Ciîko 8:27 - ÎVUKU RÎA ÛVORO MWARO

^27-28 Kwoguo Filipu nîwaûkîrire na akîthiî. Na arî njîrarî nîwonire mûndû ûmwe wa kuuma Ethiopia warî ngaramba. Mûndû ûcio aarî wa vata mûno na waigaga mbeca cia mûndûmûka wathamakaga Ethiopia wetagwa Kandake. Mûndû ûcio aarî njîrarî enûkîte aumîte Jerusalemu kûgooca Ngai. Nake aathiîte ekarîrîte gîkaari gîake kîgucîtue nî mbarathi, akîthomaga mandîko kuuma îvukuurî rîa mûrathi Isaia.

Ciîko 8:27 ပူးပေါင်းရင်းမြစ်များ

Zefania 3:10

Kuuma mûringo wa nyûnjî cia Ethiopia, andû akwa arîa manyaganîtie kûndû na kûndû, nîmakaandetere maruta.

Thaburi 68:31

Aarîrîria nîmagaaûka kuuma Misiri; andû a Ethiopia nîmakaavirîra Ngai ûtonga wao.

Jeremia 38:7

Nwatî Ebedimeleku, ûrîa warî ngaramba kuuma Ethiopia na wekaraga nyomba kwa mûthamaki nîweguire atî nîmaikîtie Jeremia kîrikorî Kîam manjî kîrî na ndaka. Vîndî îo mûthamaki ekarîte kîvingorî Kîam Benjamini.

Thaburi 87:4

Misiri na Babuloni nî mamwe ma mavûrûri marîa mambicî; wana andû a Filisiti, Turo na Ethiopia, onthe maaciarîrwe kuo.

Johana 12:20

Kwarî Angiriki maarî gatagatîrî ka andû arîa maathiîte îtûûrarî rîa Jerusalemu kûgooca Ngai vîndî ya Kîrugo Kîam pasaka.

Mathaayo 12:42

Mûthenya wa îtuîro, mûndûmûka mûthamaki wa Sheba nîakaarûngama na onanie ûrîa mue andû a rûciaro rûrû mûrî acûku. Mûndûmûka ûcio nîwathiîre rûgendo rûraca kûthikîrîria ûûgî wa mûthamaki Solomoni. Nie nîramwîra atî ava varî na mûndû mûnene gûkîra Solomoni.

Jeremia 13:23

Mûndû nwa agarûre rangi wa ngoothi yake, kana ngarî îcenjie maroro mayo? Ethîrwa nwa magarûre, wana mue mûmenyerete gwîka naaî, nwa mwîke maûndû marîa magîrîrîte.

Isaia 66:19

na nîngaamonia rûûri rwa vinya wakwa gatagatîrî kao. “Nwatî arîa magaatigara nîngaamatûma mathiî mavûrûrirî ma kûraca; namo nî: Tarishishi, Lîbia, na Lîdia (kûrîa kûrî andû maicîkene na gûtûmîra ûta na mîguî mûno.) Wana nîngaamatûma mathiî mavûrûrirî ma Tubali na Ngiriki, wana mavûrûrirî ma kûraca marîa marî vakuvî na îria, marîa matanegua ngumo ya rîîtwa rîakwa wana kana moona riiri wakwa. Andû acio akwa nîmakaanîrîra ûvoro wa riiri wakwa mavûrûrirî mau monthe.

Isaia 60:6

Ikundi cia ngamîîra nîigaakunîka vûrûri waku, njaû cia ngamîîra cia kuuma Midiani na Efa. Cionthe nîigaaûka kuuma Sheba ikûreterete thaavu na ûbani, na nîikaanîrîra ngumo ya Ngai-Mûnene!

Isaia 60:3

Ndûrîrî nîigaaûka ûtherirî waku, nao athamaki maûke ûkengurî waku.

Isaia 45:14

Ngai-Mûnene arera Isiraeli atîrî, “Ûtonga wa Misiri na indo cia Ethiopia ikethîrwa irî cienyu, nao andû arîa araca na îgûrû a Seba, nîmagaaûka kûrî we na methîrwe marî aku, na makûrûmîrîre. Nîmagaaûka kûrî we movetwe na mînyororo, na makwînamîrîrie mothiû mao makiugaga atî: ‘Ngai arî vamwe nawe, na gûtirî ngai îngî tiga ke.’ ”

Isaia 43:6

Nîngera mwena wa rûgûrû, ‘Marekererie mathiî,’ naguo mwena wa îveti nîwîre, ‘Ndûkamavingîrîrie.’ Cokiani andû akwa kuuma mavûrûri ma kûraca, na mûrete erîtu akwa kuuma mîthiia ya nthî.

Thaburi 68:29

kuuma hekarûrî yaku Jerusalemu, kûrîa athamaki makûretagîre iveo.

1Atha 10:1

Rîrîa mûndûmûka ûrîa warî mûthamaki wa Sheba eegwire ngumo ya Solomoni ûvororî wîgiî rîîtwa rîa Ngai-Mûnene, nîwathiîre kûrî Solomoni kûu Jerusalemu nîguo amûgerie na njîra ya kûmûria ciûria ndito.

Ahib 11:8

Nîûndû wa wîtîkio Iburahimu etwa nî Ngai nîwathîkire. Ngai nîwerire Iburahimu aume athiî vûrûrirî ûrîa aamwîrîrîte nî akaamûva. Iburahimu nîwatigire vûrûri wake, nwatî ndaamenyaga kûrîa aathiîte.

Jeremia 39:16

“Thiî ûkeere Ebedimeleku ûrîa Mûethiopia atî Ngai-Mûnene mwene vinya wonthe, Ngai wa Isiraeli augîte atî: Taroria, nie nîngaavingia maûndû marîa neranîre megiî îtûûra rîîrî, maûndû macûku na tî maûndû maro. Maûndû mau makavinga mûthenya ûcio we mwene ûkîonaga.

Isaia 18:7

Vîndî îo, Ngai-Mûnene mwene vinya wonthe nîakaavirîrwa iveo kuuma vûrûrirî ûyû ûgaanîtue nî nyûnjî, ûrî andû araca na marî ngothi nyoroku. Andû acio nîmetigîrîtwe nthî yonthe. Magaaûka Kîrîmarî gîa Zayuni, varîa Ngai-Mûnene Mwene Vinya wonthe agoocagîrwa.

Gûco 30:13

Wana matirî mûringo wa îria atî nwa mûrie, nû ûkûringa îria nîguo amûgîrîre mo nîguo mûmegue na mûmathîkîre.