Ciîko 9:8 - ÎVUKU RÎA ÛVORO MWARO

⁸ Nake Saûlo nîwarûngamire na akîvingûra metho, nwatî ndangîavotire kwona kîndû. Kwoguo andû arîa maarî nake nîmaathiîre mamûnyitîte njara nginya magîkinya Damesiki.

Ciîko 9:8 ပူးပေါင်းရင်းမြစ်များ

Kîam 14:15

Arî kûu, Aburamu nîwagaanirie andû ake a mbaara ikundi, na makîthithûkîra nthû ciao ûtukû. Ke na njamba ciake nîmaavootire andû acio makîmavinyûria makîmakinyia nginya Hoba mwena wa rûgûrû wa Damesiki.

Kîam 19:11

Nîmaacokire magîtûma arûme onthe arîa maarî nja, mûnene na mûnini matuîke ndumumu nîguo matikavote kwona mûrango.

Ntha 4:11

Nake Ngai-Mûnene nîwerire Musa atîrî, “Nî ûrîkû ûvecaga mûndû ûvoti wa kwaria. Nî ûrîkû ûtûmaga mûndû aremwe nî kwaria na kwîgua. Nî ûrîkû ûtûmaga avote kwona kana atuîka mûtumumu? Anga tî nie, Ngai-Mûnene?

Ciîko 13:11

Rîu Mwathani nîagûkûverithia. We nîûgûtuîka mûtumumu na gwa kavinda we ndûkaavotaga kwona ûtheri wa riûa.” Na vîndî wa îo Elimasi nîwatigire kwona na akîambîrîria kûrûra, akîgeragia gûcaria mûndû wa kûthiî amûtongoreretie amûnyitîte njara.

Ciîko 22:11

Nînaaremirwe nî kwona nîûndû wa ûtheri ûcio mûnene. Kwoguo andû arîa twarî nao nîmaathiîre manyitîte njara nginya tûgîkinya Damesiki.

Ciîko 9:18

Na wa rîmwe tûnyamû twekariî ta tûkoro twa rûûo rwa nthamaki nîtwagwîre kuuma methorî ma Saûlo na akîvota kwona rîngî. Nake nîwacokire akîrûngama na akîvatithua;

Ciîko 9:9

Nake nîwekarire mîthenya îthatû atakûvota kwona na atakûrîa kana kûnyua wa naarî kîndû.

2Akor 11:32

Rîrîa naarî Damesiki, mûndû ûrîa wathanaga vandûrî va mûthamaki Areta nîwaigire athigari ivingorî cia îtûûra nîguo manyite.

Agal 1:17

Wa na ndiathiî Jerusalemu kwona arîa maatuîkîte atûmwa mbere yakwa. Vandû va ûguo, naathiîre Arîbia na vuvarî ngîcoka Damesiki rîngî.