Ciîko 8:30 - ÎVUKU RÎA ÛVORO MWARO

³⁰ Kwoguo vîndî îrîa Filipu aakinyîrîre mûndû ûcio, nîwamwîgwire akîthoma mandîko kuuma îvukuurî rîa mûrathi Isaia. Nake Filipu nîwamûririe atîrî, “We! Nîûrataûkîrwa nî ûrîa ûrathoma?”

Ciîko 8:30 ပူးပေါင်းရင်းမြစ်များ

Thaburi 119:32

Ngaarûmagîrîra ûrîa maathani maku maugîte, nîûndû nîûmvecaga ûtaûku mwîngî.

Mûvunjia 9:10

Rutaga wîra waku na vinya yaku yonthe nîûndû kwa arîa akuû gûtirî kûruta wîra, kana gwîciiria, gûtirî ûmenyo kana ûûgî na kûu nîkuo ûthiîte.

Mathaayo 13:19

Andû arîa megucaga ndûmîrîri îgiî Ûthamaki nwatî makarega gûtaûkîrwa, mekariî ta mbeû irîa ciagwîre gacîrarî. Ûrîa Mûcûku nîaûkaga na akamacuna kîrîa kîravandîtwe ngororî ciao.

Mathaayo 13:23

Nacio mbeû irîa ciagwîre mûtheturî ûrîa warî mûnoru, ivananîtue na andû arîa megucaga ndûmîrîri îo na magataûkîrwa nîyo. Kûrî andû amwe nîiciaraga maita îgana rîmwe, kûrî engî maita mîrongo îtandatû na kûrî engî maita mîrongo îthatû.”

Mathaayo 13:51

Jesû nîwaûririe arutwa ake atîrî, “Maûndû mama nîmaramûtaûkîra?” Nao nîmaamûcokerie atîrî, “Ii nîmaratûtaûkîra.”

Mathaayo 15:10

Nake Jesû nîwacokire agîîta andû mathiî kûrî ke na akîmeera atîrî, “Tathikîrîriani na mûtaûkîrwe!

Mathaayo 24:15

“Mue nîmûkoona ‘Kîndû kîrîa kîrî mûgiro’ kîrîa mûrathi Danieli aaririe ûvoro wakîo kîrûngamîte vandû varîa vatheru.” (Mûndû ûrîa ûrathoma nîataûkîrwe nî ûrîa kûrerwa!)

Maariko 13:14

“Rîrîa mûkoona kîndû kîrîa kîrî mûgiro kîrî varîa gîtagîrîrwe nîkwîthîrwa kîrî.” (Mûndû ûrîa ûrathoma nîataûkîrwe nî ûrîa kûreerwa) “Vîndî îo andû arîa makeethîrwa marî Judea, nîmakaaûra mathiîte irîmarî.

Johana 4:34

Jesû nîwamerire atîrî, “Irio ciakwa nî kûvingia wendi wa ûrîa wandûmire na kûrîkia wîra ûrî aamveere ndute.

Johana 5:39

Mue mûthomaga Mandîko Matheru nîûndû mwîciragia atî mwamathoma nîmûkûgîa na mwoyo wa tene na tene. Mandîko Matheru maragia ûvoro ûmbîgiî.

Ciîko 8:27

Kwoguo Filipu nîwaûkîrire na akîthiî. Na arî njîrarî nîwonire mûndû ûmwe wa kuuma Ethiopia warî ngaramba. Mûndû ûcio aarî wa vata mûno na waigaga mbeca cia mûndûmûka wathamakaga Ethiopia wetagwa Kandake. Mûndû ûcio aarî njîrarî enûkîte aumîte Jerusalemu kûgooca Ngai. Nake aathiîte ekarîrîte gîkaari gîake kîgucîtue nî mbarathi, akîthomaga mandîko kuuma îvukuurî rîa mûrathi Isaia.

Ciîko 8:29

Nake Roho Mûtheru nîwerire Filipu atîrî, “Thiî vakuvî na ûgendanie na gîkaari kîu kîgucîtue nî mbarathi.”

Ciîko 8:31

Nake mûndû ûcio nîwacokerie Filipu atîrî, “Nîngîvota gûtaûkîrwa atîa ndatarîrîtue nî mûndû? Nake nîwathaithire Filipu atwe ndaarî mekaranîre nake.

Ciîko 8:5

Filipu nîwathiîre îtûûrarî rîrîa rîarî rînene viû vûrûrirî wa Samaria na akîvunjîria andû arîa maarî kuo ûvoro wîgiî Mesaya.

1Akor 14:19

Nwatî mîcemaniorî ya kanitha nî kava mbarie ciugo ta ithano tu irîa andû mangîvota gûtaûkîrwa nîcio nîguo nthomithie andû arîa engî, gûkîra kwaria ciugo ngiri îkûmi na nthiomi.

Aefeso 5:17

Kwoguo tigagani gûtuîka irimû. Nwatî geragiani kûmenya ûrîa Mwathani endaga mwîke.

Kûguû 13:18

Ava varenda ûûgî. Ûrîa ûrî na ûtaûku atuîrie ûrîa namba ya nyamû îo yugîte, nîûndû namba îo nî rîîtwa rîa mûndû. Nayo namba îo nî magana matandatû na mîrongo îtandatû na ithathatû (666).