Danieli 11:21 - ÎVUKU RÎA ÛVORO MWARO

²¹ Mûraika nîwathiîre na mbere kuga atîrî, “Nîgûgaaûka mûthamaki wîngî wa Sîria mûcûku. Mûthamaki ûcio ndakethîrwa arî na kîvooto Kîam gûtuîka mûthamaki. Agaaûka atakûmenyekana na oce wathani na njîra ya wara.

Danieli 11:21 ပူးပေါင်းရင်းမြစ်များ

Thaburi 12:8

Andû arîa aganu marî kûndû kuonthe, andû onthe makumagia maûndû marîa macûku.

Thaburi 15:4

Nî manyararaga andû arîa Ngai athûrîte, nwatî nîmatîîaga andû arîa mathîkagîra Ngai-Mûnene. Vîndî cionthe nîmavingagia ûrîa meranîrîte na matigarûrûkaga.

Thaburi 55:21

Ciugo ciao cianyorokete gûkîra kîrimû Kîam îriia, nwatî ngoro ciao mecûrîtwe nî rûmena; ciugo ciao cianyorokete ta maguta, nwatî ciatemaga ta mviû ino mbûgî.

Isaia 32:5

Mûndû ûrîa kîrimû ndakagîa na îgweta, kana kîmaramari kîgathîrîrue.

Danieli 11:20

“Mûthamaki wîngî nîagaaûka na athane vuva wake. Mûthamaki ûcio nîagaatûma mwîtia mbia cia gooti nîguo avinyîrîrie andû kûruta gooti nîguo ongerere ûtonga wa ûthamaki wake. Nwatî kavinda gatarî karaca, mûthamaki ûcio nî akaaûragwa. Nwatî ndakaaûragîrwa mbaararî kana aûragîrwa andû makîonaga.”

Danieli 11:32

Mûthamaki ûcio nîakaagucîrîria na njîra ya maveeni arîa onthe mareganîte na ndini yao, nwatî arîa marûmagîrîra Ngai nîmakaaregana nake.

Danieli 11:34

Vîndî îrîa makethîrwa makîûragwa, andû a Ngai nîmakaanyita ûtethio mûnini, wana ethîrwa andû eengî makanyitanagîra nao na njîra ya kînyûrûri.

Danieli 11:7

Vuva wa kavinda kanini mûndû ûmwe kuuma mûvîrîgarî wa mwîrîtu ûcio nî agaatuîka mûthamaki, na nî akaatharîkîra athigari a mbaara a mûthamaki wa Sîria na atonye nginya kûrîa kwirigîre na amavoote.

Danieli 4:17

Îtua rîîrî rîathanirwe kûvîtûkîrîra kûrî mûrangîri ûrîa mûvinyaru. Kwoguo andû onthe a nthî nîmamenye atî Ûrîa ûrî Îgûrû Mûno nîke wathaga mothamaki na andû, na nîke ûvecanaga ûthamaki kûrî mûndû ûrîa akwenda, wana ethîrwa nî mûndû ûrîa ûtarî îgweta.”

Danieli 7:8

Na vîndî îrîa naaroretie mvîa cia nyamû îo, nînoonire karûvîa kanini keyumîria gatagatî ka mvîa icio ciîngî, na gagîkûûra mvîa icio ciîngî ithatû. Karûvîa kau kaarî na metho ta ma mûndû, na kanyua kaaragia na mwîtîîo.

Danieli 8:23

“ ‘Rîrîa mavinda ma mûthiia ma mothamaki mau magaakuvîvîria na makethîrwa mevîtie magatûra gacere, nî gûkaagîa na mûthamaki mûmîrîru, mwaganu na mûthaani.

Danieli 8:25

Nîakaavootanaga maûndûrî marîa ageekaga nîûndû wa wara wake. Nîakaatharîkîra andû engî wana atamamenyithîtie na aregane na mûthamaki ûrîa mûnene gûkîra onthe; nwatî nîagaacûkangua nî vinya ûtarî wa mûndû.

Danieli 8:9

Kuuma kûrî wa rûvîa rwa icio inya, nîvaaumîrire karûvîa kanini. Vinya wa wathani wa karûvîa kau wathiîre ûkîongererekaga na mwena wa îveti, mwena wa îrathîro, na kûthiî vûrûri wa Kîranîro.

Nahumu 1:14

Ngai-Mûnene aathanîte atîrî ûvoro wîgiî Asîria: “Matikethîrwa na njiarwa cia gûtûma rîîtwa rîao rîtûûre; Nîngacûkangia mîvuanano îo îrî hekarûrî ya ngai ciao. Nie nîngûkwînjîra mbîîrîra, nîûndû mue mûtiagîrîrwe nî gûtûûra mwoyo.”

1Sam 3:13

Nie nîmbîrîte Eli atî, nîngaaverithia andû a mûciî wake tene na tene nîûndû wa mîtugo mîcûku ya kûnuma îrîa îthîrîtwe îrî na anake ake. Eli ke mwene nîwaicî atî avîcî ake nîmeekaga maûndû macûku, nwatî ndaamakaania.