Ciîko 9:17 - ÎVUKU RÎA ÛVORO MWARO

¹⁷ Kwoguo Anania nîwathiîre, agîtonya mûciî kwa Judasi, akigîrîra Saûlo njara na akîmwîra atîrî, “Saûlo mûriû wa îthe wetû, nie nînatûmwa nî Mwathani Jesû ûrîa ûrakumîrîre vîndî îrîa we ûraûkîte gûkû. Ke andûma nîguo we ûvote kwona rîngî na wîcûrwe nî Roho Mûtheru.”

Ciîko 9:17 ပူးပေါင်းရင်းမြစ်များ

Kîam 45:4

Josefu nîwacokire akîmera atîrî, “Namûthaitha ûkani vakuvî.” Nao nîmaathiîre vakuvî nake na akîmeera atîrî, “Nînie Josefu, mûrwanyûkwe ûrîa mwendirie Misiri.

Mathaayo 19:13

Nao andû nîmaavirîre Jesû twana nîguo atwigîrîre njara na atûvoere. Nwatî arutwa ake nîmaamakanirie.

Maariko 5:23

“Kerîtu gakwa karî vakuvî gûkua. Wenda tu ûka ûkaigîrîre njara nîguo kavone na gatûûre mwoyo.”

Maariko 6:5

Nake Jesû ndaavota kûringa ciama kuo, tiga atî ke nîwaigîrîre arwaru anini njara na akîmavonia.

Luka 1:41

Rîrîa Elizabethi egwire ngethi cia Mariamu, mwana ûrîa warî îvurî rîake nîwathagatire. Nake Elizabethi nîwecûrirwe nî Roho Mûtheru,

Luka 1:67

Nake Zakaria îthe Johana, nîwecûrirwe nî Roho Mûtheru na akîratha atîrî:

Luka 1:76

“Nawe mwana ûyû wakwa ûgeetagwa mûrathi wa Ngai Ûrîa Ûrî Îgûrû Mûno. Nîûkaathiî mbere ya Mwathani, kûmûthondekera njîra ciake.

Luka 15:30

Nwatî mûvîcîguo anangîte indo cionthe ciaku marî na maraa, na acoka mûciî wamûthînjîra karegwa karîa kanoru!’

Luka 15:32

Nwatî nîkûragîrîrîte tûkûngûîre na tûkene nîûndû mûrwanyûkwe ûyû ararî mûkuû nwatî rîu nîmûriûku, na ararî mûru na rîu nî mwoneku.’ ”

Luka 2:11

nîûndû ûtukû wa ûmûnthî îtûûrarî rîa Daudi nîmûciarîrîtwe mûvonokia na nîke Kristû Mwathani.

Ciîko 10:36

Mue nîmwîcî ndûmîrîri îrîa Ngai aatûmire kûrî andû a Isiraeli. Ndûmîrîri îo yarî Ûvoro Mwaro wa thayû. Ûvoro ûcio waûkire na njîra ya Jesû Kristû ûrîa arî ke Mwathani wa andû onthe.

Ciîko 13:3

Kwoguo rîrîa maarîkirie kwînyerekia na makûvoya, nîmaaigîrîre Baranaba na Saûlo njara, na makîmatûma.

Ciîko 13:52

Nwatî etîkia nîmecûrirwe nî gîkeno na Roho Mûtheru.

Ciîko 19:6

Nake Paûlo nîwamaigîrîre njara na Roho Mûtheru akîmanyûrûrûkîra. Nao nîmaambîrîrie kwaria na nthiomi ng'eni na kûva andû ndûmîrîri îrîa yumîte kûrî Ngai.

Ciîko 2:4

Nao onthe nîmecûrirwe nî Roho Mûtheru, na makîambîrîria kwaria na nthiomi ciîngî wata ûrîa Roho ûcio aamavotithirie kwaria.

Ciîko 21:20

Rîrîa meegwire ûguo, nîmaakumirie Ngai. Nao nîmaacokire makîra Paûlo atîrî, “Mûrû wa îthe wetû, we nîûrona atî Ayahudi ngiri nyîngî nîmatuîkîte etîkia. Nao onthe nîmarûmagîrîra Watho wa Musa marî na kîîo kîîngî mûno.

Ciîko 26:15

Nanie nînaûririe atîrî, ‘We wî û, Mwathani?’ Nake Mwathani nîwambîrire atîrî, ‘Nie nînie Jesû ûrîa ûnyariraga.

Ciîko 4:31

Rîrîa maarîkirie kûvoya ûguo, nthî nîyainainire varîa maagomanîte. Nao andû onthe nîmecûrirwe nî Roho Mûtheru na makîanîrîra ndûmîrîri ya Ngai marî na ûmîrîru.

Ciîko 6:6

Nao etîkia nîmaanenganîre andû aya kûrî atûmwa, nao atûmwa makîmavoera na makîmaigîrîra njara.

Ciîko 8:17

Nao Petero na Johana nîmaamaigîrîre njara na etîkia acio makîamûkîra Roho Mûtheru.

Ciîko 9:18

Na wa rîmwe tûnyamû twekariî ta tûkoro twa rûûo rwa nthamaki nîtwagwîre kuuma methorî ma Saûlo na akîvota kwona rîngî. Nake nîwacokire akîrûngama na akîvatithua;

Aroma 15:7

Kwoguo amûkanagîrani mûndû na ûrîa wîngî, wata ûrîa Kristû aamwamûkîre nîguo Ngai akumague.

1Akor 15:47

Mûndû wa mbere, na nîke Adamu, aaumire rûkûngûrî rwa nthî, nwatî mûndû wa kaîrî aaumire îgûrû.

1Akor 15:8

Na mûthiiarî viû Jesû nîwanyumîrîre wa nanie wana ethîrwa mbîkariî ta mûndû waciarirwe atarî mûkinyiu vîndî ya gûciarwa.

1Akor 9:1

Na kinthî nie ndirî na wîyathi? Na kinthî nie ndirî mûtûmwa? Na kinthî nie ndionire Jesû Mwathani wetû? Na kinthî mue mûtirî maciaro ma wîra ûrîa Mwathani arutîte na njîra yakwa?

1Tim 4:14

Tûmîra kîveo Kîam roho kîrîa ûrî nakîo na waveerwe rîrîa arathi maaririe nao athuuri magîkwigîrîra njara.

1Tim 5:22

Ndûkanaigîrîre mûndû wana ûrîkû njara na karûgî atî nîguo atuîke ndungata ya Ngai. Ndûkagwatanîre na mevia ma mûndû wîngî, îkaraga ûrî mûtheru.

2Tim 1:6

Nîûndû wa gîtûmi gîkî nîrakûririkania ûrurumûkie kîveo kîrîa Ngai aakûveere vîndî îrîa naakwigîrîre njara.

File 1:16

Na rîu ke tî ngombo tu, nwatî nîakîrîte ngombo; nî mûrû wa îthe wetû. Nanie nîmwendete mûno, nwatî we nîûkûmwenda mûno makîria nîûndû ke nî ngombo yaku na nî mûrû wa îthe wetû wîtîkîtie Mwathani.

Ahib 6:2

Tûtiagîrîrwe nî gûcokera ûvoro wîgiî magongoona ma ûvatithio na kwiganîrîra njara, kûriûka na îtuîro rîa tene na tene.

2Pet 3:15

Tucagani gûkirîrîria kwa Mwathani wetû ta kamweke aramûva nîguo mûvonoke. Mûrû wa îthe wetû mwende Paûlo nîwamwîrire wa guo vîndî îrîa aamwandîkîre maarûa kûringana na ûûgî ûrîa Ngai aamûveete.