Danieli 5:7 - ÎVUKU RÎA ÛVORO MWARO

⁷ Nîwanîrîre na mûgambo mûnene akiuga aringi ciama, aragûri na andû arîa maarî na ûûgî wa njata mavirwe gwake. Rîrîa maakinyire, mûthamaki nîwamerire atîrî, “Mûndû ûrîa ûkûthoma mandîko mama, na ambîre ûrîa maugîte, nîagwîkîrwa nguo cia njambarawe, na acurue mûkathî wa thaavu ngingorî yake na ethîrwe arî wa kathatû ngathîrî ya wathani wa vûrûri.”

Danieli 5:7 ပူးပေါင်းရင်းမြစ်များ

Kîam 41:8

Kîraûko, mûthamaki aarî mûtangîku mûno ngororî yake. Kwoguo nîwatûmanîre aringi ciama onthe na andû onthe aûgî a vûrûri wa Misiri. Mûthamaki nîwamerire iroto irîa aarotete, nwatî gûtirî mûndû wavotire gûitaûra.

Esita 3:1

Vuva wa maûndû mau, mûthamaki Ahasuerusi nîwanenevirie Hamani mûvîcî wa Hamedatha, wa rûciaro rwa Agagi akîmûtua mûnene wa atongoria onthe a thirikari.

Ntha 7:11

Nake mûthamaki nîwetire andû ake arîa aûgî na aringi ciama. Nao nîmaaringire ciama wata Aroni.

Nthi 1:9

nîûndû kîrîra Kîamo gîgekaraga ta nthûmbî îgemetue na maûa îrî kîongorî gîaku, na mûkathî ûrî ngingorî yaku.

Rwîmbo rwa Nyîmbo 1:10

Makai maku mathakarîtue nî njuîrî mvînde, nayo ngingo yaku îkathakarua nî mathaga.

Isaia 47:13

Ûtwîre wînogetie mana na mataaro maku meengî. Tiga andû acio mathomaga îgûrû maturî, arîa marî ûûgî wa njata maûke makûvonokie, arîa makûrathagîra wa mweri wa mweri, magakwîra maûndû marîa mageekîka kûrî we.

Jeremia 50:35

Ngai-Mûnene arauga atîrî, “Ûragani Akalidei, mûrage andû a Babuloni, na mûrage anene na andû a kuo arîa aûgî!

Ezek 16:11

Nînacokire ngîgwîkîra mathaga maro ma gûkûgemia, ngîgwîkîra mvang'iri njara, na mûkathî ngingo,

Danieli 1:20

Maûndûrî monthe megiî ûûgî na ûtaûki marîa mûthamaki angîendire kûmenya kuumana nao, nîwonire marî aro maita meengî mûno gûkîra aragûri kana aringi mbûgû, arîa maarî kûrîa kuonthe aathanaga.

Danieli 1:4

Anake matarî na wonje, athaka, marî na ûûgî na wara wa mîthemba yonthe, athomu, na marî na ûmenyo, nîguo methîrwe marî agîrîru a gûtungata kwa Mûthamaki mûciî. Mûthamaki nîwaugire mathomithue kwaria na kwandîka rûthiomi rwa Akalidei.

Danieli 2:2

Mûthamaki nîwathanire Akalidei onthe arîa maarî aringi ciama, ooni maûndû, aragûri, na arogi, mathiî mamûtaûrîre kîroto kîu gîake. Kwoguo nîmaatonyire kwa Mûthamaki na makîrûgama mbere yake.

Danieli 2:27

Nake Danieli nîwacokerie mûthamaki atîrî, “Mûthamaki, gûtirî mûrogi, mûringi ciama, oni kana aûgî a njata mangîkwîra maûndû mau mûthamaki aûria.

Danieli 2:48

Mûthamaki nîwacokire agîtua Danieli mûnene na akîmûva iveo nyîngî, na akîmûtua mûndû wa kwatha vûrûri wonthe wa Babuloni wana akîmûtua mûrûngamîrîri wa andû onthe arîa maataaraga mûthamaki.

Danieli 2:6

Nwatî ethîrwa nî mûkûmbîra kîroto kîu na mûndaûrîre kîo, nîngaamûva iveo mbaro, na nîmûve gîtîîo kînene. Rîu ta mbîrani kîroto kîu na mûndaûrîre kîo.”

Danieli 4:14

Nake nîwanîrîre na mûgambo mûnene atîrî, “Tema mûtî ûcio na ûvarie nvûa ciaguo. Ûrivarive mathangû na ûnyagie matunda ma guo. Îngata nyamû cionthe irîa irî rungu rwa guo na iconi cionthe irîa itumîte ciomba mvûarî ciaguo.

Danieli 5:11

Gûkû vûrûrirî ûyû wathanaga kûrî na mûndû ûrî na Roho wa ngai irîa ntheru. Kuuma vîndî îrîa aguo aarî mûthamaki, mûndûmûrûme ûyû nîwonanirie wara, ûtaûku na ûûgî mwîngî ta wa ngai. Aguo, mûthamaki Nebukadinezarû nîwamûtwire mûtongoria wa aragûri, arogi, aringi ciama na andû maarî na ûûgî wa njata.

Danieli 5:15

Andû arîa marî na ûûgî, arogi nîmaretirwe gûkû nîguo mathome na mandaûrîre mandîko mama menye ûrîa marauga, nwatî nîmaremirwe nî gûtaûra.

Danieli 5:16

Nwatî nîmenyithîtue atî we nwa ûvote gûtaûra maûndû wana gûtaûra ndaî. Kwoguo, ethîrwa nîûkûvota kûthoma mandîko mama na ûmbîre ûrîa maugîte, nîûgekîrwa nguo cia ûthamaki cia rangi wa njambarawe, na wîkîrwe mûkathî wa thaavu ngingo na wîthîrwe ûrî wa kathatû ngathîrî ya ûthamaki.”

Danieli 5:29

Na wa rîmwe Belishazaru nîwathanire Danieli ekîrwe nguo ya ûthamaki ya rangi wa njambarawe, na ekîrwe mûkathî wa thaavu ngingo. Nîwacokire akîanîrîra, atî Danieli nîke mûtongoria wa kathatû ngathîrî ya wathani.

Ndari 22:17

Nîngûgwîka ûndû ûrî na gîtîîo kînene, na ûndû wa wonthe ûkambîra mbîke nie nîngeka. Nakûthaitha ûka ûrume andû aya.”

Ndari 22:7

Kwoguo atongoria a Moabu na a Midiani nîmaaumire makîthiî kûrî Balaamu makuîte îrîvi rîa kûragûrîrwa. Makinya nîmaaveere Balaamu ndûmîrîri ya Balaki.

Ndari 24:11

Rîu, thiî wînûke! Nînakwîrîrîte iveo nyîngî, nwatî ndwarî wendi wa Ngai-Mûnene ûgîe na iveo icio.”

1Sam 17:25

Nao nîmeeranire atîrî, “Taroriani mûndû ûyû! Na ma ke aûka kûnyararithia andû a Isiraeli. Mûthamaki Saûlo nîwîranîrîte atî mûndû ûrîa ûkaamûraga, nîakaamûva kîveo kîene. Mûthamaki nîagaacoka amûve mwarî amûvikie na andû a mûciî wa îthe matigaacoka kûrîva gooti kûu vûrûri wa Isiraeli.”