Danieli 5:13 - ÎVUKU RÎA ÛVORO MWARO

¹³ Kwoguo Danieli nîwavirirwe kûrî mûthamaki. Nake Mûthamaki nîwamûririe atîrî, “Nîwe Danieli ûmwe wa andû arîa maathamirue kuuma Juda, na ûkîretwe gûkû nî vava mûthamaki?

Danieli 5:13 ပူးပေါင်းရင်းမြစ်များ

Ezira 10:16

Andû arîa maacokete kuuma îthamîriorî nîmeetîkanirie na mûvango ûcio. Ezira mûthînjîri-Ngai nîwathuurire arûme arîa maarî atongoria a nyomba cia methe mao kûringana na nyomba ciao na wa mûndû akîandîkwa rîîtwa rîake. Mûthenya wa mbere wa mweri wa îkûmi nîmeekarire nthî na nîmaambîrîrie gûtuîria maûndû.

Ezira 10:7

Nayo ndûmîrîri nîyatûmanirwe Juda na Jerusalemu kuonthe atî andû arîa maacokire kuuma îthamîriorî nîmagaacemania Jerusalemu.

Ezira 4:1

Nthû cia andû a Juda na Benjamini nîcieguire atî andû arîa maacokire kuuma îthamîriorî nîmaratuma hekarû ya Ngai-Mûnene, Ngai wa Isiraeli rîngî.

Ezira 6:16

Nao andû a Isiraeli, athînjîri-Ngai, Alawi na andû onthe arîa maacokire kuuma îthamîriorî nîmaakûngûîre kwamûrwa gwa hekarû ya Ngai marî na gîkeno.

Danieli 1:1

Mwaka wa kathatû Jehoiakimu arî Mûthamaki wa Juda, Nebukadinezarû, Mûthamaki wa Babuloni nîwatharîkîre îtûûrarî rîa Jerusalemu na akîrîthiûrûrûkîria.

Danieli 1:2

Nake Mwathani nîwarekererie Jehoiakimu anyitwe nî Nebukadinezarû. Nebukadinezarû nîwocire indo imwe irîa ciarî hekarûrî ya Ngai. Mûthamaki Nebukadinezarû nîwacokire Babuloni vamwe na mîgwate na nîwaigire indo icio hekarûrî ya ngai ciake.

Danieli 1:21

Danieli aatungatire kwa mûthamaki mûciî nginya mwaka wa mbere Cairasi atuîka mûthamaki.

Danieli 1:6

Gatagatîrî ka anake onthe arîa maathuurirwe kwarî na Danieli, Hanania, Mishaeli na Azaria kuuma mûvîrîgarî wa Juda.

Danieli 2:25

Wa rîmwe Arioki nîwocire Danieli na akîmûvira kûrî Mûthamaki Nebukadinezarû. Nîwerire Mûthamaki atîrî, “Nie nîmonete ûmwe wa Ayahudi arîa maatavirwe Juda ûngîvota gûgûtaûrîra kîroto gîaku.”

Danieli 2:48

Mûthamaki nîwacokire agîtua Danieli mûnene na akîmûva iveo nyîngî, na akîmûtua mûndû wa kwatha vûrûri wonthe wa Babuloni wana akîmûtua mûrûngamîrîri wa andû onthe arîa maataaraga mûthamaki.

Danieli 5:11

Gûkû vûrûrirî ûyû wathanaga kûrî na mûndû ûrî na Roho wa ngai irîa ntheru. Kuuma vîndî îrîa aguo aarî mûthamaki, mûndûmûrûme ûyû nîwonanirie wara, ûtaûku na ûûgî mwîngî ta wa ngai. Aguo, mûthamaki Nebukadinezarû nîwamûtwire mûtongoria wa aragûri, arogi, aringi ciama na andû maarî na ûûgî wa njata.

Danieli 5:14

Nîmbîguîte atî roho wa ngai irîa ntheru arî ndaarî yaku, na atî ûrî na wara, ûmenyo na ûûgî.

Danieli 5:18

We mûthamaki, Ngai ûrîa ûrî Îgûrû Mûno nîwatwire aguo, Nebukadinezarû mûthamaki mûnene, ûrî na riiri na gîtîîo.

Danieli 5:2

Wa akînyunyaga ndivei, nîwathanire avirîrwe ikombe na mbakûri cia thaavu na cia sîlûva irîa îthe Nebukadinezarû aarutîte Jerusalemu hekarûrî ya Ngai-Mûnene. Mûthamaki etirie indo icio nîguo ke, aka ake, aka ake a kwigwa manyue ndivei nacio.

Danieli 6:13

Nîmaacokire makîra mûthamaki atîrî, “Danieli, ûmwe wa andû arîa maathamîrîtue gûkû kuuma Juda, ndagûtîîaga we mûthamaki wetû, kana athîkîra watho ûrîa wavecanire na ûgîkîra kîrore. Ke avoyaga maita mathatû wa mûthenya.”

Danieli 8:1

“Mwaka wa kathatû Belishazaru arî mûthamaki, nie Danieli nînoonire kîoneki kîngî, gîekariî wata kîrîa Kîam mbere.

Danieli 8:27

“Nie Danieli nînathirirwe nî vinya ngoro na ngîrwara mîthenya mîngî. Nînaacokire ngîvora na ngîcoka wîrarî ûrîa naveetwe nî Mûthamaki. Nînamakire mûno nîûndû wa kîoneki kîu na ndiavota gûtaûkîrwa nî kîo.

Johana 7:1

Vuva wa ûguo, Jesû nîwathiîre Galili. Ke ndeendaga kûthiî Judea nîûndû Ayahudi arîa maarî kuo nîmeendaga kûmûraga.

Johana 7:3

Kwoguo arîa maaciaranîrîtue na Jesû nîmaamwîrire atîrî, “Uma gûkû na ûthiî Judea nîguo arûmîrîri aku makoone maûndû marîa ûreka.