Danieli 6:22 - ÎVUKU RÎA ÛVORO MWARO

²² Ngai wakwa nîatûmire mûraika avinge mînyambû tûnyua nîguo ndîkanjûkangie. Ekire ûguo nîûndû ndianamûvîtîria kana ngûvîtîria we mûthamaki wetû.”

Danieli 6:22 ပူးပေါင်းရင်းမြစ်များ

Kîam 40:15

Nîûndû, ûvoro wa ma nî atî nie nîkwa naîirwe kuuma vûrûrirî wa Ahibirania na gûkû Misiri gûtirî ûndû mbîkîte wa gûtûma mvingîrwe njeera.”

2Sam 22:7

Nakaîre Ngai-Mûnene nîrî mînyamaarorî, nînakaîre Ngai wakwa nîguo andethie. Nîwegwire mûgambo wakwa arî hekarûrî yake, nîwegwire makaya makwa.

1Atha 13:28

Nîwatwîre îgûrû rîayo na akîthiî. Nîwethîre kimba kîu kîmamîte njîrarî, nayo mvunda na mûnyambû irûngamîte vakuvî nakîo. Mûnyambû ndwarî mûrîu kimba kîu kana ûtharîkîra mvunda.

2Maû 32:21

Nake Ngai-Mûnene nîwatûmire mûraika na nîwathiîre akîûraga athigari arîa maarî njamba, anene a athigari a mbaara na anene onthe arîa maarî kûrîa mûthamaki wa Asîria aambîte magema. Kwoguo mûthamaki wa Asîria nîwacokire vûrûrirî wake aconokete mûno. Rîrîa aathiîre hekarûrî ya ngai yake, amwe a avîcî ake nîmaamûragire na mviû.

Thaburi 118:28

We nîwe Ngai wakwa, na nîngûgûcokeria ngatho; we nîwe ngai wakwa na nîngaanîrîra ûnene waku.

Thaburi 26:6

Nîrethambia njara ciakwa monanie atî ndirî na mavîtia, na nthiûrûrûke metha yaku ya kîgongoona ngîkûgooca, we Ngai-Mûnene,

Thaburi 31:14

Nwatî we Ngai-Mûnene, nîwe nîîvokete, we wî Ngai wakwa.

Thaburi 34:7

Mûraika wa Ngai-Mûnene nîamenyagîrîra andû arîa magoocaga Ngai-Mûnene, na nîamavonokagia kuuma ûgwatirî.

Thaburi 38:21

Ndûkandiganîrie, we Ngai-Mûnene; ndûgekare varaca nanie, we Ngai wakwa.

Thaburi 84:11

Ngai-Mûnene, Ngai nî riûa na nî ngo yetû, nîatûrathimaga na agatûva gîtîîo. Ndaimaga andû arîa mekaga ûrîa kwagîrîte indo mbaro.

Isaia 3:10

Andû arîa athingu nîmagaakena, nîmakaarîa matunda ma maûndû marîa mekîte.

Isaia 63:9

kuuma mathînarî mao monthe. Tî mûraika wamavonokagia, nwatî nî Ngai-Mûnene ke mwene wamavonokagia. Aamakûûrire nîûndû wa wendo wake na ntha ciake. Aatwîre amamenyagîrîra kuuma tene.

Jeremia 37:18

Jeremia nîwacokire akîûria mûthamaki Zedekia atîrî, “Nî ûndû ûrîkû mbîkîte mûcûku kana ngavîtîria ndungata ciaku kana andû aya, atî nîguo ûmvingîrithie njeera?

Danieli 3:28

Nebukadinezarû nîwaugire atîrî, “Ngai wa Shadiraka Mîsheki na Abedinego arokumua! Ke nîatûme mûraika wake nîguo avonokie arûme aya arîa mamûtungatagîra nama mamwîvokete. Nîmaaregire kwathîkîra watho wakwa na makiuga atî, nîkava gûkua îthenya rîa kwînamîrîra nthî, nîguo mavoe ngai îngî tiga Ngai wao.

Danieli 6:20

Rîrîa aakuvîvîrie îrima, nîwetire Danieli arî na kîeva kîngî mûno na akîmwîra atîrî, “Ûûi Danieli, ndungata ya Ngai ûrîa ûtûûra mwoyo! Ngai ûrîa ûtungatagîra wa mûthenya nîaravotire gûgûtethûra kûrî mînyambû?”

Danieli 6:23

Nake mûthamaki nîwakenire mûno, na akîathana atî Danieli aguucue arutwe îrimarî rîa mînyambû. Nake nîwarutirwe kuo atarî mûtivie wanarî vandû, nîûndû nîwevokete Ngai wake.

Danieli 6:4

Nao arûngamîrîri acio engî na anene a thirikari nîmambîrîrie gûcaria ûndû mangîcuka Danieli naguo wîgiî wîra wake wa kûrûngamîrîra vûrûri. Nwatî mationa ûndû mangîmûcuka naguo, kana îvîtia wana rîmwe nîûndû Danieli aarî mûndû mwîvokeku na gûtirî îvîtia kana ûndû mûcûku ekîte.

Danieli 6:7

Tue atongoria onthe a vûrûri: arûngamîrîri onthe, anene onthe, athuuri onthe arîa magûtaaraga na anene onthe icunjî cia thirikari twona atî we Mûthamaki nîwagîrîrwe nî kûruta watho na wone atî watho ûcio nîwarûmîrîrwa nî andû onthe. Athana atî îvinda rîa mîthenya mîrongo îthatû, gûtirî mûndû ûgetîkîrua kûvoya ngai îngî kana mûndû wîngî tiga we mûthamaki; na mûndû ûrîa ûkaauna watho ûyû nîagaaikua îrimarî rîa mînyambû.

Mika 7:7

Nwatî nie nîvokete Ngai-Mûnene, mbeterere Ngai nîguo amvonokie. Ngai wakwa nîakûmbîgua.

Ndari 20:16

na tûkîrîrîra Ngai-Mûnene nîguo atûtethie. Ngai-Mûnene nîwegwire kîrîro gîetû na agîtûma mûraika ûrîa watûrutire Misiri. Rîu tûrî Kadeshi, îtûûra rîrîa rîrî mûvakarî wa vûrûri waku.

Mathaayo 27:46

Na ciakinya thaa kenda, Jesû nîwaugîrîrie atîrî, “Eloi, Eloi, lama savakithani?” Na ûguo nî ta kuga atîrî, “Ngai wakwa, Ngai wakwa wandiganîria nîkî?”

Ciîko 12:11

Nake Petero nîwamenyire ûrîa gwekîkîte kûrî ke, na akiuga atîrî, “Rîu nînamenya atî Mwathani na ma nîatûmîte mûraika wake aûke andethûre kuuma kûrî Herode na kuuma kûrî maûndû monthe marîa Ayahudi mareciragia nîmagwîka.”

Ciîko 24:16

Kwoguo vîndî cionthe nie ngeragia gwîka wa ûrîa nîngîvota, nîguo mbîthagîrwe nîrî na thamiri ntheru methorî ma Ngai na ma andû.

Ciîko 27:23

Ûtukû wa îgoro mûraika wa Ngai, Ngai ûrîa nîrî wake na ngoocaga, nîaranyumîrîre

2Akor 1:12

Ûrîa ûratûma twîtîîe na nwa mvote kuga nîrî na thamiri ntheru atî, maûndûrî monthe marîa twîkîte gûkû nthî na makîria kûrî mue, tue twarî na wîvokeku na ngoro ntheru kuuma kûrî Ngai. Twekire ûguo na njîra ya wega wa Ngai na tî na ûûgî wa ûmûndû.

2Tim 4:17

Nwatî Mwathani aarî vamwe nanie na nîwamûvere vinya wa kûvecana ûvoro mwaro kûrî andû onthe a ndûrîrî, kwoguo nînarutirwe magegorî ma simba.

Ahib 1:14

Araika nî arîkû? Nî maroho marîa matungatagîra Ngai na nîmatûmagwa nîke magatethia arîa makaavonokua.

Ahib 11:33

Na njîra ya wîtîkio nîmaarûire na mavûrûri monthe na makîmavoota. Nîmeekire ûrîa kwagîrîrîte na Ngai nîwamavere kîrîa aamerîrîte. Nîwavingire tûnyua twa mînyambû,

1Sam 17:37

Ngai-Mûnene ûrîa ûmvonokagia kuuma kûrî mînyambû na ngatûnyi, nwake ûkamvonokia kuuma kûrî Mûfilisiti ûyû.” Nake Saûlo nîwerire Daudi atîrî, “Nî waro, thiî na Ngai-Mûnene aroîkara nawe.”

1Sam 26:18

Ke nîwacokire akiuga rîngî atîrî, “Nîndûî kîratûma mwathi wakwa ûnûmîrîrie nginya rîu, nie ndungata yaku? Ngwîkîte atîa? Nî ûûru ûrîkû mbîkîte?