Ciîko 9:10 - ÎVUKU RÎA ÛVORO MWARO

¹⁰ Nakuo kûu Damesiki kwarî na mwîtîkia ûmwe wetagwa Anania. Nake Mwathani nîwamumîrîre na njîra ya kîoneki na akîmwîra atîrî, “Anania!” Nake nîwamûcokerie atîrî, “Nie nîrî ava, Mwathani.”

Ciîko 9:10 ပူးပေါင်းရင်းမြစ်များ

Kîam 14:15

Arî kûu, Aburamu nîwagaanirie andû ake a mbaara ikundi, na makîthithûkîra nthû ciao ûtukû. Ke na njamba ciake nîmaavootire andû acio makîmavinyûria makîmakinyia nginya Hoba mwena wa rûgûrû wa Damesiki.

Kîam 22:1

Vuva wa maûndû mau Ngai nîwageririe Iburahimu. Nîwamwîrire atîrî, “Iburahimu!” Nake Iburahimu nîwacokirie atîrî, “Îî nîrî ava!”

Kîam 31:11

Nake mûraika wa Ngai nîwambarîrie na njîra ya kîroto akîmbîra atîrî, ‘Jakovu.’ Nanie ngiuga, ‘Îî nîrî ava.’

2Sam 15:26

Nwatî angîthîrwa tî mûkenu nînie gûtirî ûndû, nîakambîka wa ûrîa akoona kwagîrîrîte.”

Ntha 3:4

Rîrîa Ngai-Mûnene oonire Musa nîwakuvîvîria, arî gatagatî ga kîthaka nîwamwîtire atîrî, “Musa! Musa!” Musa nîwacokirie atîrî, “Îî nîrî ava.”

Isaia 6:8

Nînacokire ngîgua Mwathani akîûria atîrî, “Nîûrîkû ngûtûma? Nîûrîkû ûgûtuîka mûnjaama wetû?” Nanie nînacokirie atîrî, “Nîrî ava! Ndûma!”

Danieli 2:19

Ûtukû wa ûcio Ngai nîwaguûrîrie Danieli nthitho îo na njîra ya kîoneki. Nake nîwagoocire Ngai wa îgûrû,

Ndari 12:6

Ngai-Mûnene, nîwamerire atîrî, “Tanthikîrîriani! Rîrîa kûrî na arathi gatagatîrî kenyu, nie nîîmenyithanagia kûrî o na njîra ya cioneki na ngamarîria na njîra ya iroto.

Ciîko 10:3

Na mûthenya ûmwe kîndû ta thaa kenda cia mûthenya, Korinelio nîwagîre na kîoneki. Nake nîwonire mûraika wa Ngai waro. Mûraika ûcio nîwamumîrîre na akîmwîra atîrî, “Korinelio!”

Ciîko 11:5

“Nie naarî îtûûrarî rîa Jopa. Na rîrîa naavoyaga, nînaagîre na kîoneki. Nînoonire kîndû gîkiuma îgûrû gîkariî ta cuka nene îkînyûrûrûkua kuuma îgûrû înyitîtwe mîthiia yayo îna. Nayo cuka îo nîyaûkire vakuvî mûno nanie.

Ciîko 12:9

Kwoguo Petero nîwamûrûmîrîre na makiuma nja ya njeera, nwatî ke ndaamenyaga kana maûndû mau mûraika eekaga maarî ma ma. Petero eeciragia nî kîoneki arona.

Ciîko 16:10

Na rîrîa Paûlo aarîkirie kûgîa na kîoneki kîu, tue nîtwevarîrie wa rîo kûthiî Makedonia, nîûndû nîtwatwire ciira atî Ngai nîwatwîtîte tûvunjîrie andû arîa maarî kûu Ûvoro Mwaro.

Ciîko 16:9

Na ûtukû ûcio, Paûlo nîwagîre na kîoneki na akîona mûndû wa kuuma Makedonia. Nake mûndû ûcio nîwarûngamire na akîmûthaitha akîmwîraga atîrî, “Ûka Makedonia ûgatûtethie!”

Ciîko 18:9

Na ûtukû ûmwe Mwathani nîwarîrie Paûlo na njîra ya kîoneki, akîmwîra atîrî, “Tiga kûgîa na guoya. Thiî na mbere kwarîria andû na ndûgakire.

Ciîko 2:17

‘Ngai augîte atî: Mîthenyarî ya mûthiia, nie nîngetîrîria andû onthe Roho wakwa. Ariû na aarî enyu nîmakaanîrîra ndûmîrîri yakwa kûrî andû; anake enyu na erîtu enyu nîmakoona cioneki, nao andû enyu arîa akûrû, nîmakaarota iroto.

Ciîko 22:12

“Na kûu îtûûrarî rîu nîkwarî na mûndû wetagwa Anania. Ke nîwathîkagîra Watho wa Musa mûno na nîwavetwe gîtîîo mûno nî Ayahudi onthe arîa maatûûraga kûu Damesiki.

Ciîko 9:12

na nîagîte na kîoneki na akona mûndû wîtagwa Anania akîthiî kûrî ke na akîmwigîrîra njara nîguo amûvotithie kwona rîngî.”

Ciîko 9:9

Nake nîwekarire mîthenya îthatû atakûvota kwona na atakûrîa kana kûnyua wa naarî kîndû.

2Akor 11:32

Rîrîa naarî Damesiki, mûndû ûrîa wathanaga vandûrî va mûthamaki Areta nîwaigire athigari ivingorî cia îtûûra nîguo manyite.

Agal 1:17

Wa na ndiathiî Jerusalemu kwona arîa maatuîkîte atûmwa mbere yakwa. Vandû va ûguo, naathiîre Arîbia na vuvarî ngîcoka Damesiki rîngî.

1Sam 3:4

Ngai-Mûnene nîwetanire akiuga atîrî, “Samueli! Samueli!” Nake Samueli agîcokia atîrî, “Îî nîrî ava.”