Danieli 10:20 - ÎVUKU RÎA ÛVORO MWARO

²⁰ Nîwacokire akîmbûria atîrî, “Nîwîcî kîrîa gîtûmire mbûke kûrî we? Rîu nwanginya njoke ngarûe na mûraika wa vûrûri wa Perisi. Na narîkia kûthiî kûrûa nake, mûraika wa vûrûri wa Ngiriki nîakaaumîra.

Danieli 10:20 ပူးပေါင်းရင်းမြစ်များ

Ezira 4:4

Nao andû arîa matûûraga vûrûrirî ûcio nîmaageririe gûtûma andû a Juda mathirwa nî vinya na metigîre gûtuma.

Isaia 37:36

Mûraika wa Ngai-Mûnene nîwathiîre kûrîa Asîria maambîte magema mao na akîûraga athigari ngiri îgana rîmwe rîa mîrongo înana na ithano (185,000). Rîrîa andû maaramûkire kîraûko tene, andû acio onthe methîrîrue marî ciimba.

Danieli 10:13

Nwatî mûraika ûrîa ûgitagîra vûrûri wa Perisi nîwareganire nanie îvinda rîa mîthenya mîrongo îîrî na ûmwe. Nake Mikaeli, ûmwe wa araika arîa anene nîwaûkire kûndethia nîûndû natigîtwe tûrî na athamaki a Perisi.

Danieli 7:6

“Na wandoretie, nînoonire nyamû îngî. Nayo yekariî ta gîtang'a na yarî na mathagu mana mekariî ta ma gîconi mûrukuthurî wayo. Nyamû îo yarî na ciongo inya, na nîyaverwe wathani îgûrû rîa icio ciîngî.

Danieli 8:21

Nthenge nayo yonanagia ûthamaki wa Ngiriki. Naruo rûvîa rûraca rûrîa rûrî gatagatî ka ûthiû wayo rwonanagia mûthamaki wa kuo wa mbere.

Ciîko 12:23

Na nîûndû Herode ndaakumia Ngai, mûraika wa Mwathani nîwatûmire arware wa rîmwe. Herode nîwarîrwe nî igunyû na agîkua.