Kwoguo Nebukadinezarû nîwathiîre vakuvî na mûromo wa varîa mwaki ûcio warî na agîtana augîrîrîtie atîrî, “Shadiraka, Mîsheki na Abendinego, ndungata cia Ngai ûrîa Mûnene mûno, umani mûke ava!” Nao Shadiraka, Mîsheki na Abendinego nîmaumîrire mwakirî ûcio mûnene.

Danieli 4:17

Îtua rîîrî rîathanirwe kûvîtûkîrîra kûrî mûrangîri ûrîa mûvinyaru. Kwoguo andû onthe a nthî nîmamenye atî Ûrîa ûrî Îgûrû Mûno nîke wathaga mothamaki na andû, na nîke ûvecanaga ûthamaki kûrî mûndû ûrîa akwenda, wana ethîrwa nî mûndû ûrîa ûtarî îgweta.”

Danieli 4:2

Nîmonete arî ûndû mwaro nîmûmenyithie ciama na morirû marîa Ngai ûrîa ûrî îgûrû ambîkîrîte.

Danieli 4:25

We nîûkengatwa ume kûrî andû ûthiî ûgatûûranagie na nyamû cia kîthaka, na ûtuîke wa kûrîcaga nyaki ta nyamû cia kîthaka. Ûkararaga nja na ûrivagwe nî îme îvinda rîa mîaka mûgwanja, nîguo ûmenye atî Ngai ûrîa wî îgûrû mûno nîke wathaga mothamaki monthe ma nthî na avecanaga ûthamaki ûcio kûrî mûndû wa ûrîa angîenda.

Danieli 4:32

We nîûkengatwa ume kûrî andû, ûthiî mûgatûûrage na nyamû cia kîthaka. Ûkaarîcaga nyaki ta ndegwa îvinda rîa mîaka mûgwanja. Vîndî îo nîûkaamenya, atî Ngai Ûrîa ûrî Îgûrû Mûno nîke ûrî vinya îgûrû rîa mothamaki monthe ma nthî na nîavecaga mûndû wa ûrîa akwenda ûthamaki.”

Danieli 7:18

Nwatî andû a Ngai Ûrîa Ûrî Îgûrû mûno nîmakaavewa ûthamaki, na ûtûûre ûrî wao tene na tene.’

Danieli 7:20

Nînendire kûmenya ûvoro wa mvîa îkûmi irîa ciarî kîongorî Kîamyo na ûvoro wa rûvîa rûrîa rwîngî rwacokire kûmera na rûgîtûma mvîa icio ciîngî ithatû igûûke. Rûvîa rûu rwarî na metho na rwaragia na mwîtîîo, na nîruo rwonekaga rûrî rûnene gûkîra mvîa icio ciîngî.

Danieli 7:8

Na vîndî îrîa naaroretie mvîa cia nyamû îo, nînoonire karûvîa kanini keyumîria gatagatî ka mvîa icio ciîngî, na gagîkûûra mvîa icio ciîngî ithatû. Karûvîa kau kaarî na metho ta ma mûndû, na kanyua kaaragia na mwîtîîo.

Danieli 8:11

Karûvîa kau nîkendire gwîtua kanene gûkîra Mûnene wa ciûmbe icio cia îgûrû. Nîkaarûngamirie matega marîa mûnene wa ciûmbe cia îgûrû aarutagîrwa na gakîcûkangia hekarû yake.

Danieli 8:14

Nake ûrîa mûtheru wa mbere nîwacokirie atîrî, ‘Magongoona ma wa mûthenya nîmatûûra matakûrutwa kavinda ka ivwaî na iraûko ngiri igîrî na magana mathatû (2,300). Kavinda kau kathira, hekarû ya Ngai-Mûnene nîgaacokua ûrîa yatûûraga.’

Danieli 8:9

Kuuma kûrî wa rûvîa rwa icio inya, nîvaaumîrire karûvîa kanini. Vinya wa wathani wa karûvîa kau wathiîre ûkîongererekaga na mwena wa îveti, mwena wa îrathîro, na kûthiî vûrûri wa Kîranîro.

Danieli 9:27

Mûtongoria ûcio nîakaarûtha kîrîkanîro kîrûmu na andû eengî îvinda rîa mîaka mûgwanja. Îvinda rîa mîaka îthatû na nuthu, nîakaarûngamia matega na magongoona. Vandû varîa vatheru Mûno hekarûrî, nîvakaarûngamua kîrîa kîrî mûgiro nginya rîrîa ûrîa wakigire vo agaacûkangua wata ûrîa Ngai aavangire.’ ”

Hosea 7:16

Nîmagarûrûkîrîte ngai ya Baali, mekariî ta ûta mûregerû. Atongoria ao makaûragîrwa mbaararî, nîûndû wa ciugo ciao cia mwîtîîo. Kwoguo nîmakaanyararwa marî vûrûri wa Misiri.

2Ath 2:3

Mûtikaanaveenue nî mûndû na ûndû wana ûrîkû. Nîûndû Mûthenya wa Mwathani ndûgaakinya mbere ya îvinda rîa andû kûregana na Ngai rîkinye na mûndû mwaganu eyonanie, ûrîa Ngai agaacûkangia îcuarî.

2Ath 2:4

Ke nîakaaregana na kîndû wa kîonthe gîtagwa ngai, kana kîndû kîonthe andû magoocaga na enenevie mûno. Ke nîagekara hekarûrî ya Ngai na etue atî ke nîke Ngai.

2Ath 2:8

Vîndî îo Mûndû ûcio Mwaganu nîakoonanua. Nwatî rîrîa Mwathani Jesû agaaûka nîakaamûraga na mîruke kuuma kanyuarî gake na amûthirie na njîra ya kwîyumîria arî na riiri.

Kûguû 12:14

Nwatî mûndûmûka ûcio nîwaverwe mathagu maîrî ma nderi nene, nîguo avote kûgûrûka athiî vandû varîa aathondekeretwe werûrî. Kûu nîkuo akaamenyererwa kwa îvinda rîa mîaka îthatû na nuthu, na agitîrwe kuumana na njûnamatu.

Kûguû 12:6

Nake mûndûmûka ûcio nîwaûrire na akîthiî werûrî. Kûu nîkuo Ngai aamûthondekerete vandû nîguo ekare akîmenyagîrîrwa vandû va mîthenya ngiri îmwe na magana maîrî ma mîrongo îtandatû (1,260).

Kûguû 14:12

Ava varenda ûmîrîru wa andû a Ngai arîa mavingagia maathani make na mevokete Jesû.

Kûguû 16:6

Nîûndû andû acûku nîmetûrûrire nthakame ya andû a Ngai na ya arathi. Kwoguo nîwamava nthakame manyue, nîûndû ûguo nîguo magîrîrwe!”

Kûguû 17:6

Nanie nînoonire atî mûndûmûka ûcio aarî mûrîu nîûndû wa kûnyua nthakame ya andû arîa atheru a Ngai. Andû acio maaûragirwe nîûndû maarî evokeku kûrî Jesû. Rîrîa namwonire nînamakire mûno.

Kûguû 18:24

Ngai nîwaverithirie Babuloni nîûndû nthakame ya arathi, na andû a Ngai na arîa onthe manaûragwa nthî, yonekire îtûûrarî rîu înene.