Danieli 6:24 - ÎVUKU RÎA ÛVORO MWARO

²⁴ Mûthamaki nîwacokire akîathana atî andû acio onthe maacukîte Danieli na magîtûma aikue îrimarî rîa mînyambû, maikue îrimarî rîu vamwe na aka ao na ciana ciao. Nao onthe nîmaakîrirue vinya nî mînyambû na makiunangwa mavîndî wana mbere ya makinya gîtina Kîam îrima rîu.

Danieli 6:24 ပူးပေါင်းရင်းမြစ်များ

2Atha 14:6

Nwatî ndaaûraga ciana ciao. Eekire wata ûrîa Ngai-Mûnene aathanîte wathorî wa Musa atîrî, “Aciari matikaaûragwa nîûndû wa mevia ma ciana ciao, nacio ciana itikaaûragwa nîûndû wa mevia ma aciari a cio. Wa mûndû akaaûragwa nîûndû wa mevia marîa ke mwene ekîte.”

Esita 7:10

Andû acio nîmaacuririe Hamani mûtîrî ûrîa aarûthithîtie ûrî wa gûcuria Moridekai. Namo marakara ma mûthamaki nîmaathirire.

Esita 9:10

Nîmaûragire avîcî îkûmi a Hamani mûvîcî wa Hamedatha, nthû ya Ayahudi nwatî gûtirî kîndû wanarî kîmwe maatavire.

Esita 9:25

Nwatî Esita nîwathiîre kûrî mûthamaki, na mûthamaki akîandîkithia watho wa kuga atî mûvango mûcûku ûrîa Hamani aavangîte wîkwe Ayahudi acokererwe nîguo. Maarûa ino nîcio ciatûmire Hamani acokererwa nîguo. Ke na avîcî ake îkûmi nîmaacurirue mûtîrî.

Thaburi 54:5

Ngai nîagaatûma nthû ciakwa icokererwe nî waganu wao o ene, na amathirie nîûndû wa wîvokeku wake.

Nthi 11:8

Mûndû mûthingu nîavonokagua kuuma thînarî, na mûndû mwaganu akagwatwa nî thîna ûcio vandûrî vake.

Nthi 19:9

Mûndû ûrîa ûrutaga ûira wa maveeni nîakaaverithua, nake ûrîa ûveenanagia nîakaathirua.

Isaia 38:13

Naarîrire ûtukû mûgima ngîvoya ûtethio; amunangîte mavîndî ta ûrîa mûnyambû unangaga. Mûthenya na ûtukû we nîûnyamaragia.

Jeremia 34:17

Kwoguo nie Ngai-Mûnene nîrauga atî, mue mûtiambathîkîra na njîra ya kûrekereria andû enyu a Isiraeli. Kwoguo nie nîngûmûrekereria mûragwe nî mbaara, mîrimû na yûra. Nîngatûma mothamaki monthe ma nthî mamake nîûndû wa maûndû marîa ngûmwîka.

Danieli 3:22

Nîûndû Mûthamaki nîwathanîte mwaki wongererwe wakane mûno, nînîmbî cia mwaki nîciavîvirie athigari arîa maikirie Shadiraka Mîsheki na Abendinego mwakirî.

Gûco 24:16

“Aciari matikaaûragwa nîûndû wa wîvia wa ciana ciao, nacio ciana itikaaûragwa nîûndû wa wîvia wa aciari ao. Wa mûndû akaaûragwa nîûndû wa wîvia ûrîa ekîte ke mwene.