Danieli 1:15 - ÎVUKU RÎA ÛVORO MWARO

¹⁵ Na mîthenya îkûmi yathira, Danieli, Mîsheki, Shadiraka na Abedinego nîmonekire marî athaka na anoru gûkîra arîa maarîcaga irio na makanyua ndivei ya mûthamaki mûciî.

Danieli 1:15 ပူးပေါင်းရင်းမြစ်များ

Thaburi 37:16

Nîkava kanyamû kanini karîa mûndû mûthingu arî nako, gûkîra indo nyîngî cia andû arîa aganu.

Ntha 23:25

Ethîrwa nîmûkaangooca nie Ngai-Mûnene, Ngai wenyu, nîngaamûrathima na irio na manjî, na nîmûthengutîria mîrimû gatagatîrî kenyu.

Nthi 10:22

Irathimo cia Ngai-Mûnene nîcio itûmaga mûndû atonge, na ndarî kîeva aretanagîria na irathimo icio.

Danieli 1:14

Kwoguo mûrangîri nîwetîkîrire mathiî mageeke ûrîa maavoire mageeke na akîmageria mîthenya îkûmi.

Hagai 1:6

Mue mûvandîte mbeû nyîngî, nwatî mûkethete tûnini; mûrîcaga, nwatî mûtivaaga; mûnyunyaga ndivei, nwatî mûtiîganagia; nîmwîkagîra nguo, nwatî nwa mûregua mvevo; mûrutaga wîra nwatî mûcara nîtakwa wîkîrîtwe mûvukorî mûtûrîku.”

Hagai 1:9

“Mweriragîria maketha meengî, nwatî mwonire manini. Na rîrîa mwamaretire mûciî, nînamagûrûkirie. Nake Ngai-Mûnene mwene vinya wonthe araûria, ‘Nekire ûguo nîkî?’ Nîûndû hekarû yakwa nî nyomomoku, na wa mûndû arethînia na nyomba yake.

Malaki 2:2

ethîrwa tîmûnthikîrîria na mwonanie na ciîko cienyu atî nîmûmveete gîtîîo, nîngûmûretera kîrumi, na ndûme irathimo cienyu cionthe ituîke kîrumi. Nama nînîirumîte nîûndû ûvoro wa kûndîîa ndûrî ngororî cienyu.

Mathaayo 4:4

Nake Jesû nîwacokirie atîrî, “Mandîkorî matheru kwandîkîtwe atîrî, ‘Andû matitûûragua nî mîgate yonga, nwatî nîmatûûragua nî kiugo wa kîonthe kîrîa Ngai aaragia.’ ”