Ciîko 8:40 - ÎVUKU RÎA ÛVORO MWARO

⁴⁰ Nake Filipu nîweîthîre arî îtûûrarî rîetagwa Azotu. Nake nîwaumire Azotu na akîthiî akîvunjagia Ûvoro Mwaro matûûrarî monthe nginya agîkinya Kaisarea.

Ciîko 8:40 ပူးပေါင်းရင်းမြစ်များ

Zakaria 9:6

Ageni nî o magaatûûra Ashidodi, na nîngathiria mwîtîîo wa andû a Filisiti.

Ciîko 10:1

Nakuo Kaisarea kwarî na mûndû ûmwe wetagwa Korinelio, warî mûnene wa athigari magana matandatû a mbûtû ya Roma îrîa yetagwa “Mbûtû ya Italia.”

Ciîko 10:24

Mûthenya ûcio warûmîrîrîte, nîmaakinyire Kaisarea, kûrîa Korinelio aametererete arî vamwe na andû a mûciî wake na arîa maarî na ûraata mûnene mûno nake.

Ciîko 11:11

Na kavinda wa kau, andû athatû arîa maatûmîtwe kûrî nie kuuma Kaisarea nîmaakinyire nyomba kûrîa twarî.

Ciîko 12:19

Nake Herode nîwarutire watho akiuga Petero acarue kûndû kuonthe, nwatî matiamwona. Kwoguo nîwatuîririe arangîri waro na akîruta watho akiuga maûragwe. Na vuva wa ûguo Herode nîwanyûrûrûkire akiuma Judea akîthiî Kaisarea agîkara kuo.

Ciîko 18:22

Na rîrîa Paûlo aakinyire Kaisarea, nîwathiîre Jerusalemu, agîkethia andû a kanitha, na agîcoka akîthiî Antiokia.

Ciîko 21:16

Nao arutwa amwe a kuuma îtûûrarî rîa Kaisarea nîmaathiîcanirie natue na magîtûvira nyomba kwa Munasoni ûrîa twathiîte gwîkara gwake. Ke aarî wa kuuma gîcîgîrîrarî gîa Kuporo na aarî ûmwe gatagatîrî ka etîkia arîa a mbere.

Ciîko 21:8

Naguo mûthenya ûcio warûmîrîrîte nîtwaumire kûu Pitolemai na tûkîthiî îtûûrarî rîa Kaisarea. Kûu nîtwatonyire nyomba kwa Filipu ûrîa warî ûmwe gatagatîrî ka andû mûgwanja arîa maathuurîtwe matuîke atethereria kûu Jerusalemu.

Ciîko 23:23

Nake mûnene wa mbûtû ya athigari nîwacokire agîîta anene aîrî a athigari îgana na akîmeera atîrî, “Nîrenda andû a kûthiî Kaisarea. Varîria athigari magana maîrî, na methîrwe marî vamwe na athigari mîrongo mûgwanja arîa marûaga matûîte mbarathi, na athigari magana maîrî arîa marûaga na matumû. Andû acio mevarîrie makaauma gûkû thaa îthatû cia ûtukû.

Ciîko 23:33

Rîrîa athigari arîa marûaga matwîte mbarathi maakinyire Kaisarea, nîmaakinyirie maarûa îo kûrî mûnene Feliki na makînenganîra Paûlo kûrî ke.

Ciîko 25:1

Mîthenya îthatû yathira kuuma Fesito atuîka mwarîrîria wa thirikari, nîwaumire Kaisarea akiunûkia Jerusalemu.

Ciîko 25:13

Mîthenya mînini yarîkia kûvîtûka, Mûthamaki Angiripa na Banîci nîmaakinyire Kaisarea mathiîte gûcerera na kûnyita Fesito ûgeni.

Ciîko 25:4

Nake Fesito nîwamacokerie atîrî, “Paûlo aigîtwe ovetwe njeera Kaisarea na nie mwene nîmvangîte gûcoka kuo vuva wa kavinda kanini.

Ciîko 25:6

Fesito nîwekaranirie nao mîthenya înana kana îkûmi na agîcoka akînyûrûrûka Kaisarea. Na mûthenya ûcio wîngî, Fesito nîwatonyire îgootirî, agîkarîra gîtî arî mûtucanîri ciira na akîathana Paûlo atonyue kuo.

Ciîko 8:25

Rîrîa Petero na Johana marîkirie kûvecana ûira na kwanîrîra ndûmîrîri ya Mwathani, nîmaacokire Jerusalemu. Nao marî njîrarî nîmaavîtûkîrîre icagirî nyîngî cia Samaria, makîvunjagîria andû Ûvoro Mwaro.

Ciîko 9:30

Rîrîa etîkia maamenyire ûvoro ûcio, nîmaamûvirire Kaisarea na makîmwîra athiî îtûûrarî rîa Tarishisi.

Aroma 15:19

na njîra ya kûgîa na vinya wa kûringa ciama na gwîka maûndû ma magegania, na na njîra ya vinya ya Roho Mûtheru. Kwoguo kuuma Jerusalemu nthiûrûrûkîte kûndû kuonthe na ngakinya Iluriko ngîvunjagia Ûvoro Mwaro wa Kristû.

Josh 11:22

Vûrûrirî wa Isiraeli gûtirî mûndû wa kîruka Kîam Anaki watigarire arî mwoyo. Andû mataarî engî ao maatigarire matûûrarî ma Gaza, Gathu na Ashidodi.

1Sam 5:1

Afilisiti maatava îthandûkû rîa kîrîkanîro rîa Ngai, nîmaarîkuuire makîrîruta kûu Ebeneza na makîrîvira îtûûrarî rîao, rîrîa rîetagwa Ashidodi.