Danieli 4:27 - ÎVUKU RÎA ÛVORO MWARO

²⁷ Kwoguo Mûthamaki wetû, nakûthaitha wîtîkîre mataaro makwa. Tiga kwîvia na gwîka maûndû ma waganu, na wambîrîrie gwîka maûndû ma ûthingu na kwîguîra andû arîa athîni ntha. Weka ûguo, wavota kwongererwa mavinda ma gûtûûra wîganîrîte.”

Danieli 4:27 ပူးပေါင်းရင်းမြစ်များ

Kîam 11:4

Nîmaacokire makîrana atîrî, “Tigani tûtume îtûûra rîrî na nyomba ndaca îrîa gacûmbîrî ka yo gakaavutia matu nîguo tûgîe îgweta, na tûtikanyagarûke nthî yonthe.”

1Atha 21:29

“Nîwonete ûrîa Ahabu enyivîtie mbere yakwa? Nîûndû nîekîte ûguo, ndikaamûretere ûndû mûcûku ûtûûrorî wake; nwatî ngaarete ûndû mûcûku nyombarî yake vîndî ya ûtûûro wa mûvîcî.”

Thaburi 119:46

Nîngaanîrîra maathani maku kûrî athamaki, na ndigaaconoka.

Nthi 11:2

Mwîtîîo nîûnyararithagia mûndû, nwatî mûndû mwînyivia nîagîcaga ûûgî.

Nthi 16:6

Gûtuîka mwathîki na mwîvokeku nîgûtûmaga Ngai overe mûndû mevia. Gwîtigîra Ngai-Mûnene nî kûgiragia mûndû eke maûndû macûku.

Nthi 28:13

Mûndû ûrîa ûthithaga mevia make ndangîgîa na mûtûûrîre mwaro, nwatî mûndû ûrîa umbûraga na agatiga mevia make nîakeguîrwa ntha nî Ngai.

Isaia 10:13

Nîûndû ke etîîaga akiugaga atîrî, “Mbîkîte ûndû ûyû nie mwene, wana ngameka na ûûgî wakwa nîûndû nîrî na ûmenyo. Nî nthengutîtie mîvaka ya mavûrûri, na ngamacuuna ûtonga wao; nîngwîthîtie athamaki ao ta matharîkîrîtwe nî ndegwa.

Isaia 47:10

“Ûtûûraga wîvokete waganu waku; weîraga atî gûtirî mûndû ûrakwona. Ûûgî waku na ûmenyo waku nîguo wakûvîtithirie, na weîraga na ngoro yaku atî: ‘Nie nînie tu na gûtirî wîngî tiga nie.’

Isaia 47:8

“Kwoguo rîu thikîrîria we wendete gwîkenia, we wîkaraga ûtagûtangîka ûkîîraga na ngoro atî, ‘Nwanie tu na gûtirî wîngî tiga nie; ndigeekara ta mûndûmûka wa ndigwa, kana mbîgua ruuo rwa gûkuîrwa nî ciana.’

Jeremia 29:7

Caragiani thayû wa îtûûra rîrîa natûmire mûthamîrue na mûvoyage Ngai-Mûnene nîûndû warîo, nîûndû maûndû mao nîmagûtuîka maro.

Jeremia 38:20

Jeremia nîwacokirie atîrî, “Ndûkanenganîrwa kûrî o. Athîkîra mûgambo wa Ngai-Mûnene, wata ûrîa nîrakwîra, na maûndû maku nîmagûtuîka maro na ûvonokie mwoyo waku.

Ezek 18:7

ethîrwa ndavinyagîrîria mûndû wana ûrîkû, nîacokagia kîndû kîrîa eranîrîte kûrî mûndû ûrîa marî thirî nake, wana ndacuunaga andû indo ciao, nwatî nîavecaga arîa avûtu irio na arîa matarî na nguo akamava cia gwîkîra.

Ezek 29:3

Mwîre nie Ngai-Mûnene Ngai mbugîte atîrî: Nîngûrûa nawe mûthamaki wa Misiri we ndamathia îrîa îmamaga rûnjîrî rwa Nilo. Ugaga atî rûnjî rûu nî rwaku na nîwe watûmire rûgîe.

Ezek 29:9

Vûrûri wa Misiri ûgaatuîka werû ûtarî kîndû, na nîmakaamenya atî nie nînie Ngai-Mûnene. “Waugire atî Rûnjî rwa Nilo nî rwaku na nîwe warûmbire,

Joeli 2:14

Nwa kwîthîrwa Ngai-Mûnene Ngai wenyu nîakwîricûkwa, na amûve irathimo cia irio nyîngî, mûcoke mûmûrutîre matega ma irio cia mûgûnda na ndivei.

Amosi 6:13

Mwîtîîaga nîûndû wa kûnyita îtûûra rîa Lodebari, mugaga atî, “Na vinya wetû nîtwînyitîrîte îtûûra rîa Karinaimu.”

Jona 3:9

Ngai avota kwîricûkwa na atige kûrakara, na kwoguo tîtûkua!”

Habakuku 1:11

Nîmacokaga makathiî na mbere ta rûkûngi, nîmekaga mavîtia na vinya wao nîguo ûtuîkîte ngai yao.”

Zefania 2:15

Ûguo nîguo gûgekîka kûrî îtûûra rînene rîrîa rîîtîaga nîûndû wa vinya warîo na rîgeciria atî nîrîgitîre. Îtûûra rîu rîciragia atî nîrîo rînene mûno nthî îno. Rîgaatuîka îganjo, varîa nyamû cia kîthaka ikaavurûkaga! Mûndû wa wonthe ûkaavîtûkîrîra vo nîakaavavûka na etigîre.

Mathaayo 3:8

Îkani maûndû ma kwonania atî nîmwîrirîte mevia menyu.

Luka 11:41

Vandû va gwîka ûguo, vecagani athîni ûtethio na indo cionthe cienyu nî igûtuîka ntheru.

Ciîko 24:25

Nwatî vîndî îrîa Paûlo aathiîcaga na mbere kwaria ûvoro wîgiî ûthingu, ûvoti wa kwatha merirîria ma mwîrî na mavinda marîa Mûthenya wa îtuîro ûgaakinya, Feliki nîwanyitirwe nî guoya na akiuga atîrî, “We nwa ûthiî rîu. Nagîa na kanya nîngaagwîta rîngî.”

Ciîko 26:20

Nînaambîrîrie kûvunjîria andû ngîmeeraga atî nwanginya merire mevia mao, macokerere Ngai na meke ciîko cia kwonania atî na ma nîmerirîte. Nie naambire kûvunjia ûvoro ûyû Damesiki, ngîcoka ngîûvunjia Jerusalemu na vûrûrirî wonthe wa Judea na nginya kûrî andû a ndûrîrî.

Ciîko 8:22

Kwoguo îrire nîûndû wa waganu ûcio waku na ûvoe Mwathani akwovere nîûndû wa kûgîa na rîciria ta rîu.

2Akor 5:11

Tue nîtwîcî gwîtigîra Mwathani, kwoguo nîtûgeragia kûringîrîria andû arîa engî. Ngai nîatwicî viû, nanie ngwîvoka atî ngororî cienyu wananie nîmûmbîcî.

Agal 5:13

Ariû na aarî a îthe wetû, mwetirwe nîguo mwîyathe. Nwatî mûtikanareke wîyathi ûcio wenyu ûtûme mûtongorue nî merirîria ma mwîrî. Vandû va ûguo tigani wendani ûtûme mûtungatanagîre mue ene.

Agal 5:22

Nwatî Roho ûciaraga wendani, gîkeno, thayû, gûkirîrîria, gwîkana waro, gûtugana, kwîvokeka,

Agal 5:6

Nîûndû rîrîa tûrî ûrûmwe na Jesû Kristû, ûndû ûrîa ûrî vata tî kûrua kana kûrega kûrua, nwatî nî wîtîkio ûrîa ûrutaga wîra na njîra ya wendani.

Aefeso 4:28

Mûndû wa wonthe wîaga nîatigane na wîi na ambîrîrie kûruta wîra nîguo ethûkûmagîre na njîra îno mbagîrîru kîrîa avatarîte ûtûûrorî na avotage gûtethia athîni.

Gûco 24:13

Mûcokagîrie kîndû kîu kîvwaî wa kîu nîguo akîmama agagûcokeria ngatho, nake Ngai-Mûnene, Ngai waku agakenagua nîwe.

Gûco 32:27

Nwatî ndingîetîkîrie nthû ciao ciîtîîe, ikiugaga atî nîciavootire andû akwa, wa rîrîa arî nie mwene naamaverithirie.’

Gûco 8:17

Kwoguo îîmenyerereni mûtigecirie atî mûtongete nîûndû wa ûvoti kana vinya wenyu.

1Pet 4:8

Îgûrû rîa maûndû monthe endaga mûndû ûrîa wîngî na ngoro yaku yonthe, nîûndû wendani nîûkunîkagîra mevia mengî.