Ciîko 9:16 - ÎVUKU RÎA ÛVORO MWARO

¹⁶ Na nie mwene nîngûmwonia ûrîa ke akathînua nîûndû wakwa.”

Ciîko 9:16 ပူးပေါင်းရင်းမြစ်များ

Isaia 33:1

Kaî we mûcûkangia ûyû, wî thînarî-î! Ûcûkangagia na ndûcûkangagua, we wîkaga maûndû macûku, na gûtirî mûndû ûgwîkaga maûndû macûku! Rîrîa ûkaathiria gûcûkangia, wanawe nîûgaacûkangua! Rîrîa ûkaathiria gwîka andû maûndû macûku, wanawe nîûgekwa maûndû macûku.

Mathaayo 24:9

“Na mue nîmûgaacoka mûnyitwe na mûnenganîrwe kûrî andû nîguo mamûverithie na mamûûrage. Nao andû onthe a nthî nîmakaamûmena nîûndû wakwa.

Mathaayo 5:11

“Kûrathimwa nî mue vîndî îrîa andû mamûruma, mamûnyarira, na mamwigîrîra ing'enyo cia mîthemba na mîthemba nîûndû mûrî arûmîrîri akwa.

Johana 15:20

Taririkanani ûrîa namwîrire atî: ‘Gûtirî ngombo nene gûkîra mûmîathi.’ Angîthîrwa andû nîmaanyaririre, wa namue nîmakaamûnyarira. Ethîrwa nîmaathîkîre ciugo ciakwa, wana nginya cienyu nîmagaaciathîkîra.

Ciîko 14:22

Nao nîmeekîrire etîkia vinya, makîmaûmîrîria mekarage mekindîrîtie wîtîkiorî na makîmeera atîrî, “Nwa nginya twone mathîna meengî mûno mbere ya tûtonye Ûthamakirî wa Ngai.”

Ciîko 21:11

Nake nîwaûkire kûrî tue, agîoca mûcivi wa Paûlo, akîîova naguo njara ciake na magûrû, na akiuga atîrî, “Roho Mûtheru arauga atîrî: ‘Mwene mûcivi ûyû akoovwa wata ûguo nî Ayahudi arîa marî Jerusalemu na macoke mamûnenganîre kûrî andû a Ndûrîrî.’ ”

Ciîko 21:13

Nwatî nîwatûcokerie atîrî, “Mue mûreka atîa? Mûrarîra methori na mûkambûraga ngoro nîkî? Nie nînîvarîrîtie kwovwa njeera wana gûkua nîrî kûu Jerusalemu nîûndû wa rîîtwa rîa Mwathani Jesû.”

Ciîko 21:4

Rîrîa twacaririe arutwa kûu Turo na tûkîmona, nîtwekaranirie nao kuo mîthenya mûgwanja. Nao monetue nî Roho Mûtheru nîmeerire Paûlo ndakathiî îtûûrarî rîa Jerusalemu.

Ciîko 9:14

Rîu ke nîarîkîtie gûka gûkû Damesiki. Nao anene a athînjîri-Ngai nîmamûvete wathani wa kûnyita mûndû wa wonthe ûrîa ûkûgoocaga.”

Ciîko 9:6

“Nwatî ûkîra wa rîu, ûthiî îtûûrarî, na nîûkwîrwa ûrîa wagîrîrîtwe nî gwîka.”

2Akor 6:4

Vandû va ûguo, maûndûrî monthe marîa twîkaga twonanagia atî tûrî ndungata cia Ngai na njîra ya gûkirîrîria tûmîrîrîtie mathîna, morito na kûthînîka kwîngî.

1Ath 3:3

nîguo gûtikagîe mûndû wana ûmwe wa cienyu ûgûcoka na vuva nîûndû wa mînyamaaro îno. Mue ene nîmwîcî atî mînyamaaro ta îo nî gîcunjî kîmwe Kîam wendi wa Ngai kûrî tue.

2Tim 1:12

na ûndû ûyû nîguo ûtûmaga nthînue. Nwatî ndingîconoka, nîûndû nîmbicî Ngai ûrîa mbîtîkîtie na nîrî nama atî ke arî na ûvoti wa kûngitîra vamwe na kîrîa amvete nginya mûthenya wa mûthiia.

2Tim 3:11

Wana nîûrûmîrîrîte kûnyarirwa gwakwa, na mathîna makwa. We nîwîcî ûrîa naanyaririrwe rîrîa naarî Antiokia, Ikonia, Lusitera, na ngîûmîrîria! Nwatî Mwathani nîwandethûrire kuuma mînyamaarorî îo yonthe.

1Pet 4:14

Kûrathimwa nî mue ethîrwa mûrumagwa nîûndû nîmûrûmagîrîra Kristû. Ûndû ûyû wonanagia atî Roho ûrîa ûrî riiri na nîke Roho wa Ngai, ekaraga namue.

Kûguû 1:9

Nie nînie Johana mûrû wa îthe wenyu. Nî mbîtîkîtie Jesû na nîrî ûmwe wenyu. Nîtûgwatanagîra namue ngirîrîtie ngîûmagîrîria kûthînua kûrîa gûkaga kûrî arîa marî a Ûthamaki wake. Nie naigirwe gîcîgîrîrarî gîtagwa Patimo nîûndû nînaanîrîre Ûvoro wa Ngai na Ûma ûrîa Jesû aaguûririe.