Ciîko 9:11 - ÎVUKU RÎA ÛVORO MWARO

¹¹ Nake Mwathani nîwamwîrire atîrî, “Ûkîra ûthiî njîrarî Nûngarû, na wona wakinya mûciî kwa Judasi, ûrîrîrie mûndû ûmwe wa kuuma îtûûrarî rîa Tarishisi wîtagwa Saûlo. Rîu ke arî kûu akîvoya,

Ciîko 9:11 ပူးပေါင်းရင်းမြစ်များ

Thaburi 50:15

Mbîtaga vîndî îrîa wanyitwa nî thîna; nîngaakûvonokia nawe nîûkaangumia.”

Nthi 15:8

Ngai-Mûnene nîakenagua nî mavoya ma andû arîa athingu, nwatî nîathûrîte magongoona marîa arutagîrwa nî andû arîa aganu.

Zakaria 12:10

“Njiarwa cia Daudi na andû arîa matûûraga îtûûrarî rîa Jerusalemu nîngaamecûria roho wa kwîgucanîra ntha na wa kûvoya. Nao maaroria ûrîa maamundire, nîmakaamûcakaîra ta ûrîa mûndû acakaagîra mwana wa kîmomwe, na mamûrîrîre na ûrûrû mwîngî ta wa mûndû ûkûrîrîra îrikithathi rîakua.

Johana 4:10

Jesû nîwamûcokerie atîrî, “Kethîrwa nwa ûmenye kîrîa Ngai avecanaga, na nî ûrîkû ûrakûvoya manjî ma kûnyua, we nîûngîamûvoya na nîangîakûva manjî ma mwoyo.”

Ciîko 11:13

Nake nîwatwîrire ûvoro wîgiî mûraika ûrîa oonire arûngamîte kûu nyomba gwake. Nake mûraika ûcio nîwamwîrire atîrî, ‘Tûma andû mathiî Jopa makagîre Simoni ûrîa wîtagwa Petero.

Ciîko 11:25

Nake Baranaba nîwacokire akîthiî Tarishisi gûcaria Saûlo.

Ciîko 2:21

Na mûndû wa wonthe ûgeeta Mwathani akîenda ûtethio nîakaavonokua.’

Ciîko 21:39

Nake Paûlo nîwamwîrire atîrî, “Nie nîrî Mûyahudi na naaciarîrwe Tariso vûrûrirî wa Kilikia. Nie nîrî mûndû wa kuuma îtûûrarî rîu rîa vata. Nie nîrakûthaitha ûmbîtîkîrie tu mbarîrie andû.”

Ciîko 22:3

“Nie nîrî Mûyahudi, na naaciarîrwe Tariso vûrûrirî wa Kilikia, nwatî ngîrererwa gûkû îtûûrarî rîîrî rîa Jerusalemu. Gamalieli nîke wanthomithirie. Ke nîwanthomithirie na njîra îno mbîcûru viû ûvororî wîgiî Watho wa methe metû ma tene. Nie nînatungatagîra Ngai nîrî na kîîo kîîngî mûno wa tamue muonthe arîa mûrî ava ûmûnthî.

Ciîko 8:22

Kwoguo îrire nîûndû wa waganu ûcio waku na ûvoe Mwathani akwovere nîûndû wa kûgîa na rîciria ta rîu.

Ciîko 8:26

Mûraika wa Mwathani nîwerire Filipu atîrî, “Ûkîra na ûthiî werekerete îveti njîrarî îrîa yumîte Jerusalemu îthiîte Gaza.” (Njîra îo îvîtûkîrîrîte werûrî).

Ciîko 9:30

Rîrîa etîkia maamenyire ûvoro ûcio, nîmaamûvirire Kaisarea na makîmwîra athiî îtûûrarî rîa Tarishisi.

Gûco 4:29

Mûrî kûu, nîmûgaacaria Ngai-Mûnene, Ngai wenyu na nîmûkaamwona, ethîrwa nama nîmûkaamûcaria na ngoro yonthe na mwoyo wonthe.