Danieli 11:16 - ÎVUKU RÎA ÛVORO MWARO

¹⁶ Mûthamaki ûrîa ûkathithûkîra andû a Sîria nî akaameka wa ûrîa akwenda na gûtirî mûndû ûkaaregana nake. Nîa kaarûngama vûrûrirî wa Isiraeli na vûrûri ûcio wonthe ûkethîrwa ûrî rungu rwa wathani wake.

Danieli 11:16 ပူးပေါင်းရင်းမြစ်များ

Isaia 8:8

Mwîcûro wa rûnjî rûu ûkaanyagania vûrûrirî wa Juda, na manjî mengîve mûno mecûre vûrûri wonthe. Nwatî Ngai arî vamwe natue, mathagu make matambûrûkîte kûndû kuonthe nîguo makunîkîre vûrûri wake.”

Jeremia 3:19

Ngai-Mûnene arauga atîrî, “We Isiraeli, nîciragia ûrîa nîngîkwamûkîra ta mwana wakwa, na ngûve vûrûri mwaro, îgai rîaro gûkîra mavûrûri monthe ma nthî. Neciragia atî we nwa ûmbîte vava na ndûgatigana nanie rîngî.

Danieli 11:3

“Nîgûgaacoka kuumîre mûthamaki njamba ûrîa ûkaatha vûrûri mûnene na ekage wa ûrîa akwenda.

Danieli 11:36

“Mûthamaki wa Sîria nîageka kwenda gwake. Ke nîakenenevia gûkîra ngai cionthe na arume Ngai Ûrîa Mûnene gûkîra Ngai cionthe. Ageka ûguo nginya rîrîa Ngai akaamûverithia; nîûndû ûrîa Ngai avangîte gwîka nwanginya ûkaavinga.

Danieli 11:41

Nî akaatharîkîra vûrûri wa kîîranîro na aûrage andû ngiri makûmi mengî. Nwatî vûrûri wa Edomu, Moabu na gîcunjî kînene Kîam Amoni nîikaavonokua kuuma kûrî ke.

Danieli 11:45

Nîakaamba magema make ma ûthamaki gatagatî ka îria na kîrîma kîrîa kîtheru, varîa hekarû îtumîtwe. Nwatî kavinda gake ga gûkua gakinya, gûtirî mûndû ûkamûtethia.”

Danieli 5:19

Nîûndû wa ûnene ûcio Ngai aamûveere, andû a mîvîrîga yonthe, mavûrûri monthe na andû a nthiomi cionthe, nîmaainainire mûno na makîmwîtigîra. Nebukadinezarû aarî na ûvoti wa kûûraga mûndû wa wonthe kana kûrega kûûraga mûndû ûrîa angîendire. Aarî na ûvoti wa kûnenevia mûndû ûrîa wonthe eendaga kûnenevia kana kûnyivia mûndû ûrîa wonthe eendaga kûnyivia.

Danieli 8:4

Nînoonire ndûrûme îo îkîtharîkîra mwena wa îthûîro, rûgûrû, na wa îveti. Gûtirî nyamû îngîamîtirîrie, na gûtirî nyamû îngîetethûrire kûrî yo. Yekaga wa ûrîa îkwenda na nîyeyonaga îrî na vinya mûno.

Danieli 8:7

Nînoonire nthenge îo îkîtharîkîra ndûrûme îo. Nayo yarî ndakaru mûno, kwoguo nîyaringire ndûrûme îo na îkîmiuna mvîa ciayo cioîrî. Ndûrûme îo ndîarî na vinya wa gûtiirîria nthenge îo. Nthenge nîyarivanirie ndûrûme îo nthî na îkîmîkinyangîra vo; gûtirî mûndû ûngîatethûrire ndûrûme îo.

Danieli 8:9

Kuuma kûrî wa rûvîa rwa icio inya, nîvaaumîrire karûvîa kanini. Vinya wa wathani wa karûvîa kau wathiîre ûkîongererekaga na mwena wa îveti, mwena wa îrathîro, na kûthiî vûrûri wa Kîranîro.

Josh 1:5

Gûtirî mûndû ûgaakûvoota vîndî îrîa yonthe ûgûtûûra mwoyo. Ngethagîrwa nîrî nawe ta ûrîa nethagîrwa nîrî na Musa. Ndigaagûtiganîria.