Ciîko 9:18 - ÎVUKU RÎA ÛVORO MWARO

¹⁸ Na wa rîmwe tûnyamû twekariî ta tûkoro twa rûûo rwa nthamaki nîtwagwîre kuuma methorî ma Saûlo na akîvota kwona rîngî. Nake nîwacokire akîrûngama na akîvatithua;

Ciîko 9:18 ပူးပေါင်းရင်းမြစ်များ

Ciîko 2:38

Nake Petero nîwamerire atîrî, “Mûndû wa wonthe gatagatîrî kenyu nwanginya erire mevia make na avatithue na rîîtwa rîa Jesû Kristû, nîguo overwe mevia make. Namue nîmûkwamûkîra Roho Mûtheru arî kîveo kuuma kûrî Ngai.

Ciîko 2:41

Kwoguo andû arîa metîkîîre ndûmîrîri îrîa Petero aamaveere, nîmaavatithirue. Mûthenya ûcio andû ngiri ta ithatû nîmoongererekire gîkundirî Kîam etîkia.

Ciîko 22:13

Nake nîwaûkire kûrî nie, akîrûngama vakuvî nanie na akîmbîra atîrî, ‘Saûlo mûrû wa îthe wetû, coka kwona rîngî!’ Na vîndî wa îo nînavotire kwona rîngî na ngîmûroria.

Ciîko 22:16

Na rîu wetererete Ndûî? Ûkîra ûvoe Ngai, ûvatithue na nîûkwoverwa mevia maku.’

Ciîko 9:17

Kwoguo Anania nîwathiîre, agîtonya mûciî kwa Judasi, akigîrîra Saûlo njara na akîmwîra atîrî, “Saûlo mûriû wa îthe wetû, nie nînatûmwa nî Mwathani Jesû ûrîa ûrakumîrîre vîndî îrîa we ûraûkîte gûkû. Ke andûma nîguo we ûvote kwona rîngî na wîcûrwe nî Roho Mûtheru.”

Ciîko 9:19

na arîkia kûrîa irio agîcokwa nî vinya. Kwa îvinda rîa mîthenya mînini Saûlo nîwekaranirie na etîkia arîa maarî Damesiki.

Ciîko 9:8

Nake Saûlo nîwarûngamire na akîvingûra metho, nwatî ndangîavotire kwona kîndû. Kwoguo andû arîa maarî nake nîmaathiîre mamûnyitîte njara nginya magîkinya Damesiki.

2Akor 3:14

Nwatî meciria mao nîmaaûmirue, wana nginya ûmûnthî meciria mao methagîrwa marî makunîkîre na gîtambaa wata kîu rîrîa makûthoma Kîrîkanîro kîrîa gîkûrû. Gîtambaa kîu kîmakunîkîrîte meciria kîrutagwa vo tu na njîra ya Kristû.

2Akor 4:6

Nîûndû Ngai nîke waugire atîrî, “Tiga ûtheri ware ndumarî.” Ngai ûcio nwake watûmire ûtheri wake ware ngororî cietû nîguo tûmenye riiri wa Ngai ûrîa ûrî ûthiûrî wa Kristû.