Danieli 5:25 - ÎVUKU RÎA ÛVORO MWARO

²⁵ “Yandîkire ciugo ino; ‘MENE, MENE, TEKELI na PARESI.’

Danieli 5:25 ပူးပေါင်းရင်းမြစ်များ

2Maû 21:12

Mûrathi Elija nîwatûmîre mûthamaki Jehoramu maarûa akîmwîra atîrî, “Ngai-Mûnene, Ngai wa aguo Daudi augîte atî, we ndwîthîrîtwe na mîthiîre ta ya aguo Jehoshafati kana Asa, mûthamaki wa Juda.

Isaia 14:11

Mwago wonthe ûrîa wegucaga, vamwe na nyîmbo irîa wainagîrwa na ngita ciaku, rîu irî kwa arîa akuû. Igunyû nîcio ûmamagîra irî ûrîrî waku, na mûthûa ûgagûkunîkîra ûrî mûrengeti waku.’

Isaia 47:11

Nwatî nîûkaanyitwa nî maûndû macûku, na ndûkaavota kûmenya kûrîa maumîte. Nîûkaanyitwa nî mathîna, na ndûkaavota kûmathiria, maûndû ma gûkûthiria nîmagaaûka kûrî we wa rîmwe, marîa ûtanamenya ûvoro wamo.

Jeremia 27:7

Mavûrûri monthe nîmakaamûtungatîra na matungatîre mûvîcî wana matungatîre mwana wa mûvîcî nginya rîrîa vûrûri wake ûkaagwa. Vûrûri wake nîûgacoka ûtungatîre mavûrûri mengî na athamaki marî îgweta.

Danieli 5:24

Kîu nîkîo gîatûmire Ngai atûma njara yandîke rûthingorî.

Danieli 5:26

Ciugo ino ciataûrirwe ta û: MENE; nî kuga atî Ngai nî mûtaru mîaka ya ûthamaki waku, na akaûthiria.

Habakuku 2:7

Mûthenya ûmwe andû arîa ûrî thirî wao nîmagagûkîrîra wa rîmwe, na arîa makuinainagia nîmagaûkîra. Vîndî îo nîrîo ûgaatuîka ngombo yao.

Luka 1:51

Nî ekîte maûndû manene na njara ciake, nîanyagarûkanîtie arîa etîi wa na mîvango yao.

Luka 12:20

Nwatî Ngai nîwamwîrire atîrî, ‘We kîrimû gîkî! Ûtukû wa ûmûnthî nî ûkûnenganîra mwoyo ûcio waku. Kwoguo, nî ûrîkû ûkûnyita îgai rîu rîa indo ciaku?’ ”

1Sam 28:19

Ngai-Mûnene nîagaakûrekereria we vamwe na Aisiraeli kûrî Afilisiti. We mûrî na anake aku mûkethîrwa mûrî vamwe nanie rûyû. Ngai-Mûnene nîakaarekereria athigari a Isiraeli wanao kûrî Afilisiti.”