Danieli 5:17 - ÎVUKU RÎA ÛVORO MWARO

¹⁷ Danieli nîwacokerie mûthamaki Belishazaru atîrî, “Nwa wîkare na iveo ciaku mûthamaki kana ûve mûndû wîngî. Kûnarî ûguo Mûthamaki, nîngûkûthomera mandîko mama na ngûtaûrîre mo.

Danieli 5:17 ပူးပေါင်းရင်းမြစ်များ

Kîam 14:23

atî, gûtirî kîndû wa naarî kîmwe gîaku ngaatigwa nakîo wana nginya rûrigi rwa nguo kana rûrigi rwa kîratû nîguo ndûkauge atî, ‘Nînie naatûmire Aburamu atonge.’

2Atha 3:13

Elisha nîwerire mûthamaki wa Isiraeli atîrî, “Nîngûtethia nîkî? Thiî kûrî arathi a aguo na nyûkwe.” Nwatî mûthamaki wa Isiraeli nîwacokerie Elisha atîrî, “Naarî! Nî Ngai-Mûnene ûtwîtîte vamwe tûrî athamaki athatû nîguo atûnenganîre kûrî mûthamaki wa Moabu.”

2Atha 5:16

Nwatî Elisha nîwaugire atîrî, “Nevîta na Ngai-Mûnene ûrîa ûtûûraga mwoyo, ûrîa ndungatagîra, atî tînyamûkîra kîveo wanarî kîmwe.” Naamani nîwaringîrîrie Elisha amûkîre kîveo, nwatî Elisha nîwaregire.

2Atha 5:26

Nwatî Elisha nîwerire Gehazi atîrî, “Kinthî tûtirarî nawe kîîroho rîrîa mûndûmûrûme aumire gîkaarirî gîake Kîam mbaara na agûtûnga? Kau nîko kararî kavinda ga kwamûkîra mbeca, nguo, mîgûnda ya mîtamaiyû îrîa îciaraga matunda na ya mîthavibu, ng'ondu na ndegwa wana kana ndungata cia aka na cia arûme?

Thaburi 119:46

Nîngaanîrîra maathani maku kûrî athamaki, na ndigaaconoka.

Danieli 2:6

Nwatî ethîrwa nî mûkûmbîra kîroto kîu na mûndaûrîre kîo, nîngaamûva iveo mbaro, na nîmûve gîtîîo kînene. Rîu ta mbîrani kîroto kîu na mûndaûrîre kîo.”

Danieli 5:29

Na wa rîmwe Belishazaru nîwathanire Danieli ekîrwe nguo ya ûthamaki ya rangi wa njambarawe, na ekîrwe mûkathî wa thaavu ngingo. Nîwacokire akîanîrîra, atî Danieli nîke mûtongoria wa kathatû ngathîrî ya wathani.

Ciîko 8:20

Nwatî Petero nîwamwîrire atîrî, “We wana mbeca icio ciaku mûroûra nîûndû we nîwîciragia atî nwa ûvote kûgûra kîveo Kîam Ngai na mbeca!