Danieli 1:19 - ÎVUKU RÎA ÛVORO MWARO

¹⁹ Nake mûthamaki nîwamarîrie onthe, na gatagatîrî kao, gûtirî wamûkenirie ta Danieli, Hanania Mishaeli na Azaria. Kwoguo mûthamaki nîwamathuurire matungatage gwake mûciî.

Danieli 1:19 ပူးပေါင်းရင်းမြစ်များ

Kîam 41:46

Josefu aambîrîrie wîra kwa mûthamaki wa Misiri arî na ûkûrû wa mîaka mîrongo îthatû (30). Nîwaumire kûu kwa mûthamaki na akîthiî akîthiûrûrûka vûrûri wonthe wa Misiri.

1Atha 17:1

Mûrathi Elija wa kuuma Tishibe ya Gileadi nîwerire mûthamaki Ahabu atîrî, “Rîîtwarî rîa Ngai-Mûnene, Ngai wa Isiraeli ûrîa ûtûûraga mwoyo, ûrîa ndungataga, gûtikethîrwa kûrî na îme kana mbura îvinda rîa mîaka îno îrûmîrîrîte nginya rîrîa ngaauga.”

Nthi 22:29

Nîkûrî na mûndû mwara wîrarî wake? Ûcio nîagaatungatîra athamaki, ndagaatungatîra andû matarî îgweta.

Jeremia 15:19

Kwoguo Ngai-Mûnene arauga atîrî, “Ûngînjokerera nîngûgûcokia ûrîa wekariî mbere, nawe nî ûkandungatîra rîngî. Ûngîaria maûndû marîa magîrîrîte na tî marîa matarî vata, we ûkaragia vandûrî vakwa. Andû nîmagagûcokerera, nwatî we ndûkaathiî kûrî o.

Danieli 1:18

Mûthiia wa mîaka îthatû, îrîa mûthamaki aathanîte atî makaavirwa kûrî ke, Ashipenazi nîwavirire anake acio kûrî mûthamaki Nebukadinezarû.

Danieli 1:4

Anake matarî na wonje, athaka, marî na ûûgî na wara wa mîthemba yonthe, athomu, na marî na ûmenyo, nîguo methîrwe marî agîrîru a gûtungata kwa Mûthamaki mûciî. Mûthamaki nîwaugire mathomithue kwaria na kwandîka rûthiomi rwa Akalidei.

Danieli 1:5

Mûthamaki nîwathanire mavecagwe irio irîa mbaro aarîcaga na ndivei îrîa aanyunyaga. Anake acio maagîrîrwe nî kûthomithua îvinda rîa mîaka îthatû, na vuvarî mavirwe kûrî mûthamaki.

Danieli 1:6

Gatagatîrî ka anake onthe arîa maathuurirwe kwarî na Danieli, Hanania, Mishaeli na Azaria kuuma mûvîrîgarî wa Juda.

Danieli 1:7

Nwatî Mûnene wa ndungata cia kwa Mûthamaki nîwavere anake acio marîîtwa ma Babuloni ta û: Danieli eetirwe Beliteshazaru; Hanania eetirwe Shadiraka; Mishaeli eetirwe Mîsheki, na Azaria agîîtwa Abedinego.

Danieli 2:13

Kwoguo watho nîwaumire atî andû onthe aûgî maûragwe. Nao Danieli na arata ake nîmaacarirue nîguo maûragwe.

Danieli 3:29

“Kwoguo nie nathana atî mûndû wana ûrîkû kuuma iruka cionthe, mavûrûri monthe, wana andû a nthiomi cionthe arîa mangîaria ûndû wa kûmenereria Ngai wa Shadiraka, Mîsheki na Abedinego, agaatemangwa icunjî na nyomba ciao ciomomorangwe; nîûndû gûtirî ngai îngî îngîvota kûvonokania ûguo.”