Danieli 3:21 - ÎVUKU RÎA ÛVORO MWARO

²¹ Kwoguo nîmaamovire marî na sati, mîvuto, ngovia na makîmaikia mwakirî ûcio.

Danieli 3:21 ပူးပေါင်းရင်းမြစ်များ

Kîam 39:20

na akîathana Josefu anyitwe na aikue njera kûrîa andû arîa ove a mûnene maaigagwa, na agîkara kuo.

Jeremia 29:22

Na nîûndû wa maûndû mau makamanyita, andû onthe arîa maathamîrue Babuloni kuuma Jerusalemu nîmakaagwetaga ciugo ino rîrîa makûrumana: Ngai-Mûnene aromwîka ta ûrîa ekire Zedekia na Ahabu, arîa mûthamaki wa Babulonia avîvirie na mwaki.

Danieli 3:20

Nîwathire athigari ake a mbaara arîa maarî na vinya move Shadiraka, Mîsheki na Abendinego na mîkanda, na maikue mwakirî ûcio.

Danieli 3:27

Nao athani, anene, arîa marî rungu rwa anene, na atongoria arîa engî a mûthamaki nîmacemanirie kwîyonera arûme acio athatû arîa mwaki waremirwe nî kûmavîvia. Njuîrî na nguo ciao itiavutua nî mwaki, na matianunga ndogo.

Danieli 3:6

Mûndû wa wonthe ûtakawînamîrîra aûvoe, nîakaanyitwa wa rîmwe akînaikua mwakirî mûnene mûno.”

Mathaayo 13:42

Araika acio nîmagaacoka maikie andû acio îcuarî rîa mwaki, kûrîa andû makaarîra na marîe magego.