Danieli 5:6 - ÎVUKU RÎA ÛVORO MWARO

⁶ Mûthamaki nîwatukirie kîthithi, akîvavûka, akinaina na akîthirwa nî vinya.

Danieli 5:6 ပူးပေါင်းရင်းမြစ်များ

Thaburi 22:14

Nie nîrî mûthiru vinya, nthirîte vinya ta manjî metîkîte nthî. Mavîndî makwa monthe nîmatigithanu, ngoro yakwa îkariî ta mûvûra ûrî mûrarûku.

Thaburi 69:23

Matue ndumumu nîguo matikavote kwona! Tûma mîrukuthu yao îthagîrwe îtarî na vinya vîndî cionthe!

Isaia 35:3

Ongererani vinya njara icio icunjurîte, na mwongerere vinya maru mau maregerû.

Isaia 5:27

Gûtirî wanarî mûndû ûkaanoga kana avîngwa; gûtirî ûkaagocerera kana amame, gûtirî mûndû ûkethîrwa na mûcivi mûregerû kîûnûrî; na gûtirî ûkethîrwa na rûrigi rwa kîratû rûtuîku.

Jeremia 50:43

Mûthamaki wa Babuloni nîeguîte ûvoro wao, njara ciake ikathira vinya; nîagîte na kîeva, na ûrûrû ta wa mûndûmûka agîciara.

Ezek 21:7

Na rîrîa magaakûria ûracaya nîkî, ûkaamera ûracaya nîûndû wa ndûmîrîri îrîa yûkîte. Rîrîa ndûmîrîri îo îgaakinya, ngoro cionthe nîigeecûrwa nî guoya na njara ithire vinya. Maroho monthe nîmakaaringîka na maru maregere ta manjî. Nama mûthenya ûcio nîûgûka na nwanginya ûkaavingua.” Ûguo nîguo Ngai-Mûnene augîte.

Ezek 7:17

Njara cia andû onthe ikethîrwa itarî na vinya, namo maru mao mainaine.

Danieli 2:1

Mwaka wa kaîrî wa Nebukadinezarû arî mûthamaki, nîwagîre na kîroto. Nebukadinezarû nîwathînîkire mûno nî kîroto kîu nginya agîtura toro.

Danieli 3:19

Nebukadinezarû nîwatûmbirwe nî marakara na agîtunîvia metho nîûndû wa Shadiraka, Mîsheki na Abendinego. Nîwathanire mwaki wongererwe na wakane maita mûgwanja makîria ya ûrîa wakanaga.

Danieli 4:19

Rîrîa Danieli ûrîa wîtagwa Beliteshazaru eeguire ûguo, nîwamakire na agîtangîka mûno meciriarî make. Kwoguo mûthamaki nîwamwîrire atîrî, “Danieli, ndûkathînîke nîûndû wa kîroto, kana nîûndû wa ûrîa kiugîte.” Nwatî Beliteshazaru nîwamûcokerie atîrî, “Mwathi wakwa, kîroto gîkî na ûrîa kiugîte kîroethîrwa kîgiî arîa makûmenete na nthû ciaku.

Danieli 4:5

nînarotire kîroto Kîammbîgwithirie guoya; na nîrî ûrîrî, nînonire cioneki ciamakirie mûno.

Danieli 5:5

Na wa rîmwe njara ya mûndû nîyaumîrire, na îkîambîrîria kwandîka rûthingorî rûtenderie na thimiti rwa nyomba ya mûthamaki varîa vaarî na ûtheri mûnene. Mûthamaki nîwonire ûrîa njara yandîkaga.

Danieli 7:28

“Ûcio nîguo mûthiia wa maûndû marîa nonire. Nie Danieli, nînathînîkire mûno ngororî na ngîtukia kîthithi, nwatî nînaigire maûndû mau monthe ngororî yakwa.”

Nahumu 2:10

Îtûûra rîa Nineve nîrîomomore na rîgacûkangua viû! Andû matirî na vinya ngoro na maru nîmakovovoku, vinya nî nthiru, mothiû mao makathita.

Ahib 12:12

Kwoguo ûkîrîriani njara cienyu na îgûrû icio nogu na mûkûnjûre maru mau menyu maratetema.