Danieli 2:28 - ÎVUKU RÎA ÛVORO MWARO

²⁸ Nwatî îgûrû, kûrî Ngai ûrîa ûguûragia maûndû marîa marî nthithorî, na nîaguûrîrîtie Mûthamaki Nebukadinezarû ûrîa gûkethîrwa gwîkariî vuvarî. Kîroto na cioneki irîa warî nacio rîrîa wamamiî nî îno:

Danieli 2:28 ပူးပေါင်းရင်းမြစ်များ

Kîam 40:8

Nao nîmaamwîrire atîrî, “Tûrarotire na tûtirî na mûndû wa gûtûtaûrîra iroto icio cietû.” Josefu nîwamerire atîrî, “Ngai tîke ûvecanaga ûvoti wa gûtaûra iroto. Namûthaitha mûmbîre iroto cienyu.”

Kîam 41:16

Nake Josefu nîwacokerie mûthamaki wa Misiri atîrî, “Nie ndingîvota gûtaûra, nwatî Ngai nîagûkûva ûtaûri mwagîrîru.”

Kîam 41:25

Josefu nîwerire mûthamaki atîrî, “Iroto icio cioîrî irauga ûndû ûmwe. Ngai nîakûguûrîrîtie ûrîa agerie gwîka.

Kîam 49:1

Jakovu nîwetire anake ake na akîmera atîrî, “Tacokanîrîrani vamwe nîmwîre maûndû marîa mageekîka kûrî mue vuvarî.

Thaburi 115:3

Ngai wetû arî îgûrû; na ekaga ûrîa onaga kwagîrîrîte.

Isaia 2:2

Mavinda nî magaakinya rîrîa kîrîma kîrîa hekarû ya Ngai-Mûnene îtumîtwe, gîgaatuwa kîrîma kîraca gûkîra irîma cionthe, na gîtûgîrue gûkîra tûrîma tuonthe. Mavûrûri monthe nîmakaathiî kuo.

Jeremia 10:7

Nû ûtangîgwîtigîra we mûthamaki wa mavûrûri? We nîwagîrîrwe nî gûtîewa, nîûndû gatagatîrî ka andû arîa aûgî onthe a mavûrûri, na gatagatî ka athamaki ao onthe, gûtirî wîkariî tawe.

Jeremia 30:24

Ngai-Mûnene ndagaacokithia marakara make, nginya rîrîa akavingia ûrîa avangîte gwîka. Vuvarî nîmûgaataûkîrwa nî maûndû mau.

Jeremia 48:47

Nwatî vuvarî nîngacokeria Moabu mûnyaka wake. Ûguo nîguo Ngai-Mûnene arauga.” Rîu nîrîo îtuîro rîa vûrûri wa Moabu.

Ezek 28:3

Nîma wîtucaga atî ûrî mûûgî gûkîra Danieli na gûtirî ûndû wa nthitho ûtaicî.

Ezek 38:16

Nîûkaatharîkîra andû akwa a Isiraeli ta ûrîa îtu rîkunîkagîra vûrûri. Vîndî îo nîngaakûrete ûtharîkîre vûrûri wakwa nîguo mavûrûri mamenye atî nîngûvûthîrîte we Gogu nîguo monanie ûtheru wakwa mbere yao.

Ezek 38:8

Vuva wa mîaka mîîngî nîûgetwa ûthiî ûkatharîkîre vûrûri kûrîa andû maaretirwe vamwe kuuma mavûrûrirî mengî na matûûraga matarî na guoya wa mbaara. Nîûkaatharîkîra irîma cia Isiraeli irîa mbererî ciarî werû na maganjo vandû va kavinda karaca, nwatî rîu andû onthe matûûraga marî agitîre.

Danieli 1:20

Maûndûrî monthe megiî ûûgî na ûtaûki marîa mûthamaki angîendire kûmenya kuumana nao, nîwonire marî aro maita meengî mûno gûkîra aragûri kana aringi mbûgû, arîa maarî kûrîa kuonthe aathanaga.

Danieli 10:14

Nie naûka gûgûtethia gûtaûkîrwa nî maûndû marîa mageekîka kûrî andû aku mavinda marîa magaaûka. Nîûndû kîoneki gîkî nîkîa mavinda marîa magaaûka.”

Danieli 2:18

Nîwamerire mavoe Ngai wa îgûrû nîguo ameguîre ntha na amaguûrîrie nthitho îo nîguo matikaûragwe vamwe na anake arîa engî maathûrîtwe a gûtaaraga Mûthamaki.

Danieli 2:22

Ke nîaguûragia maûndû marîa mathithe; nîaicî maûndû marîa marî ndumarî, na ke mwene nî ûtheri.

Danieli 2:44

Îvinda rîu rîa athamaki acio, Ngai ûrîa wî îgûrû nîakaarûngamia ûthamaki ûtakaathira. Ûthamaki ûcio ndûkaavotwa, na nîûgaacûkangia mothamaki mau mengî monthe mathire viû, ûcoke ûtûûre wathanaga tene na tene.

Danieli 2:45

Nîwonire ûrîa îthiga rîavarûkire kuuma nguvarî rîtavutîtue nî mûndû, na ûkîona ûrîa rîaringire mûvuano ûcio wa cuuma, gîcango, yûmba, sîlûva na thaavu. Ngai ûrîa mûnene nîakûmenyithîtie we mûthamaki, maûndû marîa magekîka vuvarî. Kîrooto gîkî nî Kîam ma na ûguo nagîtaûra nî ûvoro wa ma.”

Danieli 2:47

Mûthamaki nîwaugire atîrî, “Nama Ngai waku nî Ngai wa ngai irîa ciîngî, na Mwathani wa athamaki onthe. Nîke ûguûragia maûndû marîa marî nthithorî, nîûndû we nîûvotete gûtaûra nthitho îno.”

Danieli 4:5

nînarotire kîroto Kîammbîgwithirie guoya; na nîrî ûrîrî, nînonire cioneki ciamakirie mûno.

Hosea 3:5

Vuvarî, andû a Isiraeli nîmagacoka macarie Ngai-Mûnene Ngai wao na macarie mûthamaki wao wa rûciaro rwa Daudi. Nîmagacoka magoce Ngai-Mûnene Ngai wao na kwîvoka wega wake mavinda ma mûthiia.

Amosi 4:13

Ngai nîke waûmbire irîma na akîûmba mvuvo. Nîke ûmenyithagia mûndû meciria make, na nîke ûtûmaga mûthenya ûtuîke ûtukû. Athiîcagîrîra nthî kûrîa gûtûgîru. Rîîtwa rîake nî Ngai-Mûnene, Mwene vinya wonthe.

Ndari 24:14

Balaamu nîwerire Balaki atîrî, “Rîu nie nthiîte kûrî andû etû. Nwatî mbere ya nthiî tiga ngûtaare ûvororî wîgiî ûrîa andû a Isiraeli mageeka andû aku mavinda marîa magaaûka.”

Mathaayo 6:9

Kwoguo voyagani atîrî: ‘Vava wetû ûrî îgûrû, rîîtwa rîaku rîtheru rîrokumua.

Gûco 31:19

“Rîu, andîka rwîmbo rûrû na ûrûthomithie kûrî andû onthe a Isiraeli, nîguo rwîthîrwe rûrî ûira wakwa kûrî andû a Isiraeli.

Gûco 4:30

Rîrîa mûkaagîa na mathîna na maûndû mama monthe mekîke kûrî mue, nîmûgaacokerera Ngai-Mûnene, Ngai wenyu na mûmwathîkîre.

2Tim 3:1

Nîrenda ûmenye atî mîthenya ya kûrigîrîria nî gûkaagîa na mavinda maûmû.

Ahib 1:1

Tene Ngai nîwaririe mavinda meengî na njîra nyîngî ngûrani kûrî methe metû na njîra ya Arathi.

2Pet 3:3

Îgûrû rîa maûndû monthe, nwanginya mûmenye atî mîthenyarî ya kûrigîrîria, nîgûkaumîra andû amwe marî na mîkarîre yathagwa nî merirîria mao macûku. Nao nîmakaamûnyûrûria

Kûguû 1:1

Îvuku rîîrî nî mûtaratara wa maûndû marîa Jesû Kristû aaguûririe. Ngai aamûveere kûguûrîrua gûkû, nîguo onie ndungata yake maûndû marîa maarî nwa nginya mekîke narua. Nake Kristû nîwatûmire mûraika wake akamenyithie ndungata yake Johana,