Ciîko 9:22 - ÎVUKU RÎA ÛVORO MWARO

²² Nwatî Saûlo nîwavunjirie na vinya mûno. Nake nîwonanagia nama atî Jesû nîke Mesaya, ûndû nginya Ayahudi arîa maatûûraga Damesiki matangîavotire gûkararania na Saûlo.

Ciîko 9:22 ပူးပေါင်းရင်းမြစ်များ

Kîam 49:24

Nwatî ûta wake ndwainainaga, njara ciake nîciîkagîrwa vinya, nî Ngai mwene vinya wonthe Ngai wa Jakovu, rîîtwarî rîa Mûrîthi Mûgitîri wa Isiraeli.

Ayubu 17:9

Nwatî mûndû ûrîa wîtîkîtie Ngai ndavîngagwa, na mûndû ûrîa wîkaga maûndû maro, ongagîrîrwa wa mûthenya.

Thaburi 51:13

Nîngaacoka nthomithie andû arîa evia njîra ciaku, na nîmagaagûcokerera.

Thaburi 84:7

Nîmathiîcaga na mbere kûgîa vinya, nîmakoona Ngai ûrîa mûnene gûkîra ngai irîa kûu Zayuni.

Isaia 40:29

Nîavecanaga vinya kûrî arîa athiru vinya, nake ûrîa ûtarî na ûvoti nîamwongagîrîra vinya.

Luka 21:15

Nîûndû nie nîngaamûva mîario na ûûgî ûrîa gûtarî nthû yenyu wana îmwe îngîvota kûregana naguo kana gûûkararia.

Ciîko 17:3

Nîwamataarîrie mandîko na kuuma kûrî mo akîmonia na ma atî nîkwarî na wagîrîru wa Mesaya athînue na acoke ariûke. Nake Paûlo nîwamerire atîrî, “Jesû ûcio nie nîramwîra ûvoro wake, nîke Mesaya.”

Ciîko 18:5

Na rîrîa Sailasi na Timotheo maakinyire maumîte Makedonia, Paûlo nîwambîrîrie gûtûmîra mavinda monthe make na wîra wa kûvunjia na akarutaga ûira kûrî Ayahudi akiugaga atî Jesû nîke Mesaya.

Ciîko 28:23

Kwoguo Paûlo na atongoria acio a Ayahudi nîmaathuurire mûthenya wa gûcemania. Na rîrîa mûthenya ûcio wakinyire, andû eengî mûno a Kîyahudi nîmaathiîre kûrîa Paûlo eekaraga. Nake Paûlo nîwamaarîrie kuuma kîraûko nginya ûtukû. Ke nîwatûmîre Watho wa Musa na mandîko ma arathi akîmataarîria ûvoro wîgiî Ûthamaki wa Ngai. Nîwageririe kûmonithia metîkie ûvoro wîgiî Jesû.

Ciîko 9:20

Na vîndî wa îo ke nîwambîrîrie kûthiî mavoerorî. Nake nîwavunjirie kuo akiugaga atî Jesû nî Mûriû wa Ngai.

Ciîko 9:21

Nao andû onthe arîa maamwîgwire nîmaamakire mûno na makîûrania atîrî, “Na kinthî mûndû ûyû tîke ûrîa ûrarî Jerusalemu, na nîke ûraûragaga andû arîa magoocaga mûndû ûcio wîtagwa Jesû? Wana kinthî ke twake ûraûkire gûkû nîûndû wa gîtûmi wa kîu gîa kûnyita arûmîrîri acio a Jesû akîmacokagia kûrî anene a athînjîri-Ngai?”

Ciîko 9:23

Nayo mîthenya mîîngî yarîkia kûvîtûka, Ayahudi amwe nîmaacemanirie na makîvanga maûrage Saûlo.

Ciîko 9:27

Nwatî Baranaba nîwamwîtîkîre na akîmûvira kûrî atûmwa. Baranaba nîwamataarîrie ûrîa Saûlo arî njîrarî oonire Mwathani na Mwathani akîmwarîria. Nîwacokire akîmeera ûrîa Saûlo aavunjirie na rîîtwa rîa Jesû arî na ûmîrîru mwîngî mûno kûu Damesiki.

1Akor 1:27

Nwatî Ngai nîwathuurire maûndû marîa andû matucaga nî ma ûrimû nîguo aconorithie arîa aûgî, na nîwathuurire arîa matucagwa nî andû atî matirî vinya nîguo aconorithie arîa methagîrwa marî na vinya.

Agal 1:18

Vuva wa mîaka îthatû, naathiîre Jerusalemu gûcerera Petero, nîguo twaranîrie nake. Nîtwekarire nake ciumia igîrî.

Afil 4:13

Nwambîke maûndû monthe na njîra ya ûrîa ûmvecaga vinya.

1Tim 1:12

Nînjokagia ngatho kûrî Mwathani wetû Jesû Kristû ûrîa ûmvete vinya ya kûruta wîra wakwa. Ke nîwonete nîrî mwagîrîru na akanthuura nîmûtungatîre,