Danieli 4:18 - ÎVUKU RÎA ÛVORO MWARO

¹⁸ Gîkî nîkîo kîroto gîakwa, nie Mûthamaki Nebukadinezarû. Rîu, we Beliteshazaru, ndaûrîra kîroto gîkî, nîûndû arûme onthe arîa marî na ûûgî ûthamakirî wakwa nîmaaremirwe nî kûndaûrîra kîo, nwatî we nîûkûvota nîûndû roho wa ngai irîa ntheru arî vamwe nawe.

Danieli 4:18 ပူးပေါင်းရင်းမြစ်များ

Kîam 40:12

Josefu nîwamwîrire atîrî, “Kîroto kîu kîrauga û: Mvûa icio ithatû nî mîthenya îthatû.

Kîam 41:15

Nake mûthamaki nîwerire Josefu atîrî, “Nînîrarotire kîroto na gûtirî mûndû ûngîvota gûgîtaûra. Nîmbîguîte ûvoro waku atî ûkerwa kîroto nwa ûgîtaûre.”

Kîam 41:8

Kîraûko, mûthamaki aarî mûtangîku mûno ngororî yake. Kwoguo nîwatûmanîre aringi ciama onthe na andû onthe aûgî a vûrûri wa Misiri. Mûthamaki nîwamerire iroto irîa aarotete, nwatî gûtirî mûndû wavotire gûitaûra.

Isaia 19:3

Nîngaathiria ûrûme wa andû a Misiri, na njûkangie mîvango yao. Nîmakaaûria ûtaaro kûrî mîvuanano na aringi ciama, na kûrî ago na arogi.

Danieli 1:20

Maûndûrî monthe megiî ûûgî na ûtaûki marîa mûthamaki angîendire kûmenya kuumana nao, nîwonire marî aro maita meengî mûno gûkîra aragûri kana aringi mbûgû, arîa maarî kûrîa kuonthe aathanaga.

Danieli 2:38

Nîagûtuîte Mwathi wa andû onthe arîa matûûraga gûkû nthî, nyamû cia kîthaka, na iconi cia rîerarî. We nîwe kîongo kîu Kîam thaavu.

Danieli 2:7

Nao nîmaacokerie mûthamaki rîngî atîrî, “Mûthamaki, twîre kîroto kîu, natue ndungata ciaku nîtûgûgûtaûrîra.”

Danieli 5:15

Andû arîa marî na ûûgî, arogi nîmaretirwe gûkû nîguo mathome na mandaûrîre mandîko mama menye ûrîa marauga, nwatî nîmaremirwe nî gûtaûra.

Danieli 5:8

Nao arûme onthe arîa maataraga mûthamaki nîmaatonyire, nwatî matiavota kûthoma rûthingo kana gûtaûra mandîko mau maarî rûthingorî.

Amosi 3:7

Nama gûtirî ûndû Ngai-Mûnene Mwene Vinya wonthe ekaga, ataûguûrîrîtie arathi ndungata ciake.