Danieli 11:25 - ÎVUKU RÎA ÛVORO MWARO

²⁵ “Nîakoonania ûcamba na ûmîrîru wake rîrîa akaatharîkîra mûthamaki wa Misiri na gîkundi kînene Kîam athigari a mbaara. Nake mûthamaki wa Misiri nî akaavarîria gîkundi kînene mûno Kîam mbaara nîguo erîvîrîrie. Nwatî mûthamaki wa Misiri nîakaavootwa, nîûndû nî akaarûthîrwa mîvango ya wara ya kûmûvoota.

Danieli 11:25 ပူးပေါင်းရင်းမြစ်များ

Nthi 15:18

Mûndû wa kûrakara na îvenya nîatûmaga kûgîe na ngucanio, nwatî mûndû ûrîa ûtarakaraga na îvenya nîathiragia ngarari.

Nthi 28:25

Mûndû mwîyendi nîatûmaga kûgîe na ngucanio, nwatî ûrîa wîvokete Ngai-Mûnene nîarathimagwa.

Danieli 11:10

“Anake a mûthamaki wa Sîria nîmakevarîria mbaara na magomanie vamwe athigari eengî mûno a mbaara. Athigari acio nî makaathiî na matharîkîre kûrîa kîgitîre kwa nthû ciao.

Danieli 11:2

Na rîu nîngûkwîra ûvoro wa ma.” Mûraika nîwaugire atîrî, “Athamaki engî athatû nî makaatha Perisi. Nî gûgaaûka mûthamaki wa kana ûrîa ûkethîrwa arî mûtongu mûno gûkîra acio engî. Ûtonga ûcio wake nî ûkaamûvotithia kûtharîkîra ûthamaki wa Ngiriki.

Danieli 11:40

Rîrîa kavinda ka mûthiia ka mûthamaki wa Sîria gagaakinya, nîakaatharîkîrwa nî mûthamaki wa Misiri. Nwatî mûthamaki wa Sîria nîakeyûmîrîria arûe nake, amûtharîkîre na ikaari cia mbarathi, athigari arîa mathiîcaga mekarîrîte mbarathi na meri nyîngî. Nî akaatharîkîra mavûrûri mengî, na amavatîrîrie ta ûrîa mwîcûro wa manjî wîkaga.

Danieli 11:5

“Mûthamaki wa mwena wa îveti akethîrwa arî na vinya, nwatî ûmwe wa atongoria ake a mbaara nîakethîrwa arî na vinya na athage vûrûri mûnene makîria.