Ciîko 9:6 - ÎVUKU RÎA ÛVORO MWARO

⁶ “Nwatî ûkîra wa rîu, ûthiî îtûûrarî, na nîûkwîrwa ûrîa wagîrîrîtwe nî gwîka.”

Ciîko 9:6 ပူးပေါင်းရင်းမြစ်များ

Thaburi 25:12

Andû arîa matîîaga Ngai-Mûnene, nîmakaathomithua nîke njîra îrîa magîrîrwe nî kûrûmîrîra.

Thaburi 94:12

Kûrathimwa nî mûndû ûrîa we Ngai-Mûnene ûrûngaga, mûndû ûrîa we ûthomithagia watho waku!

Isaia 57:18

“Nîmonete mîthiîre yao, nwatî nîngamavonia. Nîngamatongoria, na nîmaûmîrîrie; nîngavoreria andû arîa macakayaga.

Isaia 66:2

Nie mwene nînie naûmbire indo ino cionthe, na kwoguo indo ino cionthe nî ciakwa. Nwatî mûndû ûrîa ûngenagia, nî ûrîa wînyivagia na wîrirîte, ûrîa ûndîîte na ûmbathîkagîra.

Ezek 2:1

Mûgambo ûcio waugire atîrî, “We mûndû, rûngama na magûrû maku na nîngûkwarîria.”

Ezek 3:22

Nînecûrirwe nî vinya wa Ngai-Mûnene, na ngîgua ambarîria akiuga atîrî, “Ûkîra ûthiî kûndû kûrîa kwaraganu na nîngakwarîria ûrî kûu.”

Habakuku 3:16

Mbîgucaga ûguo ngamakania, mîromo yakwa îkainaina nî guoya, mavîndî makwa makagondoka, magûrû makwa makainaina. Nîmbetererete ngirîrîrîtie mûthenya ûcio wa mûthiro, ûrîa ûgaûka kûrî andû arîa matûtharîkagîra.

Mathaayo 19:30

Nwatî andû eengî arîa marî mbere rîu nîmagaatuîka a vuva, nao andû eengî arîa marî vuva rîu nîmagaatuîka a mbere.

Luka 3:10

Nao andû nîmaamûririe atîrî, “Kwoguo nîtwîka atîa vi?”

Ciîko 10:22

Nao nîmaamûcokerie atîrî, “Tue nîkwa tûtûmîrwe nî Korinelio ûrîa wîthagîrwa arî mûnene wa athigari îgana. Ke nî mûndû mûthingu, wîtigîrîte Ngai, na ûvetwe gîtîîo nî rûrîrî ruonthe rwa Ayahudi. Mûraika wa Ngai aramwîrire agûtûmanîre ûthiî gwake mûciî nîguo egue ûrîa we ûkuga.”

Ciîko 10:32

Tûma mûndû athiî Jopa akagîre Simoni ûrîa wîtagwa Petero. Ke anyitîtwe ûgeni nî Simoni ûrîa ûthondekaga njûo na ûtûûraga rûtererî rwa îria.’

Ciîko 10:6

Ke anyitîtwe ûgeni nî Simoni ûrîa ûthondekaga njûo na atûûraga rûtererî rwa îria.”

Ciîko 2:37

Rîrîa andû acio meegwire ûguo, nîmaathînîkire mûno na makîûria Petero na atûmwa acio engî atîrî, “Ariû na aarî a Îthe wetû, tue rîu nîtwîka atîa?”

Ciîko 22:10

Nanie nînaûririe atîrî, ‘Nie nîmbîka atîa Mwathani?’ Nake Mwathani nîwanjokerie atîrî, ‘Ûkîra wa rîu, ûthiî Damesiki na wakinya kuo nîûkwîrwa maûndû monthe marîa Ngai avangîte wîke.’

Ciîko 26:16

Nwatî ûkîra ûrûngame na magûrû maku. Nie nakumîrîra nîrî na mworoto wa gûkûthuura nîguo ûtuîke ndungata yakwa na mûira wakwa. We ûkeeraga andû arîa engî ûrîa wona ûmbîgiî ûmûnthî na maûndû marîa ngaakwonia vuvarî.

Ciîko 9:5

Nake nîwaûririe atîrî, “We wî û Mwathani?” Nake nîweguire mûgambo ûcio ûgîcokia atîrî, “Nie nînie Jesû ûrîa ûranyarira.”

Aroma 10:20

Nake Isaia wanake nîaugîte arî na ûmîrîru atîrî: “Nînoonirwe nî andû arîa mataanjaragia; nîneyumîririe kûrî andû arîa mataambûragia.”

Aroma 10:3

Nîûndû wa kûrega kûmenya ûthingu ûrîa uumaga kûrî Ngai, o nîmageretie kwîrûthîra ûndû wao o ene. Kwoguo nîmaaregire kûrûmîrîra njîra îrîa Ngai atûcaga mûndû mûthingu.

Aroma 5:20

Watho wekîrirwe nîguo andû mevie mûno. Nwatî wa ûrîa mevia mongererekaga, wega wa Ngai nîwongererekaga makîria.

Aroma 7:9

Nie nînatûûraga mwoyo wana mbere ya menya watho. Nwatî rîrîa naamenyire maathani, mevia nîmaagîre vinya,

Afil 2:12

Kwoguo arata akwa, wata ûrîa mwambathîkagîra vîndî îrîa naarî vamwe namue, nîkwagîrîrîte mûmbathîkagîre mûno wana rîu nîrî varaca namue. Thiîni na mbere kûruta wîra mûrî na guoya na mûkinainaga nîguo mûrîkie ûvonokio wenyu.

Jakuvu 4:6

Nwatî Ngai nîavecanaga wega mwîngî makîria, wata ûrîa mandîko matheru maugîte atî, “Ngai nîareganaga na andû arîa etîi, nwatî nîavecaga arîa enyivia wega wake.”

1Sam 16:3

Na wîte Jesse kîgongoonarî kîu na nîngaakwîra ûrîa wagîrîrwe nî gwîka. Ûgetîrîria mûndû ûrîa ngaakwonia maguta nîguo atuîke mûthamaki.”

1Sam 28:5

Rîrîa Saûlo oonire athigari a mbaara a Afilisiti, nîwetigîre na akîmaka mûno.