Danieli 11:24 - ÎVUKU RÎA ÛVORO MWARO

²⁴ Ke nî akaathithûkîra gîcunjî Kîam vûrûri kîrîa gîtongu andû a kuo matakûmenya. Nîageka maûndû wana mataanekwa nî methe make arîa maathanaga mbere yake. Nîagaacoka agaîre arûmîrîri ake na andû arîa aatavire, ûtonga na indo irîa aatavîte mbaararî. Nîakaavanga ûrîa akaatharîkîra kûndû kûrîa kwirigîre, nwatî ûndû ûyû ûgeekîka kavinda kanini.

Danieli 11:24 ပူးပေါင်းရင်းမြစ်များ

Nehemia 9:25

Andû aku nîmegwatîre matûûra manene marîa maarî magitîre, na vûrûri ûrîa warî mûnoru. Nîmegwatîre nyomba ciarî na indo cionthe mbaro igîtuîka ciao, iriko cia manjî irîa ciarî mînje, mîgûnda ya mîthavibu na ya mîtamaiyû îrîa îciaraga matunda, wa vamwe na mîtî mîngî ya matunda. Kwoguo nîmaarîre makîvaa, makînora na magîkenerera indo cionthe irîa wamaveere.

Nthi 17:8

Mûndû ûrîa ûvakanaga eciragia îvaki rîrutaga wîra ta ngûnga, etîkîtie atî nwa rîtûme maûndû monthe marîa ekaga mavue.

Nthi 19:6

Andû eengî nîmeyendithagia kûrî andû arîa marî îgweta, andû onthe mendaga gûtuîka arata a mûndû mûtana.

Nthi 23:7

nîûndû agaakwîra atîrî, “Rîa na ûnyue!” Nwatî ke ndethagîrwa agîgwîciria, ethagîrwa agîîciria kîrîa ûrarîa.

Ezek 34:14

Nîngaairîthia kûndû kûrî na nyaki mbaro îgûrû rîa irîma cia Isiraeli. Nîikaamama kûndû kûrî na nyaki mbaro ya kûrîwa, na nîikaagîa na kûndû kwaro gwa kûrîa kûu irîmarî cia Isiraeli.

Ezek 38:10

Mwathani Ngai-Mûnene arera Gogu atîrî, “Rîrîa kavinda kau gagaakinya, nîûkaambîrîria gwîciiria maûndû macûku na kûvanga mîvango mîcûku ngororî yaku,

Danieli 11:23

Ke nîakaaveenia mavûrûri marîa mengî na njîra ya kûrûtha kîrîkanîro nao na nîakaagîa na vinya mûno, wana ethîrwa akaathaga andû anini.

Danieli 7:25

Ke nîakaaria maûndû macûku megiî Ngai Ûrîa Mûnene na avinyîrîrie andû a Ngai. Nîakaagarûra mawatho mao na irugo ciao, na andû acio nîmakaathwa nîke îvinda rîa mîaka îthatû na nuthu.

Ndari 13:20

Tuîriani mwone kana vûrûri ûcio nî mûnoru, kana tî mûnoru, ûrî na mîtî kana ndûrî. Îîyûmîrîrieni na mûndetere matunda mamwe ma vûrûri ûcio.” (Vîndî îo nîrîo thavibu ciambagîrîria gûtunîva.)

Mathaayo 9:4

Nwatî Jesû nîwamenyire maûndû marîa meciragia, nake nîwamaûririe atîrî, “Nîndûî gîtûmaga mwîcirie maûndû macûku ngororî cienyu?

Atir 9:4

Nîmaamûvere tûcunjî mîrongo mûgwanja (70) twa sîlûva irutîtwe hekarûrî ya Baali-berithu. Abimeleki nîwocire sîlûva icio na agîcoka akîivûthîra kwandîka andû maarî aganu nîguo mamûrûmîrîre.