Danieli 3:19 - ÎVUKU RÎA ÛVORO MWARO

¹⁹ Nebukadinezarû nîwatûmbirwe nî marakara na agîtunîvia metho nîûndû wa Shadiraka, Mîsheki na Abendinego. Nîwathanire mwaki wongererwe na wakane maita mûgwanja makîria ya ûrîa wakanaga.

Danieli 3:19 ပူးပေါင်းရင်းမြစ်များ

Kîam 31:2

Wana nîwonire atî Labani ndamwendete ta ûrîa aamwendete mbere.

Esita 3:5

Hamani nîwarakarire mûno rîrîa eguire atî Moridekai nîwaregire kûmûturîria maru.

Esita 7:7

Mûthamaki nîwaûkîrire akiuma kîrugorî kîu arî na marakara mûno na akîthiî na kûu mûgûndarî wa nyomba îo ya mûthamaki. Hamani nîwonire atî mûthamaki aarî mwîvarîriu kûmûverithia kwoguo nîwatigirwe akîthaithaga kwini Esita nîguo ndakaûragwe.

Thaburi 76:10

Andû arîa arakaru nîmagûkumagia makîria; arîa mataakuîra mbaararî nîmagaakûngûîra irugo ciaku.

Nthi 16:14

Marakara ma mûthamaki nwa matûme mûndû akue, na mûndû mûûgî nîageragia kûmathiria.

Nthi 21:24

Ndûrîka nî mûndû ûrîa mwîtîi na mwîyambi, ekaga maûndû na mwîtîîo.

Isaia 51:23

Nîngaacoka nengere gîkombe kîu andû arîa makûnyariraga, arîa maakwîrire atî, ‘Mama nthî nîguo tûvîtûkîrîre îgûrû rîaku;’ arîa maatwire mûkurukuthu waku ta nthî, na magîûtua ta njîra na makavîtûkagîrîra îgûrû.”

Danieli 2:12

Nake Mûthamaki egua ûguo nîwarakarire mûno na akîathana atî andû onthe arîa maarî aûgî kûu Babuloni maûragwe.

Danieli 3:13

Vîndî wa îo, Nebukadinezarû arî na marakara meengî mûno nîwathanire Shadiraka, Mîsheki na Abendinego mavirwe kûrî ke. Nao nîmaavirirwe kûrî mûthamaki.

Danieli 3:20

Nîwathire athigari ake a mbaara arîa maarî na vinya move Shadiraka, Mîsheki na Abendinego na mîkanda, na maikue mwakirî ûcio.

Danieli 5:6

Mûthamaki nîwatukirie kîthithi, akîvavûka, akinaina na akîthirwa nî vinya.

Danieli 6:24

Mûthamaki nîwacokire akîathana atî andû acio onthe maacukîte Danieli na magîtûma aikue îrimarî rîa mînyambû, maikue îrimarî rîu vamwe na aka ao na ciana ciao. Nao onthe nîmaakîrirue vinya nî mînyambû na makiunangwa mavîndî wana mbere ya makinya gîtina Kîam îrima rîu.

Alawi 26:18

“Ethîrwa wana neka maûndû mau monthe mûtikaavingia Maathani makwa, nî ngaamûverithia makîria nîûndû wa mevia menyu.

Alawi 26:21

“Ethîrwa nî mûkaathiî na mbere kûregana nanie na mûrege kûmbathîkîra nî ngaamûverithia maita mûgwanja makîria ya mevia menyu.

Alawi 26:24

Nie mwene nî ngaaregana namue na nîmûverithie maita mûgwanja nîûndû wa mevia menyu.

Alawi 26:28

nîngaaregana namue nîrî na marakara, na nîmûverithie maita mûgwanja nîûndû wa mevia menyu.

Ciîko 5:33

Rîrîa akîama acio meegwire ûguo, nîmaarakarire mûno na makîenda kûûraga atûmwa.

Ciîko 7:54

Rîrîa athuuri a Kîama meegwire Stefano akîaria maûndû mau, nîmaarûmithanirie magego nî kûrakara.