Danieli 6:7 - ÎVUKU RÎA ÛVORO MWARO

⁷ Tue atongoria onthe a vûrûri: arûngamîrîri onthe, anene onthe, athuuri onthe arîa magûtaaraga na anene onthe icunjî cia thirikari twona atî we Mûthamaki nîwagîrîrwe nî kûruta watho na wone atî watho ûcio nîwarûmîrîrwa nî andû onthe. Athana atî îvinda rîa mîthenya mîrongo îthatû, gûtirî mûndû ûgetîkîrua kûvoya ngai îngî kana mûndû wîngî tiga we mûthamaki; na mûndû ûrîa ûkaauna watho ûyû nîagaaikua îrimarî rîa mînyambû.

Danieli 6:7 ပူးပေါင်းရင်းမြစ်များ

Thaburi 10:9

metagîrîra methithîte ta mînyambû, metagîrîra andû arîa athîni, mamanyitaga na mîtego yao na makathiî nao.

Thaburi 2:2

Athamaki a nthî nîmevaragîria, nao atongoria a nthî makathiî ndundu nîguo maregane na Ngai-Mûnene na maregane na mûthamaki ûrîa Ngai-Mûnene athuurîte makiugaga atîrî,

Thaburi 59:3

Taroria! Manîînthithîrîte nîguo mambûrage; andû aganu maûnganîte nîguo mambûkîrîre. Gûtirî wîvia kana mavîtia mbîkîte,

Thaburi 59:5

Ûkîra ûndethie we Ngai-Mûnene, Ngai mwene vinya wonthe, Ngai wa Isiraeli! Ûkîra na ûverithie andû acio matagwicî; ndûkeguîre ntha andû acio mavangaga maûndû macûku!

Thaburi 62:4

Mûvangîte kûnduta vandû va gîtîîo; mûkenaga rîrîa mûkwaria maveeni. Mwaragia ciugo mbaro cia kûrathimana, nwatî ngororî mwîthagîrwa mûkîrumana.

Thaburi 83:5

Nîmetîkanîrîtie mîvangorî yao na ngoro îmwe, marîkanîrîte vamwe maregane nawe:

Thaburi 94:20

We ndûngînyitanîra na atucanîri ciira arîa aganu, arîa matungaga mawatho ma gûcûkangia kîvooto.

Danieli 2:4

Akalidei acio nîmacokerie Mûthamaki na Kîhibirania atîrî, “Mûthamaki wetû ûrotûûratûûra! Ta twîre kîroto gîaku, na nîtûgûgûtaûrîra kîo.”

Danieli 3:11

We nîwaugire atî, mûndû wa wonthe ûtakawînamîrîra aûgooce, nîagaikua mwakirî mûnene mûno.

Danieli 3:2

Nebukadinezarû nîwathanire kûgîe na mûcemanio wa anene a thirikari, tûrani twa thirikari, arîrîria a thirikari, andû arîa mataaraga thirikari, arûngamîrîri a igîîna, acirithania, na aathani a mavûrûri make monthe mathiî mamburarî ma kwambîrîria kûgooca mûvuanano ûcio warûthithîtue nî mûthamaki.

Danieli 3:27

Nao athani, anene, arîa marî rungu rwa anene, na atongoria arîa engî a mûthamaki nîmacemanirie kwîyonera arûme acio athatû arîa mwaki waremirwe nî kûmavîvia. Njuîrî na nguo ciao itiavutua nî mwaki, na matianunga ndogo.

Danieli 3:6

Mûndû wa wonthe ûtakawînamîrîra aûvoe, nîakaanyitwa wa rîmwe akînaikua mwakirî mûnene mûno.”

Danieli 6:16

Kwoguo mûthamaki nîwathanire Danieli ocwe na aikue îrimarî rîa mînyambû. Nîwacokire akîra Danieli atîrî, “Ngai waku ûrîa ûtungatagîra wa mûthenya arokûvonokia.”

Danieli 6:22

Ngai wakwa nîatûmire mûraika avinge mînyambû tûnyua nîguo ndîkanjûkangie. Ekire ûguo nîûndû ndianamûvîtîria kana ngûvîtîria we mûthamaki wetû.”

Mika 6:5

Mue andû akwa, taririkanani ûrîa Balaki, mûthamaki wa Moabu aavangîte, na ûrîa Balaamu mûvîcî wa Beori aacokerie Balaki. Taririkanani ûrîa gwekîkire mûrî njîrarî kuuma Shitimu kûthiî Giligali nîguo mûmenye ûrîa Ngai-Mûnene eekire nîguo amûvonokie”

Nahumu 2:12

Mûnyambû wa njamba nîwatembûrangîre twana twaguo nyama cia kwîgana, na ûkîûraga nyamû nîûndû wa mînyambû ya nga, na ûgîcûria ngurunga ciaguo nyama cia kûvîta na ciîkaro ciaguo inuku cia nyama.

Mathaayo 12:14

Nao Afarisai arîa maarî vo nîmaaumire nja ya îvoero na makîthiî ndundu nîguo mavange ûrîa makûûragithia Jesû.

Mathaayo 26:4

na makîvanga ûrîa makûnyita Jesû na nthitho nîguo mamûûrage.

Maariko 15:1

Kîraûko tene anene a athînjîri-Ngai nîmaagîre ndundu na athuuri, arimû a Watho, Kîamma kîonthe na makîrîkanîra ûrîa magwîka. Nao nîmoovire Jesû na makîmûvira kûrî Pilato.

Johana 12:10

Kwoguo anene a athînjîri-Ngai nîmaavangire ûrîa makûraga Lazaro wanake,