Danieli 4:29 - ÎVUKU RÎA ÛVORO MWARO

²⁹ Mûthiia wa mweri wa îkûmi na îîrî, rîrîa Nebukadinezarû ethîrîtwe agîceracera îgûrû rîa nyomba yake ya ûthamaki,

Danieli 4:29 ပူးပေါင်းရင်းမြစ်များ

Kîam 6:3

Nake Ngai-Mûnene nîwaugire atîrî, “Vinya wakwa wa kûvotithia mûndû gûtûûra tî wîkara ndaarî ya mûndû tene na tene; nîûndû mûndû nî kîûmbe gîa gûkua. Kuuma rîu gûtirî mûndû ûgatûûraga makîria ya mîaka îgana rîa mîrongo îrî (120).”

Mûvunjia 8:11

Ngoro cia andû ciîthagîrwa ciîvarîrîtie gwîka maûndû marîa macûku nîûndû îverithia rîa ûndû mûcûku rîtiîkagwa na îvenya.

Danieli 4:14

Nake nîwanîrîre na mûgambo mûnene atîrî, “Tema mûtî ûcio na ûvarie nvûa ciaguo. Ûrivarive mathangû na ûnyagie matunda ma guo. Îngata nyamû cionthe irîa irî rungu rwa guo na iconi cionthe irîa itumîte ciomba mvûarî ciaguo.

Danieli 4:22

nîwe mûthamaki. Nîwe ûgîte na vinya nyîngî na ûvoti wa maûndû ma na îgûrû, na wathani waku wîcûrîte nthî yonthe.

Danieli 4:30

nîwaugire atîrî, “Ta roria îtûûra rîîrî rînene ûguo rîa Babuloni! Nînie nîrîtumîte nîguo monanie vinya, ûvoti riiri na wathani wakwa.”

1Pet 3:20

Maaroho mau nî ma andû arîa maaregire kwathîkîra Ngai vîndî îrîa eetererete akirîrîrîtie Nuhu atume thavina. Nî andû anana tu arîa maarî thavinarî maavonokirue na njîra ya manjî.

2Pet 3:15

Tucagani gûkirîrîria kwa Mwathani wetû ta kamweke aramûva nîguo mûvonoke. Mûrû wa îthe wetû mwende Paûlo nîwamwîrire wa guo vîndî îrîa aamwandîkîre maarûa kûringana na ûûgî ûrîa Ngai aamûveete.

Kûguû 2:21

Nie nînîmûvete kavinda ga kwîrira, nwatî ke ndendaga gûtiga ciîko ciake cia ûmaraa.