Danieli 3:18 - ÎVUKU RÎA ÛVORO MWARO

¹⁸ Nwatî wana arega gûtûvonokia, Mwathi wetû tue tûtikenamîrîra tûgooce ngai ciaku, kana mûvuanano ûcio wa thaavu warûthithirie.”

Danieli 3:18 ပူးပေါင်းရင်းမြစ်များ

1Atha 19:14

Nake Elija nîwacokirie atîrî, “Ngai-Mûnene, mwene vinya wonthe, ndwîre ngûtungatagîra wa we wenga. Nwatî andû a Isiraeli nîmareganîte na kîrîkanîro gîaku. Nîmomorete metha ciaku cia magongoona, na makaûraga arathi aku onthe na rûviû. Nînie nienga tu ndigarîte, na nîkwa marenda kûmbûraga.”

1Atha 19:18

Kûnarî ûguo, nîndigarîtie andû ngiri mûgwanja (7,000) marî mwoyo kûu Isiraeli. Andû acio nî arîa onthe maambathîkagîra na mataanenamîrîria mothiû mao kûrî Baali kana mamumunya mûvuanano wake.”

Ayubu 13:15

Enda kûmbûraga nîambûrage, ndirî na mwîrîgîrîro wîngî. Kûnarî ûguo, ngeyarîrîria varî ke.

Nthi 28:1

Mûndû mwaganu aûraga wana atarî mûvinyûrie nî mûndû, nwatî ûrîa mûthingu ethagîrwa aûmîrîrîtie ta mûnyambû.

Danieli 3:28

Nebukadinezarû nîwaugire atîrî, “Ngai wa Shadiraka Mîsheki na Abedinego arokumua! Ke nîatûme mûraika wake nîguo avonokie arûme aya arîa mamûtungatagîra nama mamwîvokete. Nîmaaregire kwathîkîra watho wakwa na makiuga atî, nîkava gûkua îthenya rîa kwînamîrîra nthî, nîguo mavoe ngai îngî tiga Ngai wao.

Alawi 19:4

“Mûtikandiganîrie na mûgooce mîvuanano, kana mwîrûthîre ngai cia gûtwekua na mwaki. Nie nînie Ngai-Mûnene, Ngai wenyu.

Mathaayo 10:28

Mûtigetigîre andû arîa maûragaga mwîrî, nwatî matingîûraga mwoyo. Vandû va ûguo îtigîreni Ngai ûrîa ûngikia mwîrî wana mwoyo îcuarî na agaicûkangia.

Mathaayo 10:39

Mûndû ûrîa ûgeragia kûvonokia mwoyo wake nîagaaûta, nwatî mûndû ûrîa ûtecaga mwoyo wake nîûndû wakwa, nîakaaûvonokia.

Mathaayo 16:2

Nwatî Jesû nîwamacokerie atîrî, “Vîndî îrîa îgûrû gwî gûtune riûa rîkîthûa mugaga atî, ‘Mûthenya nîûkethîrwa wî mwaro.’

Ciîko 4:19

Nwatî Petero na Johana nîmaamacokerie atîrî, “Mue ene tuani ûndû ûrîa mwagîrîru methorî ma Ngai. Tuani kana nîmue tûkwathîkîra kana nîtwathîkîra Ngai.

Ahib 11:25

Aatuire nî kava gwîkwa maûndû macûku marî vamwe na andû a Ngai gûkîra gûkenera mevia kavinda kanini.

Josh 24:15

Ethîrwa mûtikwenda gûtungatîra Ngai-Mûnene, thuurani ûmûnthî ûrîa mûgatungatagîra. Thuurani kana nîkwa mûgatungatagîra ngai irîa methe menyu ma tene maatungataga marî Mesopotamia kana ngai cia Amori. Nwatî nie na andû a nyomba yakwa tûgaatungatagîra Ngai-Mûnene.”

Kûguû 12:11

Ariû na aarî a îthe wetû nî maavootire Ngoma na nthakame ya Gatûrûme na njîra ya ndûmîrîri îrîa maavunjirie. O matietigagîra gûkua, nîmeevarîrîtie kûvecana mîoyo yao.