Danieli 12:11 - ÎVUKU RÎA ÛVORO MWARO

¹¹ “ ‘Kuuma vîndî îrîa matega ma kûvîvua ma wa mûthenya maarûngamirue, na ûndû ûrîa ûrî mûgiro ûgîkîka, mîthenya ngiri îmwe na magana maîrî ma mîrongo kenda (1,290) îkethîrwa îrî mîvîtûku.

Danieli 12:11 ပူးပေါင်းရင်းမြစ်များ

Ntha 29:38

“Ino nîcio indo irîa ûkaarutaga metharî ya kîgongoona mûthenya wa mûthenya: ndûrûme igîrî cia ûkûrû wa mwaka ûmwe.

Ezek 4:6

Warîkia kûthiria mîthenya îo, nîûkaamama na mwena wa ûrîo nîguo ûverithue nîûndû wa mevia ma andû a Juda îvinda rîa mîthenya mîrongo îna (40). Ngûtuîrîrîte mûthenya ûmwe ûrûngamagîrîre mwaka ûmwe.

Danieli 1:12

“Nakûthaitha ûtûve irio cia manyenyi matheri cia kûrîa, na manjî ma kûnyua kavinda ka mîthenya îkûmi.

Danieli 11:31

Athigari amwe ake nî mageekîra hekarû na rûthingo rwayo mûgiro. Nî magaatigithia andû kûruta matega ma wa mûthenya, na macoke matûme hekarû îgîe mûgiro.

Danieli 7:25

Ke nîakaaria maûndû macûku megiî Ngai Ûrîa Mûnene na avinyîrîrie andû a Ngai. Nîakaagarûra mawatho mao na irugo ciao, na andû acio nîmakaathwa nîke îvinda rîa mîaka îthatû na nuthu.

Danieli 8:26

Cioneki ciîgiî magongoona ma kîraûko na ma kîvwaî marîa matarîrîtue nîkavinga. Nwatî nîmaigîtwe marî nthithorî, nîûndû nîgûgwîkara kavinda karaca nginya rîrîa magaatuîkîka.’

Danieli 9:27

Mûtongoria ûcio nîakaarûtha kîrîkanîro kîrûmu na andû eengî îvinda rîa mîaka mûgwanja. Îvinda rîa mîaka îthatû na nuthu, nîakaarûngamia matega na magongoona. Vandû varîa vatheru Mûno hekarûrî, nîvakaarûngamua kîrîa kîrî mûgiro nginya rîrîa ûrîa wakigire vo agaacûkangua wata ûrîa Ngai aavangire.’ ”

Hosea 3:4

Ûguo nwa ta guo andû a Isiraeli magatûûra îvinda îraca matarî na athamaki kana atongoria; matakûruta magongoona, itugî cia mathiga cia kûvoera, na matarî na efodi kana terafimu.

Mathaayo 24:15

“Mue nîmûkoona ‘Kîndû kîrîa kîrî mûgiro’ kîrîa mûrathi Danieli aaririe ûvoro wakîo kîrûngamîte vandû varîa vatheru.” (Mûndû ûrîa ûrathoma nîataûkîrwe nî ûrîa kûrerwa!)

Maariko 13:14

“Rîrîa mûkoona kîndû kîrîa kîrî mûgiro kîrî varîa gîtagîrîrwe nîkwîthîrwa kîrî.” (Mûndû ûrîa ûrathoma nîataûkîrwe nî ûrîa kûreerwa) “Vîndî îo andû arîa makeethîrwa marî Judea, nîmakaaûra mathiîte irîmarî.

Kûguû 11:2

Nwatî ndûkathime kîvaro kîrîa kîrî nja ya hekarû. Ndûgakîthime nîûndû nîkîvecanîtwe kûrî andû a ndûrîrî. Andû acio nîmakaathiga Îtûûra rîrîa rîtheru vandû va mîeri mîrongo îna na îîrî.

Kûguû 12:6

Nake mûndûmûka ûcio nîwaûrire na akîthiî werûrî. Kûu nîkuo Ngai aamûthondekerete vandû nîguo ekare akîmenyagîrîrwa vandû va mîthenya ngiri îmwe na magana maîrî ma mîrongo îtandatû (1,260).

Kûguû 13:5

Nayo nyamû nîyavotithirue kwaria ciugo cia gwîtîîa na cia kûruma Ngai. Nîyacokire îkîvewa ûvoti wa kwathana vandû va mîeri mîrongo îna na îîrî.