Ciîko 9:40 - ÎVUKU RÎA ÛVORO MWARO

⁴⁰ Nwatî Petero nîwerire andû onthe arîa maarî kuo maume nja. Nake nîwaturirie maru na akîvoya. Nîwacokire akîvûgûka na kûrîa mwîrî ûcio warî na akiuga atîrî, “Tabitha, ûkîra!” Nake nîwavingûrire metho, na vîndî îrîa oonire Petero, nîwekarire nthî.

Ciîko 9:40 ပူးပေါင်းရင်းမြစ်များ

2Atha 20:11

Mûrathi Isaia nîwavoire Ngai-Mûnene, na Ngai-Mûnene nîwaracavirie kîruru na vuva makinyo îkûmi ngathîrî îrîa yatumîtwe nî mûthamaki Ahazi.

Mathaayo 6:6

Nwatî vîndî îrîa mûkûvoya, tonyagani nyombarî cienyu, mûkavinga mîrango, na mûkavoya Îthe wenyu ûrîa ûtonekaga. Nake Îthe wenyu ûrîa wonaga maûndû marîa mwîkagîra nthithorî nîakaamûva iveo.

Mathaayo 9:25

Nwatî rîrîa kîrîndî Kîamrutirwe nja, Jesû nîwatonyire varîa kerîtu kau kaarî, agîkanyita njara na gagîûkîra.

Maariko 9:25

Na rîrîa Jesû oonire kîrîndî gîkîgomana, nîwagûkîre ngoma îo na vinya na akîmîra atîrî, “We ngoma îno îtegucaga na îtaragia, nie nakwatha ume ndaarî ya kamwana gaka na ndûkaanagatonye rîngî!”

Luka 22:41

Jesû nîwacokire akîmatiga, akîthiî vandû wata varîa mûndû angîvota gwikia îthiga, na aaturia maru nîwavoire atîrî,

Luka 8:54

Nwatî Jesû nîwanyitire mwîrîtu ûcio njara na akîmwîra atîrî, “Mwarîwa, rûngama!”

Ciîko 20:36

Na vîndî îrîa Paûlo aarîkirie kuga ûguo, ke nîwaturirie maru vamwe na andû acio onthe, na makîvoya.

Ciîko 21:5

Na rîrîa kavinda getû ga gwîkarania nao kaathirire, nîtwaumire kuo tûkîthiî na mbere na rûgendo rwetû. Nao arutwa onthe vamwe na aka ao na ciana, nîmaatumagaririe magîtûkinyia nja ya îtûûra rîu. Tuonthe nîtwaturirie maru vau rûtererî rwa îria na tûkîvoya.

Ciîko 28:8

Nake îthe wa Pubulio aarî gîtandarî amamîte nîûndû aarî mûrwaru mûrimû wa kûviûva mwîrî na kûvarwa. Paûlo nîwathiîre gwake nyomba, akîvoya na akîmwigîrîra njara na akîmûvonia.

Ciîko 7:60

Nake nîwaturirie maru na akîanîrîra na mûgambo mûnene akiuga atîrî, “Mwathani, ndûkamaverithie nîûndû wa wîvia ûyû wao!” Na rîrîa Stefano aarîkirie kuga ûguo, nîwakwire.