Danieli 5:18 - ÎVUKU RÎA ÛVORO MWARO

¹⁸ We mûthamaki, Ngai ûrîa ûrî Îgûrû Mûno nîwatwire aguo, Nebukadinezarû mûthamaki mûnene, ûrî na riiri na gîtîîo.

Danieli 5:18 ပူးပေါင်းရင်းမြစ်များ

2Atha 25:28

Evilimerodaki nîwarîrie Jehoiakini waro na akîmûnenevia gûkîra athamaki arîa engî maarî nake îthamîriorî kûu Babuloni.

Thaburi 47:2

Nîûndû Ngai-Mûnene, ûrîa ûrî Îgûrû Mûno, agîrîrwe nî gûtîîwa; nîke mûthamaki mûnene, ûrîa wathanaga nthî yonthe.

Thaburi 7:17

Nî ngaacokeria Ngai-Mûnene ngatho nîûndû wa ûthingu wake, na nîngaaina ngumie rîîtwa rîa Ngai-Mûnene, ûrîa ûrî Îgûrû Mûno.

Thaburi 9:2

Ngaakwinagîra na gîkeno nîûndû wa ûrîa wîkîte, nîngaaina ngîkumia rîîtwa rîaku, we ûrîa ûrî Îgûrû Mûno.

Thaburi 92:8

Nwatî we Ngai-Mûnene, ûrî mûnene tene na tene.

Jeremia 25:9

nîngûtûma mîvîrîga yonthe ya mwena wa rûgûrû, na Nebukadinezarû mûthamaki wa Babuloni, ndungata yakwa matharîkîre vûrûri ûyû na atûûri a guo vamwe na mavûrûri monthe marîa mamarigicîrîtie. Nîngamacûkangia viû na ndûme megue guoya, manyararwe na matûûre na gîconoko.

Jeremia 27:5

Nînie naûmbire nthî na ngîûmba andû na nyamû cionthe irîa irî kuo na ûvoti na vinya wakwa na nîmîvecaga mûndû wa wonthe ûrîa ngwona agîrîrîte.

Jeremia 27:7

Mavûrûri monthe nîmakaamûtungatîra na matungatîre mûvîcî wana matungatîre mwana wa mûvîcî nginya rîrîa vûrûri wake ûkaagwa. Vûrûri wake nîûgacoka ûtungatîre mavûrûri mengî na athamaki marî îgweta.

Maca 3:35

Na akoona rîrîa kîvooto Kîam mûndû gîtararûmîrîrwa.

Maca 3:38

Ngai-Mûnene nîke tu wîtîkagîria maûndû monthe, marîa macûku na marîa maro mekîke.

Ezek 31:11

Kwoguo nînîûregete, na nîngûûnenganîra kûrî mûnene wa vûrûri mûgeni, nake nîakaawîka kûringana na waganu waguo.

Danieli 4:17

Îtua rîîrî rîathanirwe kûvîtûkîrîra kûrî mûrangîri ûrîa mûvinyaru. Kwoguo andû onthe a nthî nîmamenye atî Ûrîa ûrî Îgûrû Mûno nîke wathaga mothamaki na andû, na nîke ûvecanaga ûthamaki kûrî mûndû ûrîa akwenda, wana ethîrwa nî mûndû ûrîa ûtarî îgweta.”

Danieli 4:19

Rîrîa Danieli ûrîa wîtagwa Beliteshazaru eeguire ûguo, nîwamakire na agîtangîka mûno meciriarî make. Kwoguo mûthamaki nîwamwîrire atîrî, “Danieli, ndûkathînîke nîûndû wa kîroto, kana nîûndû wa ûrîa kiugîte.” Nwatî Beliteshazaru nîwamûcokerie atîrî, “Mwathi wakwa, kîroto gîkî na ûrîa kiugîte kîroethîrwa kîgiî arîa makûmenete na nthû ciaku.

Danieli 4:2

Nîmonete arî ûndû mwaro nîmûmenyithie ciama na morirû marîa Ngai ûrîa ûrî îgûrû ambîkîrîte.

Danieli 4:32

We nîûkengatwa ume kûrî andû, ûthiî mûgatûûrage na nyamû cia kîthaka. Ûkaarîcaga nyaki ta ndegwa îvinda rîa mîaka mûgwanja. Vîndî îo nîûkaamenya, atî Ngai Ûrîa ûrî Îgûrû Mûno nîke ûrî vinya îgûrû rîa mothamaki monthe ma nthî na nîavecaga mûndû wa ûrîa akwenda ûthamaki.”

Danieli 4:34

Mîaka mûgwanja yathira, nie mûthamaki Nebukadinezarû nînaroririe îgûrû kûrî Ngai na ngîcokerwa nî ûgima wa meciria na ngîambîrîria kûgooca Ngai ûrîa wî îgûrû mûno; nînaamûkumirie na ngîmûva gîtîîo na riiri, ûcio ûtûûraga tene na tene nîûndû: Nîatûûra athanaga tene na tene naguo wathani wake ûgaakinyagîra njiarwa na njiarwa.

Danieli 5:21

Nîwarutirwe gatagatîrî ka andû namo meciria make nîmaagarûrûkire magîtuîka ta ma nyamû. Ke aatûûranagia na nyûmbû, aarîcaga nyaki ta ndegwa, na aararaga nja akîrivagwa nî îme, nginya rîrîa atî Ngai Ûrîa ûrî Îgûrû mûno nîke wathaga mothamaki ma andû na nîke ûthuuraga ûrîa akwenda athanage mothamakirî mau.

Danieli 6:22

Ngai wakwa nîatûmire mûraika avinge mînyambû tûnyua nîguo ndîkanjûkangie. Ekire ûguo nîûndû ndianamûvîtîria kana ngûvîtîria we mûthamaki wetû.”

Ciîko 26:13

Na thaa thita cia mûthenya nîrî njîrarî nthiîte kuo, mûthamaki mûgathe, nînoonire ûtheri kuuma îgûrû. Ûtheri ûcio warî mûnene gûkîra wa riûa na nîwamûrîkire na mîena yonthe wa vamwe na andû arîa nathiîcanîtie nao.

Ciîko 26:19

“Kwoguo mûthamaki Angiripa, ndingîaregire kwathîkîra kîoneki kîu nagîte nakîo kiumîte îgûrû.

Ciîko 7:48

“Nwatî Ngai Ûrîa Ûrî Îgûrû Makîria ndatûûraga nyombarî irîa itumîtwe nî andû. Mwathani arauga na njîra ya mûrathi atîrî:

Gûco 32:8

Rîrîa Ngai ûrîa Ûrî Îgûrû Mûno aagaîre mavûrûri îgai rîao, rîrîa agaanagia andû nîwavere mavûrûri kûndû gwa gûtûûra, wa vûrûri kûringana na mûraika wa guo.