Ciîko 9:13 - ÎVUKU RÎA ÛVORO MWARO

¹³ Nwatî Anania nîwacokirie atîrî, “Mwathani, andû eengî nîmambîrîte ûvoro wîgiî mûndû ûcio, na wîgiî maûndû monthe macûku marîa ke ekîte andû aku atheru arîa marî kûu Jerusalemu.

Ciîko 9:13 ပူးပေါင်းရင်းမြစ်များ

Ezek 3:14

Nînacokire ngîambararua nî Roho na akînguua ngîthiî nîrî na ûrûrû na marakara ngororî, na Ngai-Mûnene akîmboca na vinya wake.

Mathaayo 10:16

“Tathikîrîriani, namûtûma ta ng'ondu gatagatîrî ga ciathi. Kwoguo, gîani na ûûgî ta njoka na mwîthîrwe mûrî avoreri ta ndutuura.

Ciîko 22:4

Nînaanyariraga andû arîa maarûmagîrîra Njîra îno ya Mwathani. Nînaanyitaga arûme na aka na ngamavingîrithia njeera.

Ciîko 8:3

Nwatî Saûlo nîwageririe kûthiria kanitha. Nake nîwathiîcaga agîtonyaga nyomba wa nyomba akîrutûrûraga etîkia, arûme na aka na agatûmaga mavingîrwe njeera.

Ciîko 9:1

Nwatî kavindarî wa kau Saûlo nîwekaraga akîvavûraga arûmîrîri a Mwathani, akiuga atî nîakûmaûraga. Kwoguo nîwathiîre kûrî Mûthînjîri-Ngai ûrîa mûnene,

Ciîko 9:21

Nao andû onthe arîa maamwîgwire nîmaamakire mûno na makîûrania atîrî, “Na kinthî mûndû ûyû tîke ûrîa ûrarî Jerusalemu, na nîke ûraûragaga andû arîa magoocaga mûndû ûcio wîtagwa Jesû? Wana kinthî ke twake ûraûkire gûkû nîûndû wa gîtûmi wa kîu gîa kûnyita arûmîrîri acio a Jesû akîmacokagia kûrî anene a athînjîri-Ngai?”

Ciîko 9:32

Rîrîa Petero aathiîcaga kûndû na kûndû, nîwacerere andû a Ngai arîa maatûûraga gîcagirî Kîam Lîda.

Ciîko 9:41

Nake Petero nîwamûnengererie njara na akîmûtethia kûrûngama. Nîwacokire agîîta etîkia na aka a ndigwa na akîmûnenganîra kûrî o arî mwoyo.

Aroma 1:7

Kwoguo nîramwandîkîra maarûa îno muonthe arîa mûtwîre Roma, mue arîa mwendetwe nî Ngai na mwîtîtwe mûtuîke andû ake. Wega na thayû wa Ngai Îthe wetû na wa Mwathani Jesû Kristû irogîa namue.

Aroma 15:31

Voyani atî ngitîrwe kûrî andû arîa matetîkîtie arîa marî Judea, na mûvoe nîguo ûtungata wakwa kûu Jerusalemu wîtîkîrîke kûrî andû a Ngai.

Aroma 16:15

Kethiani Filologo, Julia, Nerea na mwarî wa ng'ina, Olîmupa na andû a Ngai onthe arîa mekaranagia nao.

Aroma 16:2

Mwamûkîreni nîûndû ke nîwîtîkîtie Mwathani, wata ûrîa andû a Ngai magîrîrwe nî kwamûkîrwa. Mûtethieni na kîrîa kîonthe angîvatara, nîûndû ke aanandethia na aanatethia andû eengî.

1Akor 1:2

nîtwamwandîkîra maarûa mue kanitha wa Ngai ûrîa ûrî îtûûrarî rîa Korinitho na kûrî arîa onthe metîtwe matuîke andû a Ngai arîa matuîkîte ake marî na ûrûmwe na Jesû Kristû. Mue mwîtîtwe mûtuîke andû a Ngai mûrî vamwe na andû onthe arîa marî kûndû kuonthe na magoocaga Mwathani wetû Jesû Kristû ûrîa arîke Mwathani wao na wetû:

1Akor 14:33

Nîûndû Ngai tî Ngai wa kûvîngîcithania maûndû nwatî nî Ngai wa thayû. Wa ta ûrîa gwîkariî makanitharî monthe ma andû a Ngai,

1Akor 16:1

Rîu nîngwandîka ûvoro wîgiî mbeca irîa irutagwa nîûndû wa andû a Ngai arîa marî Judea. Mue îkagani wata ûrîa nerire makanitha ma Galatia.

1Akor 6:5

Nie nîrauga ûguo nîguo nîmûconore. Na ma nwa kûvoteke atî gûtirî na mûndû mûûgî wana ûmwe gatagatîrî kenyu ûngîvota kwîgwithania Akristiano mavîtanîtie?

Aefeso 1:1

Kuuma kûrî nie Paûlo, ûrîa Ngai aatuire mûtûmwa wa Jesû Kristû nîûndû ûcio nîguo warî wendi wake. Kûrî andû a Ngai arîa marî Efeso, arîa evokeku ûtûûrorî wao na marî kîndû kîmwe na Jesû Kristû.

Afil 1:1

Kuuma kûrî Paûlo na Timotheo, ndungata cia Jesû Kristû. Kûrî andû a Ngai onthe a Filipi arîa methagîrwa marî kîndû kîmwe na Jesû Kristû, wa vamwe na atongoria a kanitha na arîa mamatethagîrîria.

Afil 4:22

Andû onthe a Ngai arîa marî gûkû na mûno makîria arîa marî mûciî kwa mûthamaki wa Roma nîmamûkethia.

Akol 1:2

Mue ariû na aarî a îthe wetû evokeku andû a Ngai mûtûûraga Kolosai, mûrogîa na wega na thayû kuuma kûrî Ngai Îthe wetû.

Ahib 13:24

Kethiani atongoria enyu onthe wana etîkia onthe. Ariû na aarî a îthe wetû kuuma Italia nîmamûkethia.

Juda 1:3

Arata akwa ende, nie nînendete mûno kûmwandîkîra ûvoro wîgiî ûvonokio ûrîa tûnyitanagîra tuonthe. Nwatî nînonire kûrî kwagîrîru nîmwandîkîre, nîguo nîmwîkîre vinya mûthiî na mbere kûrûîrîra wîtîkio ûrîa Ngai aaveere andû ake rita rîmwe na rîa kwîgana.

1Sam 16:2

Nake Samueli nîwaûririe atîrî, “Nîngîka ûguo atîa? Saûlo angîgua ûguo nîkwa akambûraga!” Nake Ngai-Mûnene nîwerire Samueli atîrî, “Oca mori ûthiî nayo na uge atî ûthiîte kuo kûrutîra Ngai-Mûnene kîgongoona.