Danieli 11:35 - ÎVUKU RÎA ÛVORO MWARO

³⁵ Atongoria amwe arîa aûgî nî makaaûragwa. Vuva wa ûguo andû acio engî nî makaatherua macerûve ta îra. Ûndû ûcio nîûkaathiî na mbere nginya mavinda ma mûthiia marîa Ngai avarîrîtie.

Danieli 11:35 ပူးပေါင်းရင်းမြစ်များ

2Maû 32:31

Rîrîa anjaama a mûnene wa Babuloni maathiîre kûria ûvoro wîgiî maûndû ma magegania marîa moonekete vûrûrirî, Ngai nîwarekire Hezekia eke ûrîa akwenda nîguo amûgerie amenye ûrîa warî ngororî yake.

Nthi 17:3

Thaavu na sîlûva itheragua na mwaki, nake Ngai-Mûnene nîke ûthimaga ngoro cia andû.

Isaia 27:9

Kwoguo ûguo nîguo mavîtia ma Jakovu makaathirua, ûguo nîguo wîvia wake ûkaathirua viû; mathiga marîa matumîte metha cia magongoona, makaathîwa matuîke mûthetu, na gûtirî mîvuanano ya Ashera, ngai ya mûndûmûka, wana kana metha cia kûvîvîria ûbani igaatigara.

Danieli 11:27

Athamaki acio aîrî nîmagaacoka marîcanîre vamwe, nwatî wa oîrî makaaveenanagia na makathugundaga maûndû macûku megiî ûrîa wîngî. Nwatî gûtirî mûvango wanarî ûmwe ûkaavinga, nîûndû kavinda ka guo gatikeethîrwa karî gakinyu.

Danieli 11:29

“Vîndî îrîa yagîrîrîte yakinya, nî akaathithûkîra Misiri rîngî, nwatî ndakaavootana ta ûrîa aavootanire rita rîa mbere.

Danieli 11:33

Andû aûgî gatagatîrî ka andû acio nîmagaatûma andû eengî mataûkîrwe. Nwatî vuva wa kavinda kanini amwe gatagatîrî kao nîmakaaûragîrwa mbaararî kana mavîvue makue, nao engî nîmagoocwa na mathamue.

Danieli 11:40

Rîrîa kavinda ka mûthiia ka mûthamaki wa Sîria gagaakinya, nîakaatharîkîrwa nî mûthamaki wa Misiri. Nwatî mûthamaki wa Sîria nîakeyûmîrîria arûe nake, amûtharîkîre na ikaari cia mbarathi, athigari arîa mathiîcaga mekarîrîte mbarathi na meri nyîngî. Nî akaatharîkîra mavûrûri mengî, na amavatîrîrie ta ûrîa mwîcûro wa manjî wîkaga.

Danieli 12:3

Andû arîa aûgî magaakenga ta ûtheri wa îgûrû, nao arîa mekaga ciîko cia ûthingu nî magaakenga ta njata tene na tene.

Danieli 12:4

Nwatî we, Danieli, vinga îvuku na ûrîkîre rûtumo, nginya kavinda ka mûthiia wa nthî. Andû eengî nî makaavinyûra ava na vaarîa na nî makoongerera ûûgî.

Danieli 8:10

Karûvîa kau nîkaagîre na vinya mûno na gakîneneva îgûrû rîa ciûmbe cia îgûrû, nîkagwîthirie imwe cia njata icio na gagîikinyanga.

Danieli 8:17

Gaburieli nîwaûkire na akîrûngama varîa naarî. Nînavavûkire mûno nginya ngîgwa nthî. Nwatî Gaburieli nîwambîrire atîrî, ‘We mûndû ûyû, menya atî maûndû mau wonire megiî mavinda ma mûthiia.’

Danieli 8:19

Nîwambîrire atîrî, ‘Taroria, nîngûkûmenyaithia maûndû marîa magekîka kuumana na marakara ma Ngai. Kîoneki kîu kîgiî mavinda ma mûthiia.

Danieli 9:27

Mûtongoria ûcio nîakaarûtha kîrîkanîro kîrûmu na andû eengî îvinda rîa mîaka mûgwanja. Îvinda rîa mîaka îthatû na nuthu, nîakaarûngamia matega na magongoona. Vandû varîa vatheru Mûno hekarûrî, nîvakaarûngamua kîrîa kîrî mûgiro nginya rîrîa ûrîa wakigire vo agaacûkangua wata ûrîa Ngai aavangire.’ ”

Habakuku 2:3

Kîoneki gîkî gîetererete vîndî îrîa mbagîrîru yakîo; nî kîoneki Kîam ma kîonanagia maûndû ma mûthiia. Ethîrwa nîmaronekana magîcererwa, meterere; nama nîmagûkinya na tîmacererwa.

Zakaria 13:9

Gîcunjî kîu kîmwe Kîam ithatû nîngaagikia mwakirî, na nîmatherie ta ûrîa mûndû atheragia sîlûva na mwaki, na nîmagerie ta ûrîa thaavu îgeragua na mwaki. Nîmakaamvoya, nanie nîngaacokia mavoya mao; Nie nîngaauga atî o nî andû akwa, nao nîmakaauga atî, nî nie Ngai-Mûnene Ngai wao.”

Mathaayo 16:17

“Kûrathimwa nîwe Simioni mûrû wa Jona. Tî mûndû ûkûmenyithîtie ûûma ûyû, nwatî nî Vava ûrîa ûrî îgûrû.

Mathaayo 26:56

Nwatî maûndû mama mekîka nîguo maûndû marîa maarîtue nî arathi mandîkorî marîa matheru mavinge.” Nao arutwa ake onthe nîmaaûrire makîmûtiganîria.

Johana 15:2

Ke nîatemaga rûvûa wa ruonthe rwakwa rûrîa rûtaciaraga maciaro, na rûvûa wa ruonthe rûciaraga maciaro nîarûcaaga nîguo rûciare maciaro meengî.

Johana 20:25

Kwoguo arutwa acio engî nîmaamwîrire atîrî, “Tue tûrî onu Mwathani!” Nake Toma nîwamerire atîrî, “Nie ndingîtîkia ndonete irema cia mîcumarî njararî ciake na ngavutia irema icio na Kîamra gîakwa na njoke mvutie mbaru ciake.”

Ciîko 13:13

Nake Paûlo na arîa maarî nake nîmaathiîre marî îtarûrî kuuma Pafosi nginya magîkinya Periga vûrûrirî wa Pamufilia, kûrîa Johana Maariko aamatigire na agîcoka Jerusalemu.

Gûco 8:16

Kûu werûrî nîwamûvere mana mûrîe, irio irîa methe menyu matanarûma. Nîwatûmire mwînyivie na akîmûgeria, nîguo mûthiiarî amûrathime na indo mbaro.

Jakuvu 1:2

Ariû na aarî a îthe wetû, rîrîa mwagîa na magerio ma mîthemba na mîthemba, nîmwagîrîrwe nî gwîcûragwa nî gîkeno,

Kûguû 14:15

Nake mûraika wîngî nîwaumire hekarûrî na akîanîrîra na mûgambo mûnene kûrî ûrîa wekarîrîte îtu atîrî, “Oca kaviû gaku ga gûketha na wambîrîrie gûketha, nîûndû maketha ma nthî nî makûrû!”

Kûguû 17:17

Ngai nîatûmîte magîe na wendi wa kûvingia mworoto wake marî na ngoro îmwe. Na nîûndû wa ûguo nîmakaanenganîra vinya wao wa kwathana kûrî nyamû nginya rîrîa ciugo cia Ngai ikaavingua.

Kûguû 2:10

Mue mûtigetigîre nîûndû wa ûndû wa wonthe ûrîa mûgeerie kûthînua naguo. Tathikîrîriani! Ngoma nî agaatûma amwe enyu maikue njeera nîguo mûgerue. Na îvinda rîa mîthenya îkûmi nîmûkaathînua nîguo mûgerue. Tuîkani evokeku kûrî nie wana ethîrwa nîkwa mûkûûragwa, na nie nîngaamûva mwoyo ûrî ta nthûmbî ya ûvootani.

Kûguû 7:14

Nanie nînamûcokerie atîrî, “Mwathani, nie ndiîcî, we nîwe wîcî.” Nake nîwambîrire atîrî, “Andû aya nîo marîkîtie kûvîtûkîra mathînarî meengî. Nao nîmathambîtie nguo ciao na nthakame ya Gatûrûme igatuîka cia rangi njerû.